120
Təşkilat işlərinə isə, Mixail Arzumanov, uyezdin rəisinin keçmiş köməkçisi
Qaraoğlanov, poçt-teleqraf kontorunun rəisi Gülbəndov və familiyalarını
bilmədiyim qeyri ermənilər başçılıq ediblər. Birinci basqın zamanı mənə ziyan
dəyməmişdir. Lakin ermənilərin ikinci basqını zamanı 400 min manat məbləğində
mənə ziyan dəymişdir. Başqa əlavəm yoxdur”.
Komissiya sədri (imzası) Komissiya üzvü (imzası)
24 sentyabr, st. Kürdəmir.
128
“Hümmət” qəzeti, 1918-ci il 20 iyun
“Kürdəmirdən iki gün şiddətli müharibədən sonra ayın 29-da Göyçay
yolunda düşmən Ağsu tərəfə geri çəkilməyə məcbur etmişdir”.
II
“Göyçay tərəfdə ayın 27-dən başlanan müharibə ayın 30-da qurtarmışdır.
Bizim dəstəmiz Göyçayı bombardman etmişdir. Qoşunlarımız düşmənin olduğu
yerlərə soxulmuşdur. Bizim qoşunlarımız Qaraməryəmə çəkildilər. Düşmən
mühasirə halından qurtararaq, bizi mühasirə etmək halına gətirdilər. İş çox müşkül
olduğundan qoşunlarımızı gələcək müharibəyə saxlamaq üçün sağ cinahımız geri
çəkildi. Müharibə ən şiddətli müharibə idi. Havanın istiliyi və suyun yoxluğu
soldatları çox pis hala salmışdır. Bununla bərabər, mərdanə surətdə səngərlərdən
çıxaraq hücuma keçdilər. Ancaq sağ cinah dəstələrindən birisi düşmənlərin külli
surətdə süvarilərinə rast gələrək geri çəkilmişdir. Hər iki tərəfdən tələfat çoxdur.
Broniviklər cəbhənin axırına kimi getdilər. Onlardan bəzisi düşmən səddini
yarmağa müvəffəq olaraq onları atəşə basmışlar. Həmən broniviklər öz vəzifələrini
gözəl bir surətdə icra edib piyadaların işini yüngülləşdirdilər”.
Teleqram
Korqanov: “Axşam dəxi böylə bir teleqram gəldi: Cəbhədə yalnız bizim
halımız yaxşıdır. Xəbər alınmışdır ki, Əmirovun dəstəsi Göyçayı işğal etmişdir”.
***
Şamaxı qırğını mənbələrdə: “Erməni cinayətkarları Şamaxının varlılar
yaşayan məhəllələri birdən-birə yandırmırdılar. Onlar yaxşı bilirdilər ki, hamı kimi
varlılar da ancaq ailəsini götürüb qaçmağı düşünmüşlər. Evlərində olan var-dövlətə
heç məhəl də qoymamışlar. Odur ki, erməni cəlladlar ilk əvvəl mülkü qarət etmiş,
sonra isə, evi başdan-başa yandırmışlar. Muzeyləri xatırladan tacir, bəy, mülkədar
malikanələrindən əsər-əlamət qalmamışdır. Fövqaladə İstintaq Komissiyasına
verilmiş bir çox ərizələrdə talanlar barədə də istənilən qədər faktlar vardır. Bu
128
ARDA. f. 1061, s. 1, iş. 105, vər. 17-20.
121
baxımdan Moskva Ali Texnologiya Məktəbinin tələbəsi Sultanmurad Əliyev
tərəfindən verilmiş ərizə maraqlıdır: “1918-ci il mart ayında Şamaxıda ermənilər
tərəfindən törədilmiş vəhşiliklər nəticəsində mənə və qardaşım Əlisultan Əliyeva
məxsus olan, İmamlı məhəlləsində yerləşən evimiz tamamilə yandırılmış, bütün
mülk və əşyalarımız qarət olunmuşdur. Bir xalça alveri ilə məşğul olduğumuzdan,
1000 ədəd xalçamızı aparmışlar. Mən Bakıya gələndə eşitdim ki, bolşevik hərbi
müstəntiqləri tərəfindən ermənilərin oğurladıqları şeylərin bəzi hissələrini Yuxarı
Təzəpir küçəsindəki 17 №-li evin sakini Əşrəf Əhmədovun evində qoruyub
saxlayırlar. Mən bununla əlaqədar Bakı Polisliyinə ərizə ilə müraciət etdim və 3
№-pristavının köməyi ilə tanınma protokolu tərtib edildi və mənim aşağıda qeyd
olunan mallarımı mənə qaytardılar: 55 xalça, 1 palaz, 2 ədyal, 1 yastıq”.
Haşiyə: 1918-ci il hadisələri ilə bağlı “Hümmət” qəzetində N.Nərimanovun
məqalə və məktubları dərc olunmuşdur. Həmin yazılardan bəlli olur ki, Şaumyan
və onun tərəfdarlarının fırıldağı N.Nərimanova bəlli imiş. O yaxşı dərk edirdi ki,
ermənilər “siyasi müharibəni milli müharibəyə” çevirməyə çalışırlar. Odur ki,
N.Nərimanov millətçi Şaumyanla bu barədə hətta öz evində də danışıqlar
aparmışdır. Bu barədə “Hümmət” qəzetinin 1918-ci il 1 aprel sayında dərc
olunmuş “Qanlı faciədən dörd saat qabaq” adlı məqalədən aydın olur ki, faciədən
3-4 saat qabaq öz evində Şaumyanla görüşən N.Nərimanov ona deyir: “Siz də mən
də müsəlmanların halın bilirik. Əgər bir ixtişaş başlansa, ayaq altda qalan fəqir-
füqəra olacaqdır. Hamam fəqir-füqəra ki, siz də mən də onun yolunda işləyirik.
Ona binaən mən sizdən təfəqqə edirəm, sizə yalvarıram bu işi sülh ilə qurtarınız”.
Müsəlmanlara qarşı xüsusi terror planı hazırlayan Şaumyan Nərimanovu aldadaraq
onu arxayınlaşdırır.
Fəlakət baş verəndən sonra N.Nərimanova hər şey tam aydın olur. Əllərində
olan silahlı qüvvələrdən öz mədsədləri üçün istifadə edildiyini görən N.Nərimanov
belə bir məktubla Şaumyan və P.Çaparidzeyə müraciət edir: “Şəhərdə qalan
müsəlmanlar öz səhvlərini başa düşüb ürəkdən şura hökümətini qəbul edirlər.
Fəqət bunları çaşdıran budur ki, siyasi müharibə axırda milli müharibə yolu
olubdur. Bu əhvalat Şura hökümətinə ləkə salıb, onu qara örtüklə bürüyür. Hərgah,
siz bu yavuq vaxtda bu qara örtüyü cırıb, bu qara ləkəni təmizləməsəniz, bolşevik
fikiri və şura höküməti burada davam edə bilməyəcəkdir”.
129
Mənbələrdən: “iyirmi yeddi kəndin vəziyyətinin tədqiqatı göstərir ki, ancaq
bir kənd - Əngəxaran kimi dəhşətli talana məruz qalmamışdır. Başqaları – Sündü,
Çarhan, Təklə, Cabanı və s. kimi kəndlər beləcə talan edilmişdir. Keçdiməz, Bico
və Qəşənd kəndlərində əhalinin çoxu əsir götürülmüş, qadınları əsirlikdə ermənilər
zorlamışlar. Bu qadınların çoxu işgəncələrə və mənəvi əzablara dözməyərək
ölmüşdür. Qəzanın bütün müsəlman əhalisi müflisləşmiş, dilənçi kökünə
düşmüşdür. Hamısı xəstədir, hər gün böyük kəndlərdə 10-15 nəfər, kiçik kəndlərdə
129
“Hümmət” qəzeti, 1918, 3 aprel.
Dostları ilə paylaş: |