Bakalavriat ta’lim yo‘nalishi namunaviy o‘quv rejasidan o‘rin olgan o‘quv modulidan auditoriyadan tashqari tashkil etiladigan o‘qitish shakllarini toping?
Oliy ta’limda ta’lim-tarbiya jarayoni nafaqat auditoriyada, balki auditoriyadan tashqari shakllarda ham tashkil etiladi. Ular jumlasiga mustaqil ta’lim va ish, kurs ishi, pedagogik, o‘quv va ishlab chiqarish amaliyoti, bitiruv ishi, loyiha ishi kiradi.
Talabalarning mustaqil ta’limi topshiriqlari qiyinlik darajasiga ko‘ra qanday shakllantirish zarur?
Talabalarning mustaqil ta’limi va ishi topshiriqlarining murakkablik darajasi talabalar tomonidan bajariladigan bajariladigan o‘quv maqsadlariga erishish natijalariga asosan aniqlanadi.
Ma’lumki, ta’lim-tarbiya jarayonida o‘quv topshiriqlari to‘rt darajada qo‘llaniladi.
Oson (reproduktiv) (I) - talabalar tomonidan o‘quv materiali qayta ishlanmasdan, savollarga javob berish, darslikdagi o‘quv materialidan foydalanib matn tuzish, shu o‘quv materiali asosda jadval shakllantirish, hodisa, voqea, qonun va atamalarning mohiyatini yoritishni talab qiladigan daraja;
O‘rtacha qiyin (produktiv) (II) – mustaqil ish topshiriqlari talabalar tomonidan o‘quv materiali qayta ishlanib, ob’ektlarni tahlil qilish, sintezlash, taqqoslash, bir nechta qonun va qonuniyatlarni bir vaqtda qo‘llab, umumlashtirish orqali xulosa yasashni talab qiluvchi daraja;
Qiyin (qisman-izlanishli) (III) – mustaqil ish topshiriqlari talabalar tomonidan avval o‘zlashtirilgan bilim, ko‘nikma va malakalarni yangi kutilmagan vaziyatlarda qo‘llash, ob’ektlarni tahlil qilish, sintezlash, qiyosiy taqqoslash, qonun va qonuniyatlarni qo‘llab, umumlashtirish orqali Mental xarita tuzish asnosida xulosa yasashni talab qiluvchi daraja;
Eng qiyin (kreativ) (IV) - mustaqil ish topshiriqlari talabalar tomonidan avval o‘zlashtirilgan bilim, ko‘nikma va malakalarni kutilmagan vaziyatlarda vujudga keltirilgan o‘quv muammolarni hal etishda ijodiy qo‘llash, tahlil, sintezlash, qiyosiy taqqoslash, umumlashtirish, xulosa yasash kabi aqliy operatsiyalarni bajarish, start-ar loyalarni shakllantirishni talab etuvchi daraja;
Dostları ilə paylaş: |
