197
Qəsəbədən karxanaya yemək‐içmək göndərdim. Axşam
gözümə yuxu getmədi. Yazığım gəldi bu cavanlara. “İndi bun‐
ların qaz vurub qazan dolduran vaxtlarıdır, amma gör canlarını
nəyin uğruna min əziyyətə soxmaq məcburiyyətindədirlər. Al‐
lah bilir bu işə keçmək üçün nə qədər də pul xərcləyiblər”.
Sabah Vergilər Nazirliyinə zərg vurdum – “Uşaqlar on gü‐
nə dediyiniz əmanəti məndən götürə bilərlər. Karxanada bit‐
birəyə yedirtdiyiniz cavanlara bir az istirahət verin!” – dedim.
– Bax belə... Gələn il sizə güzəşt də olacaq, bu il pula çox
ehtiyacımız vardı.
– Bu dillə ilanı yuvasından çıxardarsınız siz...
– Dövlət bizi elə‐belə qoymayıb bura. Dövlətimizə sədaqət‐
lə qulluq etmək bizim borcumuzdur. Biz də maaşımızı belə qa‐
zanırıq. Sizin işiniz bizimkindən min dəfə rahat və asandır. Bi‐
zimki isə söyüş qazanmaqdır.
– Düz sözə nə deyəsən, vallah, sizə yazığım gəldi. Onda
gələn ildən mötərizədəki son rüşvət həddini dostcasına sifariş
edin ki, əvvəlcədən hazırlığımızı görək. Di salamat qalın.
– Allah amanında, Allah günahımızdan keçsin. Deyəsən
sizdə üzlük daşı da istehsal edilir, mümkünsə, bağ evim üçün
300 kvadrat “ağlay” göndərərdiniz, narahat olmayın pulunu
ödəyəcəyəm, biz sizin fikirləşdiyiniz kimi müftəxor deyilik.
– Adam göndərərsiniz götürsünlər, pulu isə lazım deyil,
idmançılara müftə mənzil bağışlanması fonduna keçirərsiniz.
Görüşənədək.
– Ondasa lazım deyil. Pulunu götürəcəksənsə, adam gön‐
dərim.
– Yaxşı, göndər. Sağ olun.
Rüşvəti boynuma qoyduğuna görə sevinirdi. Öz‐özümə
dəli kimi gülürdüm – “Maşallah, dilli‐dilavərmiş, ilanı yuvasın‐
dan çıxardar”. Yadıma bir lətifə düşmüşdü...
198
...Bir gün limon sıxmaq üzrə yarış keçirilirmiş. Qoldan‐
zorba bir adamın sıxdığı limondan kim axırıncı bir damlanı çı‐
xarsa, ona böyük bir mükafat veriləcəkmiş. Kim cəhd edirsə əli
boşa çıxır – sıxılmış limondan bir damla çıxara bilən tapılmır ki,
tapılmır. Axırda bir qədər yaşlı kişi qabağa durub limon əziyini
əlinə alır və sıxır. Sıxılmış limondan yarım stəkanadək su çıxa‐
rır. Hamı mat‐məəttəl qalır. Ondan soruşurlar ki, – “Sən bunu
necə bacardın, həm də bir damla deyil, yarım stəkan?”. Cavab
verir ki, – “Beş il vergidə işləmişəm!”
Dilbər:
1993‐cü ilin ağrılı‐acılı günləri ötüb keçmişdi. Atəşkəs im‐
zalandı və ara xeyli sakitləşdi. Familə xalanın ölüm xəbəri məni
hədsiz dərəcədə üzürdü. Fərhadın yanında olmaq, ona təskinlik
vermək keçirdi içimdən. “Görəsən indi onların halı necədir,
harda məskunlaşdılar, dolanışıqları necədir?” – sualları fikrim‐
dən çıxmırdı. Hələ, Ağəli əminin başına gələnlər yəqin ki Fər‐
hadımın qəddini çoxdan əymişdi. Fərhadı bir gün də olsun
unutmurdum. Əlim heç yerə çatmırdı, Fərhadın dərdini uzaq‐
dan da olsa yaşamaqla təskinlik tapırdım.
...İllər çox sürətlə ötdü. Mən məktəbi bitirdim. Atamın
köməkliyi ilə Pedoqoji İnstitutun “ibtidai sinif müəllimliyi”nə
daxil oldum. Qardaşım Tofiq İngiltərədə yaşayır, həm də orada
“beynəlxalq iqtisadiyyat” ixtisası üzrə oxuyur. Çəkdirib gön‐
dərdiyi şəkillərdən aydın görünürdü ki, o, artıq əvvəlki kimi
utancaq Tofiq deyil, əksinə, sırtılmış, sürtük qadınlar kimi bə‐
zənib‐düzənmiş, burnuna, qaşlarına sırğa taxmışdı. Boynunu,
biləyini tatuajla doldurmuş, ya homoseksual, ya da satanist ol‐
muşdu – təzə imicindən baş çıxarmaq olmurdu. Atam gücünü
toplayıb qardaşımı və məni oxutdurmuşdu. İşlədiyi zavod özəl‐
199
ləşdirildi və atamı işdən çıxardılar. Bir il işsiz qaldıqdan sonra
nevroz oldu – hər şeyə qarışır, çığır‐bağır salırdı, həlim xasiyyətli
atamdan əsər‐əlamət qalmamışdı. Anamla heç yola getmirdi, hər
pisliyin, bəxtsizliyin səbəbkarı kimi onu görürdü, hətta onu
boşamaqla da hədələyirdi. Tofiqin çirkin halı atamın belini
qırmışdı, mənim də əxlaqsız ola biləcəyimdən qorxur və bütün
günü az qala mənsiz qalmırdı. Anam istəyirdi ki, məni atamın
keçmiş iş yoldaşı Nəsir müəllimin oğlu Tahirə versin. O vaxt mən
3‐cü kursda oxuyurdum və Fərhad çoxdan idi ki evlənmişdi,
hətta, iki uşağının olduğunu, qızına nənəmin adını qoyduğunu da
bilirdim. Bir neçə il sonra atam maşınla yol qəzasına düşüb dün‐
yasını dəyişdi. Anam, etirazıma baxmadan məni Tahirə vermək
üçün hətta Nəsir müəllimin arvadının qulağına da pıçıldamışdı.
Ana‐bala mənasız günlərimizi sayırdıq. Tofiq İngiltərədən ildə
bir‐iki dəfə ən çoxu 2‐3 min dollar pul göndərərdi, axır iki ildir ki,
heç onu da göndərmir. Anam xəstəxanaların birində tibb bacısı,
mən isə uşaq bağçasında müəllimə işləyirdim. Məvacibimizlə ayı
güc‐bəlayla başa vururduq. Evimizin binbərəkəti qaçmışdı, anam
arada içib evə gəlir, dava‐dalaş salır, məni Tahirlə görüşməyə
təhrik edirdi. Tahir bizə ayaq açdı, anamla oturub yeyib‐içir,
hərdən də mənə ilişirdi. Baş götürüb getməyə nə yerim, nə də bir
yaxınım var idi. Təkcə rəfiqəm və iş yoldaşım Səfurə ilə dərdlərimi
bölüşə bilirdim. Atamın yurdu boş, evi kişisiz qalmışdı. Yeganə
günahkar isə ipə‐sapa yatmayan anamın nəfsi idi. Qardaşımı qərib
ellərə salıb puç edən, atamın zəhləsini töküb çərlədən, indi də
məni göz görə‐görə məhv etməyə yerikləmiş öz doğmaca anam
idi. Təcili bu evdən baş götürüb çıxmalı olduğumu bilirdim.
Ancaq hara gedəydim? Nə qədər bəhanə gətirib rəfiqəmgildə qala
bilərdim, axı “məscidin qapısı açıqdır, bəs itin həyasına nə gəlib”
deməzlərmi? Dünyada mənə sahib çıxacaq, dərdimə şərik ola bilə‐
cək yeganə insan – Fərhad gəlirdi gözümün qabağına. Onu axtarıb
tapmaq, ona sığınmaq istəyirdim.
Dostları ilə paylaş: |