209
“Bənduvan” istirahət zonası 1,5 hektar meşəlik ərazini əha‐
tə edir. 15 ədəd taxta kotejlərdən, daşdan tikilmiş restorandan
və uşaqlar üçün əyləncə parkından ibarətdir. Yaxınlıqdan bum‐
buz bulaqların qovuşduğu dumduru çay axırdı. Gələcəyimizi
bildiklərindən üçotaqlı kotejlərdən birini bizim üçün saxlamış‐
dılar. Yükümüzü otağa boşaldıb meşənin dərinliklərinə – bulaq
başına gəzməyə getdik. Bulaqla balaca şəlalə arasında on metrə‐
dək məsafə vardı. Meşə o qədər sıx idi ki, günəşin şəfəqləri yerə
güclə çatırdı. Atam hər otu, çiçəyi, kolu, ağacı diqqətlə gözdən
keçirir, – “Ölüb qalmalı yerdir”, – deyə məmnunluqla bu gözəl‐
liyə valeh olduğunu gizlətmirdi. Bulağın gözündən su içib, –
“Azərbaycanın nə qədər gözəl bir cənnət guşəsi olduğunu bil‐
mək üçün onun hər dərəsini, meşəsini, bulağını gəzmək, gör‐
mək lazımdır. Bax o zaman doğma Azərbaycanın hər qarış tor‐
pağını sevməyə, qorumağa hamı sidq‐ürəkdən and içər” – dedi.
Bizimkilərdən xeyli aralanıb ata‐bala tək qalmışdıq.
Atam:
– Oğul, mən burda qalası oldum. Nə var o cansıxıcı şəhər
binalarında, o səsli‐küylü küçələrdə? Bir azdan sən də qoca‐
lacaqsan, səni and verirəm ananın qərib məzarına, balalarını şə‐
hər mühitində tərbiyə almağa qoyma. Vaxt varkən belə yerlərə
köç, heç olmazsa saf hava udarsan. Müdrik, zəhmətkeş insanla‐
rın arasında yaşamaqla, bic mühitdə yaşamaq arasında çox fərq
var, oğul. Bir azdan Durna instituta girəcək, təkbaşına şəhərə
gedib‐gələcək, ətrafdakıların çoxu isə əjdaha xislətli adamlardır,
baxma, yəqin istəməyənlərin də var. Bax, oğul, bu barədə sə‐
ninlə həmişə söhbət etmək istəmişəm, çünki məni narahat edən
iki şey var, – “Torpaqlar nə vaxt qaytarılacaq?” və “nəvələrim
şəhərdə böyüyüb, tərbiyə alıb nə olacaqlar?”.
– Ata, sən elə danışdın ki, guya şəhərdəkilərin hamısı ilan,
əjdahadır. Hamının övladı, arvadı, ailəsi var. İçində iki‐üç şərəf‐
sizi var deyə, niyə şəhərdən belə iyrənirsən?
210
– Çünki, kənddə sən dediyin o iki‐üç şərəfsiz də yoxdu –
camaatın tənəsi deyilən bir şey var. Amma şəhərdəki bu iki‐üç
toxum tezliklə bütün şəhəri bürüyəcək. Qiyamət günü valideyn
övladının harayına çata bilmədiyi kimi, şəhərdə də gözünün
qabağında ölən birinə gözucu baxmaqla kifayətlənirlər.
Qocaya‐uşağa yer verilməyən, böyük‐kiçiyə hörmətin itdiyi,
zarıyan adama bir qurtum suyun verilmədiyi yerdə insaf,
ədalət yoxdu demək, oğul. Laqeydlik baş alıb şəhərdə. Bir gün
sənin də laqeydlik qurbanı olacağından qorxuram, bala... Bura‐
lar çox gözəldir, balalarına bir gün ağla. Şükür verənə, imkanın
var, şəraitin var... Buralara uyğun bir iş seç və yığış buralara.
– Ata, mənim də istirahətə ehtiyacım var. Cavan yaşımda
özümü lap 90 yaşlı qoca kimi hiss edirəm. Əslində düz de‐
yirsən. Mən bu işi başlamışam da. Amma yəqin ki, bu bir qədər
vaxt aparacaq. Yəqin ki, o vaxtadək Durna institutu, Kənan da
məktəbi bitirəcək. Allah kərimdir, dediyin bir az geciksə də,
amma mütləq olacaq.
– Soruşmaq pis çıxmasın, – işlərinə qarışmağı bilirsən ki,
sevmirəm, bax bu istirahət zonasından nə qədər pul qazana
bilirsən?
– Hər gün qonaq olsa, hər kotej gündə təmiz 100 manat
verir. Ayda da rüşvətli‐zadlı, qoy rayon yerində olsun lap
2000‐3000 manat xərci. İşçilərin əmək haqqını, xidmət xərclərini
isə restoranın gəliri tam ödəyir.
Atam köhnə hesabdar idi – beynində vurdu‐çıxdı:
– Demək ayda 42‐43 min manat pul. Ay oğul, bəs niyə
artıqtamahlıq edib günaha batırsan, bu qədər pul sənin yeddi
arxa dönəninə də bəs edər. Bizim “doqquzluq” eşşək kimi
səhərdən axşamadək işləməyin kimə lazımdır? Niyə balalarını
başına yığıb insan kimi yaşamırsan?
– Ata, bir azdan buraların da zibili çıxacaq. Hələ ki, Bakını
daraşıb yeyirlər. İndi şəhərdən buralara “yeni islahatlar aparmaq
211
üçün” işçilər təyin edirlər. Bir də ki, bura Bakıdakı işləri səhmana
salmaq üçün lazımdır. Elə bilirsən səhnədən çıxmağa, “daha mən
oynamıram” deməyə imkan verərlər, həmin günü səni tapdalayıb
əzərlər. Hünərin varsa, deyilən məbləği vaxtında çatdırma, həmin
günü əlli dəfə zəng edirlər –
“Nooldun
, harda qaldın?”. Qorxulu
zəmanədir, ata, çox qorxulu... Adamı qarışqa kimi əzərlər.
– Nə bilim, ay bala, sən daha yaxşı bilərsən. Onda ehti‐yatlı
ol, balalarına, mənə yazığın gəlsin. Görəsən bu məmləkət nə
vaxtsa düzələcəkmi, rüşvətin kökünü kəsən biri tapılacaqmı?
– Ayda 45 min qazanmaq üçün 2‐3 min pul xərcləməyin
nəyi pisdir axı, ata? Qınamalı deyil, bəlkə də belə olmalıdır. Axı
biz də hər şeyi bilmirik, bəlkə doğrudan da Qarabağı qaytar‐
maq üçün yığılır bu pullar?
– Əgər elə olsa, mən “uf” demədən yenidən sənin atan
olmaq üçün bütün hər şeyimizi satıb dövlətə verərəm. Amma
yalan deyirlər, bu rüşvətdir bala, rüşvət. Rüşvət isə haramdır.
Haram isə şeytana qulluqdur, Allaha zidd çıxmaqdır. Allaha
zidd çıxmağın əvəzi cəhənnəm əzabıdır. Rüşvəti verən də, alan
da cəhənnəm odundan qorxmalıdır. Bax sənin ürəyini deşən də
cəhənnəm əzabının qorxusudur. Hərdən sənin çəkdiyin əzab‐
lara görə əlimə silah alıb o rüşvətxorların üstünə cummaq istə‐
yirəm. Rüşvət üstə qurulan dövlətin ömrü uzun sürməz, bala.
Amma baxanda ki, bura şəhərdir və deməli şəhərdə hər şeyin
belə olması normaldır, onda qarışmıram, hirsimi boğuram. Elə
bilirsən hər dərman atanda, ürəyin sancanda oturub kənardan
sakitcə baxıram? Yox vallah, içim deşilir, sabahadək vicdanımla
xırlaşıram. Amma işlərindən başım çıxmır, sənə yol göstərə
bilmirəm, atalıq vəzifəmi mən də “dondurmuşam”, “yəqin özü
ən döğru yolu bilir”– deyirəm. Başqa vaxtı səni siqaret çəkmə‐
yin üstdə tövləmizdəki dirəkdən asardım, amma indi, gecələr
səhərədək dənizə baxa‐baxa hər iki dəqiqədən bir siqaret çək‐
diyini görəndə göz yaşımı saxlaya bilmirəm.
Dostları ilə paylaş: |