www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
49
1.
İndi sizə danışıram, qulaq asın, eşidin, ey o adamlar ki,
yaxından, uzaqdan öyrənmək istəyirsiniz. Bu sözləri
hamınız yadınızda saxlayın. Çünki onlar həqiqətdirlər.
Olmasın ki, pis mürəbbi yenidən həyatı puça çıxarsın , o
yalanpərəst dili ilə pis dini təbliğ edir.
2.
İndi də danışıram, həyatın başanğıcında olan o iki
gövhərdən. O pak gövhər xəbis gövhərə belə demişdir:‖
Biz ikimiz nə düşüncə, nə tərbiyə, nə ağıl, nə din, nə söz,
nə davranış, nə inam və nə də ruhda bir-birimizə uyğun
gəlirik‖
3.
İndi danışıram həyatın başlanğıcında bilikli Məzda Əhura
mənə dediyi sözdən: içərinizdən mənə düşündüyüm kimi
və dediyim kimi dinə riayət etməyənlər həyatın sonunda
təəssüflənəcəklər.
4.
İndi danışıram dünya üçün ən xeyirli şeydən . Ey Məzda,
doğru dindən öyrəndim o adam ki, dünyanı yaratdı uğurlu
davranışı olan kəndlinin atasıdır və torpaq onun xeyirli
qızıdır. Hər şey görən Əhuranı aldatmaq olmaz.
5.
İndi danışıram ən müqəddəsin mənə dediyi sözdən, elə
sözdən ki, onu eşitmək insanların xeyrinədir. Mənim üçün
ona itaət edənlər müqəddəs düşüncə və davranış vasitəsilə
əbədiyyətə çatarlar, Məzda Əhura belə dedi.
6.
İndi danışıram hamıdan yüksək oan şəxsdən,
ona sitayiş
edirəm. Ey doğruluq, yaradanın xeyirxahı olan adamı öz
pak ruhundan bəhrələndir. Uğurlu davranış friştəsindən
soruşduğum o sitayişi olsun ki, Məzda Əhura öz ağlı
vasitəsilə ən yaxşı şeyi mənə başa salsın.
7.
Onun əlində olan xeyiri bütün canlılar - olmuş və olacaq
canlılar başa düşəcəklər. Əbədiyyətə çatmaqda doğruluq
tərəfdarı olanın ruhu həmişə müvəffəqiyyət tapacaq,
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
50
yalanpərəst isə zəhmətdə olacaqdır. Bunu Məzda Əhura
öz mənəvi ölkəsində yaradacaqdır.
8.
Sən onu mənim üçün , namaz sitayişləri ilə əldə et. Bəli,
gözlədiyim yolu uğurlu düşüncə, əməl və sözüdoğruluq
vasitəsilə Məzda Əhuranı tanıdıqdan sonra indi öz
sitayişlərimizi onun dərgahına təqdim edək.
9.
Əhura Məzdanı, məşiyyəti ilə bizə xoşbəxtlik və
bədbəxtlik verən o şəxsiyyəti uğurlu davranışla sevindir.
Məzda Əhura öz qüdrəti ilə bizə əkin və iş versin ki,
doğru din üzrə müqəddəs düşüncəni tanımaqla biz
heyvanlarımızın və adamlarımızın həyatını yaxşılaşdıraq.
10.
Onu, o şəxsiyyəti ki, həmişə Məzda Əhura adlanar, bizim
üçün dindarlıq duası ilə yüksək tut. Çünki o , Ordubehişt
və Bəhmən vəd etmişdir ki, bizim üçün əbədi ölkədə
yetkinlik və əbədilik dərgahında güc və möhkəmlik
olacaqdır.
11.
Beləliklə, gələcəkdə divləri və adamları alçaq tutan adam
, nicat verib pak dini yaxşı başa düşən adamadan başqa
digərlərini alçaq tutanlara o böyük şəxsiyyət dost, qardaş
və ya ata olacaqdır, ey Məzda Əhura.
www.kitabxana.net
– Milli Virtual-Elektron Kitabxananın e-nəşri
Zərdüşt peyğəmbər
Avesta
51
Yəsna, 46-cı Hat, “Uştəvəydqat”
1.
Hansı ölkəyə tərəf yollanım, haraya gedim? Böyükbaşlar
və dini rəhbərlər məndən uzaqlaşırlar. Nə əkinçilər, nə də
dövlət başçıları məni sevindirir... Ey Məzda, mən səni
necə sevindirə bilərəm?
2.
Ey Məzda, mən bilirəm nə üçün uğur əldə edə bilmirəm.
Çünki yoxsulam, adamlarım azdır. Ey Əhura,
gileylənirəm, özün nəzər salıb bir dost kimi dostuna
yardım göstər. Doğru din üzrə müqəddəs düşüncənin
bəhrəsindən məni agah et.
3.
Ey Məzda, o günün səhəri nə vaxt açılacaqdır ki, onda
nicat verənlərin müdrik, firavanlıq verən təlimatı ilə
dünyada doğru din yayılacaqdır? Bəhməndən yardım
görəcək adamlar kimlərdirlər? Ey Əhura, bunları
öyrənmək üçün səni seçdim.