Çay süfrəsinin ənənələri
321
rı bir-birinə yaxınlaşdırır, yadları dostlaşdırır. Çay süfrəsi arxasında hər bir
azərbaycanlı özünü şair hiss edir. Məhz bu səbəblərə görə Azərbaycanda çay-
xanalar heç vaxt “fast-fud”, “bıstro” və ya “tezbazar” xidmət göstərən digər
kafelərə çevrilə bilməz. Təsadüfi deyil ki, həyat boyu bizi müşayiət edən bu
içki haqqında
bu qədər dastanlar qoşulub, şeirlər yazılıb, mahnılar bəstələnib!
Çay yeganə içkidir ki, bütöv bir fəlsəfinin təməlini qoymuşdur. XV əsrdə
Çində çayın xüsusi kultu və onun əsasında qurulan xüsusi fəlsəfə cərəyanı – ti-
izm yaradılmışdır. Çay ən qiymətli hədiyyəyə, ehtiram əlamətinə çevrilir. İm-
peratorlar hər hansı bir bağbanı fərqləndirmək üçün onu çayla mükafatlandırır-
dılar. Krallar ən qiymətli bəxşiş kimi çayı bir-birinə göndərərdilər. Alimlər çay
haqqında traktatlar yazır, şairlər şeir qoşub məharətlə bir-birilə yarışardılar. Çay
barəsində ilk kitabı hələ VII əsrdə “Əjdaha buludu” monastırının rahibi Lu Yu
yazmışdır.
Həmin “Çay ensiklopediyası”nda bele sözlər var: “... o,
öküzün çənəsi
kimi burulmalı, tatar atlısının çəkməsi kimi əzilməli, dağ dərəsinin üstündən
keçən bulud kimi açılmalı və yağışla isladılıb torpağa yapışan incə toz kimi
yumşalmalıdır”.
Çin imperatoru Kiyen Lonqun saray şairi Lu Vu hələ VII əsrdə “Çay haq-
qında müqəddəs yazı” kitabını yazmışdı ki, həmin kitab 3 cilddən ibarət idi.
Tanq sülaləsindən olan qədim çin şairlərindən biri isə çay haqqında belə
yazırdı: “Birinci fincan dodaqlarımı və boğazımı isladır, ikincisi tənhalığıma
son qoyur, üçüncüsü içalatımda tədqiqat aparır, dördüncü fincan mənə paklıq
bəxş edir, beşinci ölməzlik dünyasına yüksəldir, altıncı isə. . . oh,
amma daha
içə bilmərəm... yalnız əllərimdən qalxan sərin yelin nəfəsini hiss edirəm”.
Qədim çin şairinin sözləri azərbaycanlıların dünyagörüşü ilə həmahəngdir.
Xalq arasında işlənən atalar sözünü xatırlamaq kifayətdir:
Çayın biri qaydadı
İkisi cana faydadı
Üçü nəsdi
Dördü bəsdi
Çatdı beşə
Vur on beşə
Çay nədi, say nədi.
322
Söz mətbəxi
Müasir Çin ədəbiyyatında da çay haqqında maraqlı məlumatlar verilir.
Görkəmli çin yazıçısı Szen Pu (1971-1935) “Şər dəryasında çiçəklər” (1905)
adlı romanında belə yazırdı: “Səfir həyat yoldaşı ilə İngiltərəyə gələndə, burada
əl işləri sərgisi keçirildi. İngiltərənin bütün aristokrat qadınları həmin sərgiyə
öz əl işlərini göndərmiş, sərgiyə gələnlərə isə həmin əsərlərə qiymət vermək
təklif edilmişdi. Əgər tamaşaçı hər hansı bir
işi bəyənirdisə, öz münasibətini
bildirmək üçün həmin əsərin yanına pul qoymalı idi. Bu bir hörmət əlaməti
idi. Səncə, sərgidə iştirak etməyə razılıq verən Szen xanım (səfirin yoldaşı
–T. Ə.), nə etdi? O, qətiyyən həyəcanlanmırdı və heç bir hazırlıq görmürdü.
Sər ginin açılışı günü Szen Sziçcan (səfir – T. Ə.) yuxudan tez durdu, lakin
arva dını görməyib başa düşdü ki, o artıq sərgiyə gedib.
Səfir faytona minib
sərgiyə yollandı. Zallarda qeyri-adi həyəcan duyulurdu. Masaların üstünə par-
ça dan, ipəkdən, qızıldan və gümüşdən hazırlanmış əl işləri qoyulmuşdu. On-
ların rəngarəngliyi və gözəlliyi göz qamaşdırırdı. Səfir bir anlığa özünü itirdi.
Birdən sərginin giriş tərəfindən alqış səsləri eşidildi. Geriyə dönüb səfir öz
arvadını gördü – o alçaq stulun üstündə, masa arxasında əyləşmişdi. Masanın
üstünə Kaisi dövrünün 10-15 ədəd rəngbərəng çini fincanı və isti suyla dol-
durulmuş bir neçə məşhur qum çaydanı düzülmüşdü. Suyun içinə 1 çimdik
Ulişandan gətirilən çay atılmışdı.
Fincanların qeyri-adi naxışları və qədim içkinin
rəngi bir-birini elə gözəl
tamamlayırdı ki, bu kamilliyə istər-istəməz adamın gözü qamaşırdı. Mülayim
küləklə yayılan pak çay ətri isə adamın huşunu aparırdı.
Masanın başına çoxlu adam toplaşmışdı – göygöz, sarısaqqall centlmenlər,
zövqlə geyinmiş, nərmənazik, buruqsaç xanımlar. Onlar sərgidə gəzişməkdən
yorulmuş və susuzluqdan yanırdılar. İndi çay onlar üçün sehrli həyat suyu idi.
Sərgi bağlandıqdan və pullar sayıldıqdan
sonra məlum oldu ki, Szen xa-
nım hamıdan çox pul yığmışdı”.
Qəribə orasıdır ki, çinlilər kimi azərbaycanlılar da yeməkdən əvvəl və
sonra çay içirlər. Yəni süfrəni çayla başlayıb onunla da qurtarırlar.
Çay mərasiminin daha təkmilləşdirilmiş etiketini Çində və Yaponiyada ya-
ratmışlar. Yapon ailələrində çay içmək üçün ayrıca otaq, hətta ev ayırırlar. Ya-
poniyada çay içmə mərasimi bir sözlə incəsənətə çevrilmişdir. Çay mərasiminin
bütün ritualları 37 ciddi ardıcıllığı özündə birləşdirir. Çay otağının qapısı çox
aşağı olduğundan daxil olarkən adətən hamı baş əyib
bu cənnətə daxil olur ki,
bu da varlı, kasıb olmasından asılı olmayaraq hamını eyniləşdirir. Çay otağı çox
Çay süfrəsinin ənənələri
323
sadə şəkildə qurulmalıdır. “Sadəlikdə gözəllik” ifadəsi Şərqdə çay ritualının de-
vizidir. İsrafdansa çatışmamazlıq daha üstün hesab edilir. Yaponlar çay otağının
işıqlandırılması və rəngli tərtibatı üçün işıq-kölgə kompozisiyasından məharətlə
istifadə edirlər. Adətən, çay otağında güldana bir ağ gül qoyurlar. Otaqda, qabla-
rın seçilməsində, geyimdə və s. kəskin rənglər müstəsnalıq təşkil edir.
Hətta kəskin hərəkətlər belə etmək olmaz. Hər şey sakit tonda saxlanılır,
lakin burada eynilik istisna edilir. Bu o həddə çatır ki, çay otağında simmet-
riya qanunlarına riayət olunmur. Serviz üçün əsas rəng ağ və mavidir. Əsas
material isə çini olmalıdır. Çay otağında ancaq fiziki susuzluq yatırdılmır.
Qeyd etmək lazımdır ki, başqa xalqlarda da çay mərasimi vardır. Rus çay
süfrəsinin də öz ənənələri vardır. L. N. Tolstoy, A. S. Puşkin, N. V. Qoqol,
M. Y. Lermontov və bir çoxları çay həvəskarları olmuşlar.
Lakin Rusiyada
demək olar ki, çay içmirlər. Burada çayın içilməsi əsasən yeməklə bağlıdır.
Əvvəlcə samovar sbiten hazırlamaq üçün düzəldilmişdi.
Ədalətli olmaq xatirinə qeyd edək ki, samovar qədim romalılara aiddir.
Pompeydə aparılan qazıntılar zamanı qədim samovarlar tapılmışdır. Onların
bəzilərində su axmaq üçün yer olsa da bir çoxlarında yoxdur. Yəqin ki, belə
samovarlardan suyu çömçə ilə götürürmüşlər.
Dünyanın ən qədim samovarı isə Azərbaycanda tapılmışdır. Samovar bir
çox xalqlarda çay etiketinin ayrılmaz hissəsinə çevrilmişdir. Azərbaycanın
Lənkəran rayonunda hətta samovara heykəl də qoyulmuşdur. Maraqlıdır ki,
güclü çay istehsalçıları sayılan gürcülər az çay içirlər. Çay içmək ənənəsi
azərbaycanlılarda həqiqətən bir rituala çevrilmişdir və bu da təsadüfi deyildir.