Sosiologiya Sual Sosiologiya cəmiyyət haqqında elmdir

Sual 18.Cəmiyyətin sosial strukturunda siniflər
Sosiologiyada bərabərsizlik haqqında mövcud olan nəzəriyyələrdən biri də marksist nəzəriyyədir.Bu nəzəriyyəyə görə cəmiyyətin sosial strukturu iqtisadi əlamətlər üzrə təşkil edilən siniflərdən ibarət olunduğu göstərilir.SİNİF-anlayışı statistik mənada adətən dəqiq müəyyən edilmiş xüsusiyyətlərə malik adamlar çoxluğunu ifadə etmək üçün işlədilir.Onun prinsipial əsası və fərqləndirici əlaməti istehsal prosesində tutduğu yer və iqtisadi vəziyyətidir.Sinif sözü fransız dilində ilk dəfə 14 əsrdə işlədilmişdir.Marksizm mülkiyyət münasibətləri sistemində müstəqil yer tutan və istehsal vasitələrinə ümumi bir münasibəti olan qruplara sinif anlayışının tətbiq oluna bildiyini iddia edir.Buradanda çıxış edərək başqa əlamətlərə görə fəqrlənən sosial qrup sinif adlandırılmır.Məhz bu səbəbdən də ziyalılar sosial qrup yaxud təbəqə adlandırılmışdır.
Sual 19.Cəmiyyətin sosial strukturu və onun inkişaf yönümü
Cəmiyyətin sosial strukturunun öyrənilməsi sosiologiya elmində mərkəzi yerlərdən birini tutur.Bu da hər şeydən əvvəl onun cəmiyyətdə daim artmaqda olan rolu ilə izah olunur.İnsan cəmiyyətdə tək yaşayıb fəaliyyət göstərə bilməz,o öz tələbatına və mənafeyinə uyğun olaraq sosial qrupun tərkibinə daxil olur.Sosial qrup bir növ insanla cəmiyyət arasında özünə məxsus formada vasitəçisidir.İnsan qrupun qanunları ilə cəmiyyətdə mövcud olur.Struktur dedik də elmdə obyektin daxili qatlarını təşkil edən elementlərin funksional qarşılıqlı əlaqələrinin məcmusu başa düşülür. Sosial struktur bir tərəfdən sosial birliyin və onun hər bir üzvünün sosial mövqeyini ifadə edir,digər tərəfdən onların cəmiyyətin sosial həyatında tutduğu yerə oynadığı rola münasibətini göstərir.Hər bir cəmiyyət daxilən müxtəliof təbəqələrə bölünür.Cəmiyyəti dərindən öyrənmək üçün ilk növbədə onun sosial strukturu öyrənilməlidir.Sosial strukturun müxtəlif ünsürləri arasında qarşılıqlı əlaqə onun bütövlüyünü təmin edir.Sosioloqlar sosial strukturun müxtəlifliyini 2 amil ilə oizah edir.1)ictimai əmək bölgüsü2)mülkiyyətə münasibət