Azərbaycan Respublikasında gömrük sisteminin inkişafı (1991-2014)
213
həmsərhəd gömrük orqanlarının əməliyyat bölmələrinin rəhbərlərinin işçi
görüşündə Rusiya və Azərbaycan həmsərhəd gömrük orqanları arasında
mövcud sorğu-məlumat mübadiləsi, narkotik vasitələrin qanunsuz dövriy-
yəsinə qarşı mübarizə sahəsində əməkdaşlıq, iki dövlətin gömrük sərhədində
əməliyyat şəraitinin xüsusiyyətləri, tərəflərin nümayəndələrinin Rusiya-
Azərbaycan həmsərhəd gömrük orqanlarının hüquq-mühafizə sahəsində
əməkdaşlığının cari vəziyyəti və inkişaf perspektivləri müzakirə olunmuş və
görüşün nəticələrinə dair protokol imzalanmışdı. Baş İdarə tərəfindən
Dünya Gömrük Təşkilatının Hüquq Mühafizə Şəbəkəsi (CEN) ilə və bu
Təşkilatın Regional qurumu olan “RİLO-Moskva” ilə əməkdaşlıq güclən-
dirilmiş, Azərbaycan gömrük orqanları tərəfindən aşkar edilmiş qaçaq-
malçılıq faktları ilə əlaqədar 2 istiqamətləndirmə CEN vasitəsilə nümunə
kimi üzv ölkələrin gömrük xidmətlərinə göndərilmişdi [136, 16 yanvar
2010-cu il].
Bütün dünyada narkotik vasitələrin qanunsuz dövriyyəsi ilə mübarizə
işində özünü doğruldan vasitə kimi xidməti axtarış itlərinin tətbiqinin
səmərəliliyi nəzərə alınır. Komitənin nəzdində ən müasir standartlara cavab
verən və regionda analoqu olmayan, eyni zamanda 100 xidməti itin təlimi və
baytarlıq müayinəsi üçün hər cür təlim ləvazimatları və tibbi texniki
avadanlıqlarla təmin olunmuş Kinoloji Mərkəz yaradılıb. Kinoloji Mərkəz-
dəki 40-a yaxın xüsusi təlim görmüş xidməti itlər narkotik axtarışı üzrə
gündəlik fəaliyyətdə tətbiq edilir. Bundan əlavə, Mərkəzdə yetişdirilmiş itlər
Türkiyə, Bolqarıstan və Moldova gömrük xidmətləri tərəfindən də
müvəffəqiyyətlə tətbiq olunur. 2009-cu ildən narkotiklərin axtarışı üzrə
səmərəli vasitə kimi xidməti itlərinin yetişdirilməsində Kinoloji Mərkəzin
imkanları genişləndirilir. Yaşı və xəstəlik səbəbindən iş qabiliyyətini itirmiş
itlər yeniləri ilə əvəzlənir və damazlıq işləri aparılır, kinoloqlar üçün
mütəmadi təlimlər keçirilir.
Gömrük statistikasına görə, təkcə 2005-2009-cu illər ərzində gömrük
orqanları tərəfindən 285 fakt üzrə 972 kq 538 qram narkotik vasitə, habelə
201272 ədəd (ampul, kapsul və həb şəklində) psixotrop maddə qanunsuz
dövriyyədən çıxarılmışdır. Narkotik vasitələrin 162 kq 076 qramı tiryək,
509 kq 843 qramı həşiş, 143 kq 119 qramı heroin, 157 kq 047 qramı
marixuana olmuşdu. Qanunsuz dövriyyədən götürülmüş narkotik vasitələrin
əsas hissəsini həşiş, tiryək və heroin təşkil edirdi.
Gömrük işi Azərbaycan dövlətçiliyi tarixində:
214
2005-2009-cu illərdə narkotiklərin qanunsuz dövriyyəsi ilə əlaqədar
329 nəfər, o cümlədən 191 Azərbaycan, 86 İran, 12 Gürcüstan, 12 Rusiya, 7
Pakistan, 5 Nigeriya, Qana və digər Afrika ölkələri, 5 Türkiyə, 4 Özbəkis-
tan, 1 Litva, 1 Kamboca vətəndaşı müvafiq məsuliyyətə cəlb olunub. Son
illər qadınlardan narkokuryer qismində istifadə hallarının çoxalması müşa-
hidə olunur. 5 ildə məsuliyyətə cəlb olunanların 46 nəfərini, başqa sözlə 14
faizə yaxınını qadınlar təşkil etmişdir. Təəssüf ki, narkotiklərin keçiril-
məsində uşaqlardan da istifadə hallarına təsadüf edilir. Qanunsuz dövriy-
yədən götürülmüş narkotiklərin içərisində “güclü təsirli” narkotik olan
heroinin xüsusi çəkisinin artması ciddi narahatçılıq doğurur. 2005-ci illə
müqayisədə qanunsuz dövriyyədən götürülən heroinin miqdarında dinamik
artım müşahidə olunur. Əgər 2005-2006-cı illər ərzində cəmi 1487 qr heroin
tutulmuşdusa, 2008-2009-cu illər ərzində bu rəqəm 130125 qram, yəni
müqayisədə 87,5 dəfə artıq olmuşdu. Bu qədər heroinin törədə biləcəyi
təhlükənin miqyasını təsəvvür çətin deyildir. Mütəxəssislərin rəyinə görə 1
kq heroindən 10000 “doza” alınır və 100 qr heroinlə 170 adamı narkotik-
lərdən asılı vəziyyətə salmaq mümkündür. Əvvəlki illərlə müqayisədə
tutulan “ağır” narkotik sayılan tiryəkin və həşişin miqdarı da kəskin şəkildə
artmış, əksinə marixuananın miqdarı 2005-ci ildəki 143,6 kiloqramdan 380
dəfə azalaraq 2009-cu ildə cəmi 377 qram təşkil etmişdi. Götürülmüş
narkotik vasitələrin qanunsuz olaraq Azərbaycan Respublikası ərazisində
istehsalı hallarına rast gəlinmir. Bununla yanaşı 2005-2009-cu illər ərzində
gömrük orqanları əməkdaşlarının təşəbbüsü ilə digər hüquq-mühafizə
orqanları ilə keçirilmiş tədbirlər nəticəsində respublikanın sərhədyanı rayon-
larının ərazilərindən 20 min ədəddən çox narkotik xassəli yabanı çətənə kolu
aşkar edilərək məhv edilmişdi.
Aşkar olunmuş əməliyyat məlumatlarının təhlili narkoqaçaqmalçıların
narkotikləri ən çox İrandan Azərbaycana gətirdiklərini və daha sonra
Rusiyaya apardıqlarını təsdiq edir. Bundan əlavə İran-Azərbaycan-Çin
marşrutu üzrə də xeyli miqdarda narkotik, əsasən də heroin tutulmuşdur.
Narkokuryerlərin İrandan Azərbaycana gətirdikləri heroin Bakı-Moskva-
Şanxay, Bakı-İstanbul-Şanxay, Bakı-Tbilisi-İstanbul-Şanxay aviareyslərin-
dən istifadə etməklə daşınmasına cəhd göstərirlər. Azərbaycana gətirilmiş
narkotiklərin birbaşa və ya Gürcüstan vasitəsilə Avropaya (əsasən İtaliyaya)
daşınması haqqında da məlumatlar vardır. Xüsusi narahatçılıq doğuran
Azərbaycan Respublikasında gömrük sisteminin inkişafı (1991-2014)
215
məsələlərdən biri də son illər narkoqaçaqmalçılığın transmilli mütəşəkkil
cinayətkar dəstələr və narkoqruplar tərəfindən törədilməsi faktlarının çoxal-
ması idi. Bu faktlar üzrə daşınma marşrutunun və digər halların təhlili,
tutulan şəxslərin vətəndaşlığı bu cinayətlərin bir neçə dövlətin ərazisini
əhatə etməklə transmilli xarakterə malik olduğunu və onlara qarşı mübarizə-
də beynəlxalq səylərin birləşdirilməsinin vacibliyini göstərir [148, 30-32].
Son illər narkoqrupların üzvləri arasında ciddi vəzifə bölgüsünün
aparılması, fəaliyyətlərində mütəşəkkilliyin və nəzarətin olması, qabaqcıl
texnologiyadan, müasir maliyyə və ödəmə sistemlərindən istifadə onların
təhlükəliliyini daha da artırır və mübarizə işini çətinləşdirir. Belə ki, həyata
keçirilən kompleks əməliyyat-axtarış və istintaq tədbirləri nəticəsində 2009-
cu ilin may-iyun aylarında 6 transmilli mütəşəkkil cinayətkar dəstə ifşa
olunmuş, onlardan 50 kq-dan artıq güclü təsirli narkotik vasitə olan heroin
götürülmüşdü. Bu tədbirlər zamanı Pakistan və Nigeriya narkotik maddə-
lərin yayılması ilə məşğul olan işbazların yaratdığı Pakistan-İran-Azərbay-
can, daha sonra isə Çin və İtaliyaya narkotik maddələr daşınan marşrut
aşkara çıxarılmışdı. Xüsusi düzəldilmiş gizli saxlanc yerlərində narkotik
keçirməyə cəhd göstərən 15 nəfər, o cümlədən 7 nəfər Pakistan, 3 nəfər
Özbəkistan, 1 nəfər Nigeriya, 2 nəfər Azərbaycan, 1 nəfər Litva, 1 nəfər
Kamboca vətəndaşı (9 kişi, 6 qadın) tutularaq məsuliyyətə cəlb olunmuşdu.
Narkotik maddələr daşınmasında istifadə edilən 12 ədəd xüsusi düzəldilmiş
və gizli saxlanc yerləri olan, üzərində “BLESS” sözləri yazılmış çamadanlar
götürülmüşdü.
Azərbaycan gömrükçüləri tərəfindən 2007-ci ildə də analoji faktlar
qeydə alınmışdı. Belə ki, 30 iyul 2007-ci ildə Bakı-Urumçi aviareysinin
sərnişini, Ukrayna vətəndaşı İ.Krasnyuka məxsus çamadana gömrük baxışı
keçirilərkən onun içərisində gizlədilmiş 3115 qram heroin, 5 dekabr 2007-ci
ildə Hava Nəqliyyatında Baş Gömrük İdarəsinin əməkdaşları tərəfindən
Bakı-Moskva-Şanxay aviareysi ilə uçmaq istəyən Azərbaycan vətəndaşı
N.Quliyevə məxsus çamadana gömrük baxışı keçirilərkən 2622 qram heroin
aşkar edilmişdi. Sonuncu faktla əlaqədar keçirilmiş təxirəsalınmaz əməliy-
yat-axtarış tədbirləri nəticəsində Bakı şəhərində müxtəlif mənzillərdə
yaşayan Mali, Qana, Nigeriya vətəndaşlarına məxsus ümumi çəkisi 2500
qram olan heroin aşkar edilmişdi.
2011-ci il oktyabrın 17-18-də Bakıda “Narkotik vasitələrin qanunsuz
Dostları ilə paylaş: |