Samarqand veterinariya meditsinasi instituti

Qorin arteriyasi – a.coeliaca toq arteriya, uning uzunligi 1 – 2 sm gacha bo’ladi. Undan kavsh qaytaruvchilarda 4 tadan, bir tuyoqlilarda va cho’chqalarda esa 3 tadan arteriya ajraladi.
Taloq arteriyasi – a.lienalis eng yo’g’on tarmoq bo’lib, to’g’ri taloq qopqasiga boradi, uning uchigacha etib, oshqozonning chap charvi arteriyasi – a.gastroepiploica sinistra ni hosil qiladi.

Oshqozonning chap arteriyasi – a.gasterica sinistra o’rtacha yo’g’onlikda bo’lib, oshqozonning old va orqa tomon arteriyalarini hosil qiladi.


Oshqozon, jigar va taloq arteriyalari

A-it B-cho’chqa V-sigir G-otlar organi: 1-oshqozonning chap arteriyasi 2-jigar arteriyasi 3-qorinning o’ng arteriyasi 4-taloq arteriyasi 4^1-katta qorinning o’ng arteriyasi 5-oshqozon-o’n ikki barmoq ichak arteriyasi 6-oshqozon osti bezi-o’n ikki barmoq ichak arteriyasi 7- oshqozonning o’ng arteriyasi 8-o’ng tomon charvi arteriyasi 9-chap tomon charvi arteriyasi 10-katta qorinning chap tomon arteriyasi 11-diafragmaning orqa tomon arteriyasi.

Jigar arteriyasi – a.hepatica jigarning orqa yuzasiga borib, bir qancha mayda arteriya hosil qiladi. Bu arteriya oshqozon osti beziga, oshqozonning o’ng yuzasiga, o’n ikki barmoqli ichakka boradigan arteriyalarga va o’n ikki barmoqli ichakning old tomon arteriyasiga, oshqozon – charvi o’ng arteriyalariga ajraladi.
Ichak pardasining old tomon arteriyasi – a.mesenterica cranialis qorin arteriyasidan keyin aortaning pastki yuzasidan birinchi bel umurtqasida ajralib, ichak pardasi orqali (o’n ikki barmoq va yo’g’on ichakning keyingi bo’limidan tashqari) hamma ichakni qon bilan ta'minlaydi.Ichak pardasining old tomon
arteriyasi – a.mesenterica cranialis qorin arteriyasidan keyin aortaning pastki yuzasidan birinchi bel umurtqasida ajralib, ichak pardasi orqali (o’n ikki barmoq va yo’g’on ichakning keyingi bo’limidan tashqari) hamma ichakni qon bilan ta'minlaydi.