29
məlumatlara görə, Yəzid ölümündən sonra onun oğulları Əsəd
ibn Yəzid, Məhəmməd ibn Yəzid
53
və xəlifənin
h.205 (802)-ci ilə qədər bir-birinin ardınca Azərbaycana, Arrana, Ərminiyyəyə təyin etdiyi bir sıra əmirlər
hakimiyyət sürmüşlər. H.205-ci ildə xəlifə Məmun Yəzd ibn Məzyəd əş-Şeybaninin oğlu Xalidi həmin ölkələrə
vali gondərdi. Xalid Şəkidə, Gürcüstanda və Sənariyyədə üsyanları yatırtdı.
54
H.212-217 (827/8-823/4)-ci
illərdə Xalidin adı "Mədinət Arran"da (Arran şəhəri) kəsildiyi qeyd edilən dirhəmin üzərində yazılmağa
başlayır.
55
Bəlazurinin məlumatına görə xəlifə Xalidi ermənilərdən bəxşiş almaq
üstündə hakimiyyətdən
salmışdır.
56
Xəlifə Mötəsim bu vilayətləri iqta kimi Babəklə vuruşmuş sərkərdə Afşinə vermişdi. Xalid
Mötəsimin ölümünə (h.227 (842)-ci il) və onun oğlu Vasiq hakimiyyət başına gələnə qədər vəzifəsiz qalmışdı.
Xilafətin zəiflədiyi bu dövrdə Cənubi
[59 - 60]
Qafqazın bir sıra vilayətləri müstəqilliyə və Xilafətdən
ayrılmağa can atırdı. Vasiq Tiflis valisi İshaq ibn İsmayılın üsyanı ilə bağlı baş verən iğtişaşlarla əlaqədar Xalidi
çağıraraq Ərminiyyə, Azərbaycan və Arranın valisi təyin etdi və onu 12 minlik süvari ilə göndərərək İshaqla
mübarizəyə girib, üsyanı yatırtmağı əmr etdi. Xalid Ərminiyyəyə daxil oldu və burada 20 minlik erməni qoşıınu
ilə birləşərək Curzana (Gürcüstana) doğru hərəkət etdi. O, Cavax (Cavaxeti) adlı yerdə xəstələndi və iki gündən
sonra öldü. Dəbilə (Dvin)
gətirilərək, bir məlumata görə h.230 (844)-cu, digər məlumata görə isə h.228 (842)-ci
ildə dəfn olundu. Xalidin ölümündən sonra Xəlifə Vasiq onun böyük oğlu Məhəmmədi Azərbaycan, Ərminiyyə
və Arrana vali qoydu və İshaqın üzərinə getməyi əmr etdi. H.230 (844)-cu ildə hakimiyyətə başlayan
Məhəmməd İshaqla müharibədə məğlubiyyətə uğradı və elə həmin il Dərbənddə Buğa əş-Şərabi tərəfindən
devrildi. Xəlifə Mütəvəkkil Dərbənd şəhərini və onun həndəvərindəki torpaqları iqta kimi Məhəmməd ibn
Xalidə verdi.
Sonralar Şirvanşahlar, xəlifənin hədiyyəsi kimi, daim Dərbənd torpaqlarının iddiasında olmuşlar.
Xəlifənin əmri ilə Məhəmməd türk Əbu Musa ilə birgə İshaqın üzərinə yürüdü. Çoxlu vuruşmalardan sonra
İshaq məğlub edildi və öldürüldü. Məhəmməd Dərbəndə qayıtdı. Onun sonrakı fəaliyyəti Dərbəndin
qonşuluğunda və Sünikdə yaşayan "gavurlara" qarşı yürüşlərlə bağlı olmuşdur.
57
H.242 (846)-ci ildə o, Buğa əl-
Kəbirin
köməyilə yenidən Azərbaycan, Ərminiyyə və Arranın valiliyinə qaytarılmışdır. Bir mənbədə onun
h.245 (859)-ci ildə Arran vilayətində Cənzə (Gəncə) şəhərini saldırdığı göstərilir. Şəhər, xəlifənin ona hədiyyə
etdiyi mülklərlə birlikdə, onun irsi sahibliyinə keçdi. Məhəmməd Ərminiyyə hakimliyini buraxıb Gəncəyə
qayıtdı.
58
Əl-Bəlazuri, Yəqubi və əl-Kufinin məlumatlarına əsasən
bu nəticəyə gəlmək olar ki, Şirvanın ilk istilası
dövründən IX əsrin birinci yarısınadək ərəblər Şirvanşahları xəlifəyə xərac verən və onun xəzərlərə qarşı
yürüşlərində iştirak edən vassallar kimi hakimiyyətdə saxlamışlar. Əl-Bəlazuri 797/8-ci ildə Ərminiyyənin valisi
olan Səid ibn Səlm əl-Bəhili ilə bir dövrdə hakimlik etmiş əş-Şəmax ibn Şücanın adını Şirvanın məliki kimi
çəkir. Ehtimal ki, o, ərəblərin hakimiyyətdə saxladıqları islam dinini və ərəb adını qəbul etmiş Şirvanşah
olmuşdur. Lakin o, xəlifə tərəfindən Şirvana vali təyin edilmiş ərəb canişini də ola bilərdi. Şirvanşahlar
Xilafetin inzibati bölgüsünə görə Şirvanın daxil olduğu Azərbaycan və Ərminiyyə valisinə tabe idilər. Əl-
Bəlazuri
xəbər verir ki, yerli feodallar öz mülklərində yaşayır və hər biri öz vilayətini müdafıə edirdi. Canişinin
göndərdiyi vilayət rəisi (amil) bu ölkəyə gələrkən yerli feodallar onu saya salmamağa çalışırdılar. Rəisin
dəyanətli, sərt və hərbi gücə malik olduğunu gördükdə vergi verir və itaət göstərirdilər. Əks təqdirdə isə ona
böhtan atmağa çalışırdılar. Onlar çox vaxt rəisə saymazcasına yanaşırdılar. Ərminiyyədə və Arranda Xilafət
əleyhinə üsyanlarla əlaqədar xəlifə Mütəvəkkil Buğa əl-Kəbiri həmin ölkələrə vali göndərdi. O, "Curzam
yenidən
fəth etdi, itaət etməyənləri Arran, Ərminiyyənin dağlıq vilayətləri və Sisəcandakı (Sünik) iğtişaşın
bütün günahkarlarını - istər xristian, ıstərsə də başqalan - əsir tutub xəlifənin hüzuruna göndərdi. Beləliklə,
indiyədək görüşmənin qayda-qanun bərqərar edən Buğa h-241 (855/6)-cı ildə Samirəyə qayıtdı"
59
Buğa
gedəndən sonra Məhəmməd ibn Xalid üçüncü dəfə Ərminiyyə və Arranın valisi təyin olundu. Onun ölüm ili
məlum deyil.
[61 - 62]
§5. Köçəri şimal tayfalarının Şirvan və Arrana gəlmələrinə dair
Köçəri türk tayfalarının eramızın ilk əsrlərində Qafqaz Albaniyası ərazisinə gəlmələri məsələsi
Azərbaycan xalqının etnogenez probleminin araşdırılması üçün mühüm əhəmiyyətə malik olub, qədim
Azərbaycanın türkləşməsi məsələsi ilə sıx bağlıdır. Şimali Qafqazda və Dağıstanın dənizsahili ərazilərində
yaşayan bu tayfalar artıq eramızın ilk əsrlərindən Dərbənd keçidindən Albaniyaya keçib gəlirdilər. Sonralar - V-
VI əsrlərdən tarixi ənənəyə görə Sasani hökmdarları yalnız
Zaqafqaziya ölkələrinin deyil, İranın da
təhlükəsizliyini hədələyən koçəri türk tayfalarının axınının qarşısnı almaq üçün burada möhtəşəm istehkamlar
tikmişdilər.
1
Türk tayfalarının Albaniya ərazisinə ilk dəfə nə vaxt gəlmələrinin aydınlaşdırılması üçün Dərbənd
səddinin tikilmə tarixi məsələsi mühüm əhəmiyyət kəsb edir.
Artıq eramızın ilk əsrlərindən etnolinqvistik proseslərin ən mühüm komponentlərindən olan türk etnosu
qonşu Albaniyanın tarixi inkişaf mənzərəsini xeyli dərəcədə dəyişdirdi. Məlumdur ki, Azərbaycan xalqının
təşəkkülündə müxtəlif - türk, İran, Qafqaz etnik ünsürləri iştirak etmişlər. Türk ünsürləri azərbaycanlıların
etnogenetik inkişafında mühüm rol oynamış, onlara etnosun başlıca təyinedici əlaməti olan dil vermişdir.
2