yoki staz bo’lib qolishi misol bo’ladi. Lekin infeksiya aralash yo’llar orqali ham
arqalishini unutmasligimiz kerak. Bundan tashqari infeksiya’ni tarqalishida burun
yondosh bo’shliqlarining suyak devorlarida osteomielitik jarayonlar asosiy kalla
ichi asoratlarni kelib chiqishida ro’l o’ynaydi. Ayniqsa ponasimon suyakning turk
egari sohasida osteomielitik jarayon bo’ladigan bo’lsa kalla ichi asoratlari uchrashi
ehtimoli ko’proq bo’ladi.
Peshona bo’shlig’i bilan kalla bo’shlig’ini limfa sistemasi bilan bog’lab tura-
digan intraadventisial va perivaskulyar maydonlar bo’ladi. Lekin burun bo’shlig’i
bilan kalla ichini bog’lab turadigan alohida limfa sistemasi yoq. Burunning hid
bilish sohasi limfa tomirlari, kichik ingichka hid bilish nervlarni peri- va endon-
evral anastomozlar orqali subdural va subaraxnoidal maydonlar bilan bog’langan
bo’ladi. Infeksiya shu yo’llar orqali ham tarqalishi mumkin.
Burun yondosh bo’shliqlarining venalari bir biri bilan anastomoz xosil qilgan.
Yuz, ko’z kosasi, kalla bo’shlig’i va venoz chigallar bilan bir- biri bilan
bog’langan, bularning ichida ko’z kosasi venalari g’orsimon sinus va qattiq miya
pardasini venoz chigallari bilan anastomoz xosil qilgan. Ponasimon bo’shliqning
venalari to’g’ridan to’g’ri g’ovaksimon sinusga venoz qon olib boradi. Burun va
burun yondosh bo’shliqlarini mayda venalari esa sinus longitudinalis ga quyiladi.
Infeksiya’ni tez tarqalishiga esa venalarda klapan sistemasi yo’qligidadir (1.81,
1.82 rasmlar).
1.81 rasm. Bosh miya qattiq pardasi vena sinuslarlarini yuzning asosiy
qon tomirlari bilan bog’liqligi.
G’alvirsimon va yuqori jag’ bo’shliqlarini yallig’lanishida kalla ichi asoratlari
ko’z asoratlaridan keyin rivojlanadi, ponasimon va peshona bo’shliqlaridan
to’g’ridan- to’g’ri rivojlanadi.
Kalla ichi asoratlarini kelib chiqishini yana bir sabablaridan burun va burun
yondosh bo’shliqlarini jarohatlari, burun to’sig’i abssessi va burun furunkuli
bo’lishi mumkin. Bundan tashqari shuni ta’kidlab o’tish kerakki, kasallikni atipik,
latent va qaytalanuvchi shakllarini bo’lishi, tashxisotdagi xatoliklar kalla ichi aso-
ratlariga sabab bo’ladi. Asoslanmagan antibiotiklarni o’zgartirish yuqoridagi aso-
ratga olib kelishi mumkin. Ko’z kosasi asoratlari klinik kechishi ko’pgina omillar-
ga: burun yondosh bo’shliqlarida jarayonning joylashishi va xarakteriga, bemorn-
ing yoshiga, murojaat vaqtiga va gospitalizasiyasiga bog’liq bo’ladi. Kalla ichi
asoratlari esa juda og’ir kechishi va maxsus belgillari bo’lmasligi bilan farq qiladi.
Asoratni lokal joylashuvini aytish taxminiy bo’ladi, sababi ko’pincha asoratlar
qo’shilib keladi yoki boshqa shakliga o’tadi.
Rinogen kalla ichi asoratlarining quyidagi klinik shakllari tafovut qilinadi:
- araxnoidit (leptomeningit);
- ekstradural abssess ;
- subdural abssess;
- serozli va yiringli meningit;
- bosh miya abssessi;
1.82 rasm. Bosh miyada sinuslarni joylashishi.
- bosh miya qattiq pardasi sinuslarining trombozi;
- rinogen sepsis.
Kalla ichi asorati rivojlangan bemorda quyidagi belgilar kuzatiladi:
1. Boshini qattiq og’rishi;
2. Ovqatlanish bilan bog’liq bo’lmagan qusish;
3. Ko’zlarning yuqori qovog’i va qosh usti terisi sohasini shishi va qizarishi;
1. Es-hushni xiralashishi;
5. Ko’rish o’tkirligini buzilishi;
6. Bosh miya nerv tolalarining falaji;
7. Talvasa holatlari;
8. Sovqotish, qaltirash, terlash;
9. Bemorning umumiy ahvolini sinusitga mos kelmasligi va juda og’ir bo’lishi;
10. Bosh miya suyuqligi bosimini oshishi belgilari;
11. Qondagi o’zgarishlar (leykotsitoz, EChT oshishi).
Rinogen kalla ichi asoratida bemorlarni tekshirish tartibi:
1) Tashqi tekshiruv, burun yondosh bo’shlig’i devorini, ko’z kosasi yumshoq
to’qimalarini, peshona va bo’yin sohasini paypaslash;
2) Old va orqa rinoskopiya ;
3) Burun yondosh bo’shliqlari va kalla suyagining rentgenografiyasi, kalla
suyagining old aksial rentgenogrammasi;
4) Qon va siydikning umumiy tahlili;
5) Oftalmolog ko’rigi;
6) Nevropatolog va neyrojarroh ko’rigi;
7) Yuqori jag’ bo’shlig’i punksiyasi, peshona bo’shlig’ining trepanopunksiyasi (za-
rur bo’lganda);
8) Bosh miya orqa bo’shlig’ini teshib ko’rish;
9) Exoensefalografiya, pnevmoensefalografiya, ventrikulografiya, angiografiya,
kompyuter tomografiyasi (ko’rsatma bo’yicha) .
6.1.
Rinogen araxnoidit.
Araxnoidit- miya’ning yumshoq qavatini, asosan miya’ning to’r qavatini in-
feksiya’ni toksinlarini hisobiga yallig’lanishidir.
Araxnoiditning turlari:
-
Tarqoq;
-
Chegaralangan;
-
Kistali;
-
Yopishqoq;
Agar araxnoidit qavatlar bilan miya’ni orasida chandiqlanish bilan birga kechsa,
buni- yopishqoq araxnoidit deb ataladi, agar kista shakllanib, ichi likvor bilan
to’lgan bo’lsa- kistali araxniodit deb ataladi. Tarqalishiga araxnoidit chegaralanga
va tarqoq bo’ladi.
Klinikasi. Kasallik o’tkir yoki o’tkir osti boshlanadi. Uch shoxli nerv innerva-
siyasi husobiga miya pardasini jalb qilinishi hisobiga doimiy bosh og’riq bezovta
qiladi va kalla ichi bosimi oshishi kuzatiladi. Gohida peshona sohasida og’riq va
olib ketivchi nervni parezi jarayonga qo’shilishi mumkin.
Jarayonga doimo qon tomir devori qo’shiladi, shuning uchun ham chandiq xo-
sil bo’ladi. Chandiqli araxnoiditda birinchi bo’lib bosh og’rig’i bezovta qiladi,
bosh miya’ni katta yarim sharlarini po’stlog’ini qitiqlanishi belgilari paydo bo’ladi.
Orqamiya suyuqligini oqimi buzilishi hisobiga kalla ichi bosimi oshadi. Lekin
meningit yoki miya abssessiga nisbatan kalla ichi bosimi araxnoiditda pastroq
bo’ladi. Chegaralangan kista o’smaga o’xshash bo’lib, gidrosefalyaga olib kelishi
mumkin.
Tashxis. EEG da alfa-, delta- ritmlarini orqada qolishi belgilari namoyon
bo’ladi. Orqamiya suyuqligini punksiya qilib tekshirilganda oqsil- hujayra dis-
sotsiyasiyasi aniqlanadi. Kalla suyagini rentgenogrammasida barmoq bilan bosil-
ganlik belgisi- kalla ichi bosimini oshganligi belgisi kuzatiladi.
Davolash. Rinogen araxnoidit bilan og’rigan bemor yallig’langan burun yon-
dosh bo’shlig’ida jarrohlik amali bajarilgandan so’ng nevrologiya bo’limiga
ko’chirilib, unga intensiv davolash tadbirlari buyuriladi.
6.2.
Ekstradural abssess.
Ekstradural abssess- miya’ni qattiq pardasi bilan bo’shliqni suyak devori
orasida yiringni to’planishi.
Asosan peshona, ponasimon va g’alvirsimon bo’shliqlarning yallig’lanishidan
kelib chiqadi.
Klinikasi. Asosan oldingi miya chuqurchasida, gohida esa o’rta miya chuqur-
chasida (sfenoiditda) abssess joylashishi mumkin. Abssessni kattaligi har xil
bo’lib, birlamchi o’choqdan, infeksiya’ni tarqalish yo’lidan, infeksiya’ni turidan,
organizmni reaktivlik holatiga bog’liq bo’ladi.
Nevrologik belgilari: abssessni joylashgan sohasida bosh og’rig’i, gohida og’riq
diffuz bo’lishi.
Kalla ichi gipertensiyasi belgilari: bradikardiya, ko’ngil aynishi, qusish, ko’z tubini
o’zgarishi (dimlanish belgilari).
Ruhiyat buzilish belgilari: xotira va diqqatni buzilishi, ruhiyatni susayishi va
uyquchanlik, gohida tutqanoq xurujlari, ensa mushaklarini rigidligi, Kernig simp-
tomini musbatligi.
O’choqli simptomlar kam aniqlanadi.
Dostları ilə paylaş: |