347
keçməyə daha çox vaxt verəcəkdir. Beləliklə, fərarilərin, taqətdən düşüb ölənlərin
sayının çoxalmasına baxmayaraq, onlar rusların sərt müqaviməti ilə üz-üzə gəlmək
üçün irəliləyirdilər. Avqustun 16-da fransız qüvvələri Smolenskə çatmamışdan
əvvəl başa düşdülər ki, vaxt keçdikcə rusların müdafiəsi güclənir və onların
qarnizonlarına kömək gəlir. Qanlı döyüşlər baş verməsə də, fransızların itkisi 10
min nəfər, ruslarınkı isə daha çox idi, bu yalnız rusların geri çəkilmək və şəhərləri
alov içərisində tərk etmələrinin nəticəsi idi. Lakin belə taktika fransızlar üçün
böyük itki vermədən nəyəsə nail olmağa imkan vermirdi. Rusların ardıcıl olaraq
geri çəkilməsi ideyasını general Kutuzov vermişdi, 20 iyulda çar əməliyyatların
baş komandanlığını ona etibar etmişdi. Bu taktika çox sadə düşüncəyə əsaslanırdı:
Napoleon öz itkilərinin yerini asanlıqla doldura bilməyəcəkdir, ruslar isə bütün
müharibə elan edilən vaxtdan adamların sayı sahəsindəki böyük üstünlüyünü
saxlaya bilmişdi. Napoleon işğal edilmiş şəhərdə qışı keçirməyə həvəs göstərirdi,
lakin o, bu nəticəyə gəldi ki, ordudakı yad elementlər arasındakı narazılığın hər bir
səhnəsində bu ögey münasibət daha da böyüyəcəkdir. Təkcə yürüş, birliyi və
intizamı qoruyub saxlayırdı. Avqustun 25-də qızmar istidən əziyyət çəkən
fransızlar Moskva yoluna çıxdılar. Ön qvardiya, Myuratın komandanlıq etdiyi
süvarilər də daxil olmaqla düşmənin arxasına, mühafizə edənlərlə qalibiyyətli
toqquşmaya girdi və bu ən nəhayət mənəvi vəziyyətə yaxşı təsir göstərdi. Onlar
ölkənin içərilərinə doğru irəliləyirdi və ruslar geri çəkilməklə yoxa çıxırdı,
soyğunçuluq edən kazaklar fransızları daim narahat edirdi. Nəhayət, sentyabrın 5-
də fransız ordusu Borodinoya gəlib çıxdı. Burada Napoleonun çoxdan gözlədiyi
döyüş baş tutdu. Bura Moskvadan 125 kilometr aralı idi, burada kampaniyanın
həlledici döyüşü keçdi. Sentyabrın 6-da bütün günü hazırlıqlara sərf edildi. Ruslar
səngər qazır və müdafiəçiləri təbiətin bu yerə verdiyi üstünlükləri yaxşılaşdırmağa
qaldırırdılar. 7 sentyabrda dan yeri söküləndə fransızlar ilk hücumlarına başladılar.
Bütün günü hər iki ordu ümidsiz qəzəblə döyüşürdülər və fərdi igidlik aktları
saysız-hesabsız idi. Napoleonun itkisi 30 min, ruslarınkı 50 min nəfər oldu.
Döyüşdəki igidliyinə görə Ney Moskva printsi titulunu aldı. Axşam düşəndə böyük
itkilərə və heç bir tərəfin qəti üstünlük əldə etməməsinə baxmayaraq, rus
348
ordusunun bir hissəsi yaxşı qaydada geri çəkilmək iqtidarında idi. Rusiyalıların
itkilərinin böyüklüyü Kutuzovu öz taktikasına qayıtmağa sövq etdi. Sonrakı günü
o, döyüşdən imtina etdi, 13-də Moskvanın evakuasiyası barədə əmr verdi.
Napoleon yarı boş şəhərə daxil oldu və Kremldə məskunlaşdı. Gecə vaxtı yanğın
başladı və rusların müqəddəs şəhərinin demək olar ki, bütün ağac materialından
tikilmiş evləri məhv oldu. Yalnız 340 daş kilsə salamat qaldı. Dəyən ziyanın
məsuliyyəti sonralar Napoleonun üzərinə qoyuldu. Moskva qubernatoru qraf
Rostopçin də həmçinin ittiham olundu. Bu mümkün idi ki, fransızlar bu
bədbəxtliyə köməklik göstərmişdilər.
Çar öz xalqının şəhərin barbar müdaxiləçilər tərəfindən dağıdılmasını
bilməsinə imkan yaratdı. Bu hadisə ilə nəyin hesabına olursa olsun müqavimət
göstərmək barədəki öz qətiyyətliliyinə dəstək aldı.
Napoleon sülh barədə bir neçə təklif etdi. Çar bunlara cavab vermirdi. O,
özünü təkcə öz ölkəsi üçün deyil, bütün Avropa və onun sivilizasiyası üçün
müdafiəçi rolunda çıxış edən kimi göstərirdi.
Vaxt keçirdi, payız gəlib çıxdı. Kutuzovun taktikası düşmənin bütün
cəhdlərini faydasız etməklə getdikcə artan dərəcədə özünə izah tapan kimi
görünürdü. Napoleon öz ordusunu yenidən qurdu, lakin ona qarşı vuruşmaq üçün
heç kəs yox idi. Qış gəlib çatmaq üzrə idi və çətinliklər böyüməkdə davam edirdi.
Burada bir çıxış yolu qalırdı. Ya şərəfsiz qaydada qaçmaq, yaxud da rusları onları
qorxuzan bir həyati mövqedən vuruşmağa məcbur etmək və qəti məğlubiyyətə
uğratmaq.
Ruslar Moskvadan 145 kilometr cənub-şərqə olan Kaluqada ehtiyat bazasına
malik idi. Buradan Smolenskə yol gedirdi və bu Borodino yaxınlığından
keçməkdən canı qurtarırdı. Bu olduqca yaxşı əhəmiyyət daşıyırdı və 19 oktyabrda
Böyük Ordudan nə qalmışdısa Moskvanı tərk etdi, ərzaq ehtiyatı isə yalnız 20 gün
üçün kifayət idi. 24-də Kutuzov Kaluqa yaxınlığında fransızlara hücum etdi. O,
geri oturduldu, lakin Napoleon bu qənaətə gəldi ki, onun ordusu şəhəri mühasirədə
saxlamaq iqtidarında deyil və geri çəkilmək əmrini verdi.
349
Düşməni çətinlikdə görən Kutuzov fransız ordusu ilə paralel irəliləməyə
başladı. Ruslar hücum edirdilər. Kazak süvariləri qəflətən geri çəkilən düşmənin
aryerqardının flanqlarının üstünə cumurdular, onları ağır itki verməyə sövq
edirdilər. Napoleon Parisdən bir sıra dövlət çevrilişləri cəhdləri barədə xəbərlər
alırdı. Tezliklə qar yağması və soyuqlar düşməsi buna qarşı heç bir müdafiə
tapılmayacağı hissi yaradırdı. Yıxılanlar bir də qalxmırdılar, əsgərlərin paltarları da
pis vəziyyətdə idi, yedək atları aclıq qorxusundan kəsilib yeyilirdi. Ordu
Smolenskə noyabrın 13-də çatdı, bu vaxt orduda taqətdən düşmüşlərin sayı 50
mindən artıq deyildi. Vəd olunan ərzaq gəlib çıxmadı, əhali və kazaklar tərəfindən
qarət edilmişdi və ya heç nəyə məhəl qoymayan möhtəkirlər tərəfindən kənara
satılmışdı. Şayiə yayıldı ki, Kutuzov çox yaxındadır. Napoleon ordunu üç sıraya
bölüb tezcənə Krasnını tərk etdi. Onun arxasınca 15-də Davu, 16-da isə Ney çıxdı.
Çox yaxınlaşmış Kutuzovu gözləmək üçün buzlu cəhənnəmdə üç sınaq günü keçdi.
Napoleon ləngimədən Orşaya çəkilmək əmrini verdi, bu vaxt Ney aryerqardla
birlikdə qəhrəmanlıq möcüzəsi göstərdi, lakin o, Krasnıya gəlib çatanda Napoleonu
çox qısa müddətdə tapmalı idi. 18-dən 19-na keçən gecə o, səpələnmiş kazakların
hücumlarından ehtiyat edərək buz bağlamış yolla Dneprə gəlib çıxdı, çayı keçdi,
bütün yolboyu vuruşaraq Orşaya cığırı təmizlədi və noyabrın 20-də orada
Napoleona qoşuldu. “İgidlərin igidi” bütöv Rusiya kampaniyası dövründə özünü
heyranedici qaydada aparmışdı. Növbəti maneə Berezina idi. Fransızlar bura 25
noyabrda gəlib çıxanda yeganə körpünün dağıdıldığını gördülər. Bu vaxt və ondan
sonrakı günlərdə fransız-polyak köməkçi qüvvələri ilə onların geriyə çəkilməsinin
qarşısını almağa göndərilmiş iki ordu arasında vuruş getdi.
Berezinada fransız marşalı Ney demişdi: “Əgər Napoleon bu gün başını bu
dar ağacı ilgəyindən çıxarsa, bu o demək olacaqdır ki, onun daxilində şeytan
gizlənir”. Hələ L.N.Tolstoy etiraf etmişdi ki, Napoleon üçün Berezina məğlubiyyət
olmamışdı. Böyük hərb mütəfəkkiri olan alman Klayzevits vaxtilə rusların
tərəfində Napoleona qarşı vuruşmasına baxmayaraq demişdi ki, “onun
(Napoleonun) ruhunun gücü burada (Berezinada) yenə də özünü nümayiş etdirdi”.
Napoleon ponton körpüsü tikdirib, əsgərlərin bir hissəsini çaydan keçirə bilmişdi.
Dostları ilə paylaş: |