112
Şəhərdə həyat yox kimidir. İki min nəfər şəhərə övdət etmişdir
(qayıtmışdır). Gecələr xaraba evlərin mənzərəsi insana bir dəhşət verir.
Şamaxı zəlzələsindən sonra evlər yekdigərindən (bir-birindən) qayət
məsafəli bir halda bina edildiyindən bir evdən digər evə heç bir halda od keçməzdi.
Budur ki, iddia etmək olar ki, evlər birər-birər yandırılmışdır. On altı məsciddən
biri də salamat qalmamışdır. Məscidi-Cameyin binasında atəş ala biləcək heç bir
məvad olmadığından, anlaşılır ki, onun yalnız daşdan olan divar və taclarına neft
və mazut sürtməklə və bir çox müşkilat daxilində onu yandıra bilmişdilər. Çünki o
məscidi başqa dürlü yandırmaq imkan xaricində idi.
Məbədləri belə təhqir və xarab edilmiş türk və müsəlmanlar sonradan şəhəri
istirdad edərkən erməni və rus kilsələrilə müqabilə bilməsəl etməmişlər. O kilsələr
heç toxunulmadan eləcə salamat qalmışdır.
Şamaxıda elə bir salamat bina yoxdur ki, qəza qaim-məqamı, poçt və
teleqraf və bələdiyyə idarəsi və sair bu kimi dövləti müəssisələr orada iqamət
eləsinlər. (Seçimlər bizimdir - S.Q.)
Bu müəssisələrin cümləsi şəhər məktəbinin yanğından qalmış xarabalıqları
içərisində iqamət edirlər. Şamaxıya gedəcək bir məmur, komission və heyət özü ilə
lazım olan yataq və sair bu kimi mayəhtacı (lazım olan şeyi) aparmalıdır. Əks
halda orada müvəqqəti də olsa qala bilməyəcəkdir.
Şəhərə övdət etmiş (qayıtmış) iki min nəfərədək əhali şəhərin kənarında
bağlardan ağac və küləş toplamaqla komalar yapıb, orada yaşayırlar. Əgər,
hökumət qışadək onlar üçün ev və mənzil tədarük etməzsə, qışda soyuqdan tələf
olacaqlar.
Şəhərdə əxzi-əsgər (hərbi komissarlıq) idarəsi olmadığından, Şamaxı
şəhərindən əsgərliyə düşəcək gənclər dəfələrlə Göyçay, Kürdəmir və sair bu kimi
ərazilərdən nəqliyyat əsbabı (transport) olmadığından min dürlü zəhmət və
məşəqqətlə və böyük xərclə Şamaxıya gəlib, təkrar geri qayıtmışdılar. Bu uğurda
olan var-yoxlarını da xərc etmişdilər. Şamaxıda ya bir əxzi-əsgər idarəsi təsis
etməlidir və yaxud əsgərliyə düşəcək gənclər nərədə iqamət edirlərsə, həmin
məhəllin əxzi-əsgər idarəsində kəndilərini (özlərini) qeyd etsinlər. Bir daha onlara
izafə xərclər verdirib Şamaxıya göndərməyə ehtiyac qalmasın.
Şamaxıda sükunət edə biləcək yer olmadığından, Şamaxı qazisi indi də
Kürdəmirdədir. Camaatın qəzavətə ehtiyacı olduqda bu, uzun yolu piyada və yaxud
3-4 yüz manat verməklə Kürdəmirə gəlməyə məcburdur.
Şamaxılılar bu qədər fəlakətə məruz olduqları halda, təkrar yeni bir fəlakətə
uğramışdılar.
Bu yaxınlarda orada yanğın olub, külli surətdə taxıl məhsulatı yanıb, tələf
olmuşdur. Zərərin miqdarı hələ müəyyən edilməmişdir. Lakin yalnız Hacıqədirli
köyündən (kəndindən) 202 min 800 dərz yanmış ki, 70-75 min puda qədər taxıl
edir.
113
Mərəzə adlı malakan kəndi yanında vaqe Mərəzəli müsəlman kəndi vaxtı ilə
ermənilər və malakanlar tərəfindən yandırılıb, dağıdılmışdır. Sonradan türklərin
müvasiləti zaman malakanlar Mərəzədən qaçdıqlarından mərəzlilər öz kəndlərinə
övdət etdikdə (qayıtdıqda) onun xaraba hala salındığını görərək, malakanların
kəndində yerləşmişdilər. İndi malakanlar öz kəndlərinə qayıdıb, müsəlmanlar
tərəfindən işğal edilən evlərini geri istəyirlər. Bu xüsusda hökumətə müraciət
etmişdilər. Hər halda hökumət bu barədə qərar verərkən, müsəlmanlarm da halını
nəzərdə tutmalıdır”.
“Azərbaycan” qəzeti, 1918 № 6; 4 təşrini-əvvəl.
* * *
“Verin zavallılara”
“Va itəsəmu bi habullahi cəmian valə təfərraqu”.
Şamaxı və Göyçayda ermənilər tərəfindən yakılıb yıkılan xanimanları,
qadın, erkək qurşunla öldürülən, bıçaqlarla kəsilib-doğranan bigünah
millətdaşlarımızı, dün zəngin və dövlətli ikən bu gün viranxanalarda iqamətlə bir
loxma yavan əkməyə möhtac buraxılan zavallı qardaşlarımızı düşünürmüsünüz?
Əgər, düşünmüyorsunuz, iyi biliniz ki, kainatın beş sənədir biri-birini
boğazlayan bu ən mühüm dövrəsində əsəbiyyəm qövliyyəsi əlil və ya nöqsan olan
millətlər üçün həyat bu qədər.
Bu günə qədər olduğundan ziyadə yarın üçün də «Quran» əzim əşşanımızın
bəlada nağıl etdiyim əmr məbiyyəni vəchlə mətn bir surətdə yekdigərinə sarılaraq
siyasi birliklərini təmin etməyən əqvam bəlxassə bundan sonra qətiyyən
yaşamayacaqdır. “Ə1 muminu lil mumuni kəl bunyənil mərsus yəmuddu badəhu
badən”.
Həqiqət siyasiyəsini bin üç yüz sənədir qulaqlarımızda çınlatan islamiyyən,
bir müsəlmanın digər müsəlmana nisbətini, bir binanın yekdigərinə isnad edən
daşlarına bənzəməklə siyasət milliyyəyi pək bəliğ bir surətdə təvir buyurmuşdur.
Bir divarın bir kaç daşını yıxıb çıxarmaqla nasıl ki, divar dağılarsa,
millətimizi təşkil edən cəmiyyətdən bir qisminin fəlakətindən də əqsam sairənin
həqilə mətasir olması qədər təbii heç bir şey yoxdur.
Şamaxı və Göyçayda yıkılan evlər, yandırılan xanimanlarımız, kəsilib
doğranaraq qəfil şəhidiyyə iltihaq edən on minlərlə müsəlmanlar din və millət
qardaşlarımız; dün dövlətli ikən bu gün bir loxma əkmək üçün göz yaşlarıyla
dilənən bədbəxtlərdir, qövmdaşlarımızdı. (Seçimlər bizim - S.Q.).
Allahın inayəti ilə Bakı alındı. Və ən alçaq düşmənlərimiz məqhur və
rəzilanə bir surətdə qaçdı. Millət min üç yüz sənə-eyni məqsəd uğurunda
Dostları ilə paylaş: |