27
yaxınlığında xaqanın oğlu Barsbəyin başçılıq etdiyi Xəzər qoşunlarını məğlubiyyətə uğratdı. Əl-Cərrah çoxlu
əsir alaraq, onları Qəbələ rustaqında xəzərlərin
məskəni olan Qaniyyə
*
kəndində yerləşirdi. Sonra o, şitnal tərəfə
gedərək Bələncəri zəbt etdi. Dağlı hakimlər onun əleyhinə qalxdılar. O, qənimətlərlə Şəki vilayətinə qayıtdı,
burada qışlayaraq Suriyadan kömək gözlədi.
36
Lakin 724-cü ilin yanvarında xəlifə Yəzid öldü. Onun yerinə
qardaşı Hişam ibn Əbd ül-Məlik keçdi (724-743-cü illər). H.107-ci ildə xəlifə Hişam əl-Cərrahı valilikdən
çıxararaq onun yerinə öz qardaşı Məsləmə Əbd ül-Məliki Ərməniyyəyə və Azərbaycana vali, əl-Xaris ibn Əmra
ət-Tayini isə onun müavini təyin etdi; Yəqubiyə görə, onun qoşun rəisi Səid ibn Əınr əl-Həraşi idi.
Xəlifənin
kənizdən doğulub, taxta-taca sahiblik hüququ olmayan oğlu Məsləmə iyirmi ildən çox bir müddət ərzində
Əməvilərin əzəmətinin dayağı və ərəblərin Qafqazda xəzərlərlə mübarizəsinə başçılıq edən sərkərdə olmuşdur.
Məsləmə 724 və 728-ci illərdə iki dəfə Azərbaycandan xəzərlərə hücum edərək, onların ərazilərinədək
irəliləmişdi. O, yaşayış məntəqələrinə basqın edərək əsir və qənimətlərlə geri qayıdırdı.
37
729-cu ildə xəlifə
Hişam yenidən Cərrah ibn Abdullahı geri çağırdığı Məsləmə ibn Əbd ül-Məlikin yerinə "Ərminiyyə və
Azərbaycan" valisi təyin etdi. Cərrah tezliklə şimala yeni hücııma başladı. O, Şəkidən hərəkət edərək, Bərdəyə
gəldi,
sonra Beyləqan, Varsan və daha sonra Bacərvandan keçərək Ərdəbilə çatdı. Xaqanın oğlu Barsbəy 300
minlik ordu ilə Ərdəbilə yetişdi və Şəhrizad kəndinin yaxınlığında ərəbləri əzdi. Əl-Cərrah döyüşdə öldürüldü.
(730/31 -ci il). Xəzərlər Ərdəbili tutdular və Azərbaycana dağıdıcı yürüş keçirdilər.
38
Bu yürüş haqqında
Gevond belə məlumat verir: "...sərkərdə topladığı qoşunla Cor (Dərbənd) keçidindən keçərək Maskutlar
ölkəsinə getdi və Paytakaran (Beyləqan) ölkəsinə basqın etdi.
[56 - 57]
O, Araz çayından keçərək İrana
(Azərbaycana) adladı, Artaveti (Ərdəbili), Qandzakı (Gəncə), Şahastanı (Təbriz), Atiş-Baquan (Bakı və
Abşeron) adlanan vilayəti, Spatar - Perozu (İsfəndiyar - Peroz) və Hürmüzd - Perozu (Muğanı) dağıtdı.
39
Türklərin Azərbaycana və Şirvan vilayətinə hücumları sonralar da davam etmişdir. ƏI~Cərrahın ölümündən
sonra xəlifə yenidən Məsləməyə müraciət etdi və o, Cənubi Qafqaza gələnədək
xəzərlərlə mübarizə aparmaq
üçün Səid ibn Əmra əl-Həraşini Azərbaycana göndərdi. Səid Suriyadan hərəkət edərək Xilata getdi, sonra
Bərdəni tutaraq Beyləqana yetişdi. Barsbəy xəzərlərə təslim olmayan Varsanı mühasirəyə aldı. Səid Varsana
yaxınlaşdı, xəzərləri mühasirədən əl çəkməyə və qaçmağa məcbur etdi. Sonra Səid Varsandan Ərdəbilə getdi və
Bacərvana gəlib çatdı. Burada Rustaq deyilən yerdə xəzərlərə qalib gələrək 10 min əsir müsəlmanı, o cümlədən
Cərrahın arvad və uşaqlarını azad etdi. Sonra Səid Muğan vuruşmasında xəzərlərin böyük ordusunu darmadağın
etdi, Barsbəyi isə atdan yerə salaraq başını kəsdi və xəlifəyə göndərdi. Səid xəzərləri Şirvana
çatana qədər təqib
etdi. Xozərlər öz ölkələrinə çəkildilər. Xəlifənin Məsləmə ibn Əbd ül-Məlikin Azərbaycan və Ərməniyyə valisi
təyin olunmasına dair əmri h.l 12 (730/3l)-ci ildə Səidə çatdı.
40
Məsləmə Bərdəyə yetişən kimi Səidi öz yanına
çağırdı və əmri pozduğuna, xəzərlərlə müharibədə özbaşınalığa yol verdiyinə görə həbs etdirdi. Tezliklə xəlifə
Hişamın əmri ilə Səid azad edilərək paytaxta çağırıldı və mükafatlandırıldı. Məsləmə xəzərlərə qarşı hücuma
keçdi. O, Kürdən keçərək Şirvana yaxınlaşdı. Əhali onu sülhlə qarşıladı. Buradan Məsqətə yollanan Məsləmə
oranın əhalisi ilə sülh bağladı, süvari dəstələrini isə ləkzlər ölkəsinə göndərdi.
41
IX əsr ərəb müəllifı əl-Bəlazuri
xəbər verir ki, "Məsləmə Xeyzan (Haydaq?) əhalisi ilə sülh bağladı və
şəhər qalasını dağıtmağı əmr etdi... dağlı hakimlər onunla (Məsləmə ilə) sülh bağlamağa tələsdilər və ona xərac
verdilər, beləliklə, Şirvanşah, Liranşah, Təbərsəranşah, Filanşah və Carşanşah (Xursanşah –
S. A. ), habelə
Məsqət hakirai onun yanına gəldi. Bundan sonra Məsləmə Bab (Dərbənd) şəhərinə yollandı və onu tutdu. Bu
vaxt Bab qalasında min xəzər ailəsi var idi. Məsləmə onları mühasirəyə olaraq
üstlərinə daş, sonra isə daş
formasına salınmış dəmir yağdırmağa başladı. Lakin bunun köməyi olmadı..." Məsləmə Dərbəndi hiylə ilə aldı:
ona yerli sakinin - Xəzər qarnizonu döyüşçüsünün xəyanəti kömək etdi.
42
Dərbəndi aldıqdan sonra burada 24
min Suriya əsgəri yerləşdirərək, onlara yüksək məvacib vəd etdi. Şəhəri dörd sahəyə bölərək Dəməşq, Hims,
Fələstin, Suriya və əl-Cəzirə sakinlərinə verdilər. Məsləmə Dərbənddə ərzaq, taxıl və silah anbarları tikdirdi
-
o,
şəhərin
su çənini təmizləməyi əmr etdi, şəhərin uçulub-dağılmış yerlərini təmir etdirdi, onu bəzədi. Xəzərlərə
qarşı Məsləmə ilə yanaşı, Mərvan ibn Məhəmməd də şücaətlə vuruşmuşdu. Məsləmə h.114 (732)-cü ildə
valilikdən azad olunduqdan sonra xəlifə Hişam Səid ibn Əmranı Şirvan və Arranın hakimi təyin etdi. Ondan iki
il sonra valiliyə keçən Mərvan ibn Məhəmməd h.117 (735/36)-cı ildə Xəzərlərin ölkəsinə soxuldu. Lakin islamı
qəbul etdiyinə görə xaqanı hakimiyyətdə saxladı. Bundan sonra Mərvan 40 min xəzər əsirini Samur və Şəbəran
çayları arasında
yerləşən, Ləkz vilayətindəki düzənlikdə məskunlaşdırdı. Sonralar Mərvan Şimali və Cənubi
Dağıstanın bir sıra vilayətiərini zəbt edərək, onların hakimlərini öz hakimiyyətinə tabe olmağa, habelə, hər il
xəlifənin canişininə 1500 gənc oğlan və 500 qara saçlı,
qara gözlü, uzun kirpikli gənc qız və Babın taxıl
anbarına taxıl göndərməyə məcbur etdi.
43
Bir sıra vilayətlərdən toplanan vergilər Dərbənd taxıl anbarında
*
Qəbələ rustaqında Qaniyyə kəndi - "Şirvan və Dərbəndin tarixi"ndə adı çəkilən Kuni adlı yerdir. Orada deyilir ki, "1067-ci İlin şaban
(iyun) ayında Şirvanşahın dayısı oğlu Ləşkəristan Qəbələ darvazasının qarşısında kunililər tərəfindən öldürülmüşdür". Kuni adı, ehtimal
ki, bu vilayətə hələ VII əsrdə məskən salmış hunlarla bağlıdır.