, bədii-estetik və psixoloji səciyyələri əski Yunan teatr düşüncəsindən
qaynaqlanıb Avropa mədəni məkanında tarix boyu təkmilləşərək öz elmi
konseptual formasını XX əsrin əvvəllərində böyük teatr reformatoru və
nəzəriyyəçi K.S.Stanislavskinin ( Alekseyev) teatr praktikasında əldə
etdi.Mübaliğəsiz demək olar ki, “ stanislavski sistemi” XX əsr teatr prosesinə ,
onun inkişafına , yeni poetikaların yaranmasına misilsiz təsir göstərmişdir : Bu
poetikanın təməli-fəlsəfi əsasları zaman- məkan vəhdəti rasional analiz ( əməli
analiz ) olduğundan o, həm də realistik teatr düşüncəsi kimi qavranılıb.
XX əsrin dərin siyasi- ictimai proseslərindən qaynaqlanan “ qeyri –
aristotel” və “ qeyri – stanislavski” teatr düşüncəsinin yaranması və inkişafı
böyük alman rejissoru, dramaturqu və nəzəriyyəçisi Bertold Brextin adıyla
bağlıdır.Öz sistemini məşhur “ Berliner Ansambl “teatrında sınaqdan keçirib
təsdiqləyən B.Brext XX əsrin ikinci yarısında teatr prosesinə güclü təsir
göstərib.Daxili struktur qurumunu Uzaq Şərq sənət düşüncəsinin ənənəvi sənət
növlərindən mənimsəyən B.Brext öz “ eoik teatr” nəzəriyyəsinin əsasına “
nəqletmə zaman- məkanı” prinsipini qoyaraq və başlıca dil- ifadə vasitəsi kimi
“ yabancılaşdırma” üsulunu götürərək “ siyasi teatr” düşüncəsi və prkatiasını
yaratmağa müyəssər oldu.
XXəsrin ikinci yarısında , İkinci Dünya Müharibəsindən sonrakı kəskin
siyasi , ictimai və sosiopsixoloji proseslərə reaksiya olaraq teatr prosesinin
daxilində iki poetika növü yarandı ki, hərəsinin ənənəyə söykənməkdən daha
çox avanqard , gələcəyə yönəlmiş inkişaf tendensiyaları gözə çarpır.
Xronologiya baxımından birinci olaraq mədəniyyət meydanında çıxmış “
absurd” və ya “ eksiztensional teatr poetikası “ Sartr, Kyerk-yeker, Orteqa –i-
Qasset və başqa filosofların nəzəriyyələriylə S.Bekket və E.İoneskonun
dramaturji yaradıcılığıyla bağlıdır.Birbaşa eksiztensional ( varolma ) konfliktə və
onun özəl realizəsinə müraciət edən “ absur teatr poetikası “ konflikti zaman-
məkan vəhdəti dışında , xaricində aktuallaşdırmaqla ekzistensional qatın
dominantlığını iddia edir, insanın var olma problemlərini hər şeydən vacib sayır
.İnkişaf prosesində bir çox radikal məqamlardan imtina edən ekzistensionalizm
teatr düşüncəsi bitkin –fəlsəfi estetik, bədii –yaradıcı parametrləri olan poetikaya
yiyələnmişdi.
XXəsrin sonlarında meydana çıxmış və “ müqəddəs, ritual teatr” adı
altında tanınan teatr poetikası Yeji Qrotovskinin fəlsəfi və bədii –estetik
baxışlarına əməli cavab olaraq bu poetika son dövrlərdə Qərbə geniş yayılmış
“ performans “ , “ heppenik “, “ əkşn”( aksiya) və bu kimi teatr janrlarında öz
həllini tapmaqdadır.Ritual və mərasimlərin struktur və sistemlərdən faydalanan
bu poetika yalnız “ sokral zaman – məkan “ və “ psixoloji zaman- məkanda “ baş
verən konfliktlərə müraciət etdiyindən bu teatr düşüncəsi yeni çağda ,
postindustrial cəmiyyətdə ritualların funksyalarını yaradıcı və fəlsəfi qərzdə
bərpa etmək iddiasındadır .
Bu poetikaların sadalanmasıyla kifayətlənərək qeyd edək ki, Asiya və
Şərq mədəni məkanında bu və ya digər fərqlərlə “ Avropa teatr modelinə
qovuşmaq “ prosesi baş verib və bunun nəticəsində vahid teatr prosesindən
danışarkən sadaladığımız poetikaların milli təzahürlərindən söhbət gedə bilər
.İstisna olaraq Yaponiyada əski mədəni ənənin intitussional hadisəsi olan və özəl
tarixi konseptual poetikaya malik “ NO” və “ Kabuki” teatrlarını göstərə bilərik ,
amma onlarla yanaşı Yaponiyada göstərdiyimiz poetikalardan faydalanan müasir
teatr düşüncəsi də mövcuddur.Çox nisbi, şərti olaraq teatr sənətinə aid oluna
biləcək “ Pekin operası” min illərcə hesablanan Çin sənət təfəkkürünün nadir
hadisəsidir ki, onun qavrayış və psixoloji mexanizmi yadellilər üçün dümək
olar ki, qapalıdır.
Bu qısa informativ oçerkdən kənarda bir çox nisbətən xırda , amma
maraqlı ekperimental xarakterli poetikalar və onların janrları qaldı ki , bunu
yalnız onların ortaq və ya oxşar təməli əsaslara söykəndikləri üçün
göstərməmişik .Araşdırma predmetimiz Azərbaycan milli teatr prosesinin
institussional qatda mövcud olan teatr poetikasının təməli əsasları olduğundan
bir çox aktual tendensiya və teatr eksperimentlərinin axtarıış istiqamətlərinə
toxunmadıq .Araşdırmamızı daha əyani , aydın etməkdən ötrü sadaladığımız
poetikaları başlıca funksyalarına görə şərti olaraq “ seyr” və “ sehr” prinsipiylə
iki qütbə bölmüşük.Fikrimizcə , bu təsnifat həm dünya Dünya teatr prosesinin
başlıca inkişaf tendensiyalarını aşkarlamağa kömək edir , həm də azərbaycan
milli teatr poetikasının araşdırma meyarlarını dəqiqləşdirməyə imkan verir.Təbii
ki, başqa meyarlardan da istifadə etmək mümkündür və çox dəyərli qənaətlərə
gəlmək olar , amma teatr prosesimizin bu inkişaf mərhələsində təməli əsasları
tədqiq etmək bizdən ötrü daha məqsədəuyğundur.bu üsul həm də Azərbaycan
milli teatr prosesini Dünya teatr prosesinin məzmun kontektində araşdırmaq
imkanını yaradır.
1. AZƏRBAYCAN TEAR PROSESİNDƏ
“ SEYR “ POETİKASI
“...KÜR QIRAĞININ ƏCƏB SEYRANGAHI
VAR...”
M.P.VAQİF
Azərbaycan milli teatr düşüncəsinin institussional mərhələsinin birinci pilləsi
M.F.Axundovun dramaturji yaradıcılığıbdan hesablanmağa başlanır- bu danılmaz
fakt sənətşünaslığımızın başlıca tezisidir.Elə buradaca teatr sənətinin yaranma və
inkişafının paradoksal bir məqamını göstərək .dünya teatrlarının tarixi peşəkar
və ya yarımpeşəjar teatr truppalarının yaranmasıyla , yəni teatr institussional
mədəniyyətin faktına , hadisəsinə çevriləndən sonra başlanmış sayılır.Bir qayda
olaraq, yalnız bu mərhələdən sonra poetikanın təcrübi inkişafı ilə bağlılıqda
özəl drmaturji ədəbiyyatın – tamaşaların ədəbi əsaslarının yaranması qeyd
olunur.Qədim Yunan teatrını çıxmaq şərtilə , bütün Avropa milli
mədəniyyətlərində drmaturgiyanın və drmaturji poetikanın yaranmasına səbəb
məhz teatrın mərasimdən , rituallıqdan yüksəlib rəsmi mədəniyyətin özəl sənət
növünə dönməsidir.Yalnız bu halda ədəbi örnəkdə bərkidilmiş oyun qaydalarına
Dostları ilə paylaş: |