Samarqand veterinariya meditsinasi instituti

Qizilo’ngach – bronxlar tomiri – truncus broncho oesophageus hayvonlarda ikkalasi birga yoki ayri holda bo’ladi. Tomirning bronxlardagi qismi – a.bronchialis o’pkaning har ikkala bronxiga borib; o’pka arteriyasi kapillyarlari bilan qo’shiladi.
Qizilo’ngach arteriyasi – a.oesophageus kichik tarmoqcha bo’lib, qizilo’ngachning yuqori tomon yuzasidan o’tadi va orqa tomonga boradi.

Diafragmaning old tomon arteriyasi – a.phrenicae cranialis faqat bir tuyoqlilarda bo’ladi, u diafragmaning oyoqchalari oralig’ida aortadan ajralib, diafragmaga tarqaladi.


Tana arteriyasi sxemasi

1-aorta yoyi 2-ko’krak aortasi 3-qorin aortasi 4-yonboshning tashqi arteriyasi 5-yonboshning ichki arteriyasi 6-umumiy bosh-yelka stvoli 7-chap umrov osti arteriyasi 8-qovurg’a-bo’yin arteriyasi 8^1-bo’yinning ko’ndalang arteriyasi 8^11-birinchi qovurg’alar aro arteriya 9-bo’yinning chuqur arteriyasi 10-umurtqa arteriyasi 11-to’shning ichki arteriyasi 11^1-oldingi ichki arteriya 12-yelka bo’yin arteriyasi 13-to’shning tashqi arteriyasi 14-qo’ltiq osti arteriyasi 15-bronxlar arteriyasi 16-qizilo’ngach arteriyasi 17-diafragmaning oldingi arteriyasi 18-qovurg’alar aro arteriyalar 19-qorin arteriyasi 20-oldingi ichak parda arteriyasi 21-buyrak arteriyasi 22-ichki urug’ arteriyalari 23-orqa ichak parda 24-yonboshning chuqur aylana arteriyasi 25-bel arteriyasi 26-yonbosh-bel arteriyasi 27-sonning aylana arteriyasi 28-sag’rinning oldingi arteriyasi 29-sag’rinning orqa arteriyasi 30-jinsiy azoning ichki arteriyasi 31-orqa tomon ichki arteriyasi 32-sonning aylana o’rta arteriyasi 33-son arteriyasi 34-sonning oldingi arteriyasi 35-sonning orqa arteriyasi 36-yurak 37-o’pka.

Qorin aortasi – aorta abdominalis bel umurtqalarining ostida keyingi kovak venaning chap qismida joylashib, ichki organlarga va bel qismiga bir qancha arteriya tarmog’iga chiqaradi.