2013
15
1.6.
Ödəniş sistemləri üzrə son meyillər və qlobal tədqiqatlar
Ödəniş sistemlərində innovasiyanı şərtləndirən amillər
Ödəniş
sistemlərində
innovasiyaların
inkişafına ekzogen və endogen amillər təsir
edir. Ekzogen amillər ödəniş sisteminin kənar
mühit, xüsusilə, texniki inkişaf, istifadəçilərin
davranışı və tənzimləmə ilə əlaqədar olmasını
nəzərdə tutur. Endogen amillər isə ödəniş
sisteminin daxili mühiti, məsələn, əməkdaşlıq,
qiymət
strukturu
və
təhlükəsizliklə
əlaqədardır.
Ekzogen amillər:
Texniki inkişaf. Son onillikdə e-ticarətin
sürətli inkişafı, o cümlədən yeni ödəniş
metodlarının yaranması nəticəsində online
ödənişlərin miqyası əhəmiyyətli artmışdır.
Bundan başqa, mobil telefon və smartfonların
inkişafı mobil telefonları ödəniş vasitəsinə
çevirmişdir.
İstifadəçilərin
davranışı.
Araşdırmalar
göstərir ki, istifadəçilərin daha təhlükəsiz,
effektiv və rahat ödəniş alətinə ehtiyacı ödəniş
sistemində innovasiyaya təkan verir. Belə ki,
i)
e-ticarətin
artması innovativ ödəniş
sistemlərinə tələbin artması ilə nəticələnmişdir
ii) istifadəçilər davamlı olaraq daha rahat
yolla ödəniş etməyin yollarını axtarırlar iii)
istifadəçilər
ödəniş
xidmətlərinin
təhlükəsizliyini tələb edirlər.
Real vaxt rejimində ödənişlər. Bir çox ödəniş
alətləri ödəniş prosesini gecikmə ilə həyata
keçirir. Gecikmə isə kredit və likvidlik
riskinin yaranmasına səbəb olur. Belə ki, alıcı
kredit kartı ilə ödəniş edərkən risklə üzləşə
bilər.
Məsələn,
pul
vəsaiti
hesaba
köçürülərkən gecikə (likvidlik riski) və ya tam
çatmaya (kredit riski) bilər. Ödəmə prosesinin
sürətlənməsi
bu
riskləri
azalda
bilər.
Həmçinin prosesin sürətlənməsi xərclərin
effektivliyini də artırır: i) istehlakçılar daha
effektiv kanallarla ödənişi həyata keçirməyə
başlayırlar (məsələn, kağızdan internetə keçid)
ii) ödəniş sistemləri üzrə infrastruktur
müasirləşir və konsolidasiya edilir iii) elektron
ödəniş sisteminin inkişafı nağd puldan
istifadənin azalmasına səbəb olur.
İctimai nəqliyyatda innovasiya. 1990-cı ilin
sonlarında ictimai nəqliyyatda smart kart
vasitəsi ilə ödənişin tətbiqi bilet probleminin
effektiv həllinə kömək etmişdir. İlk dəfə bu
kart (Octopus Card) 1997-ci ildə Honq-
Konqda istifadəyə verilmişdir. Sonradan
1999-cu ildə Vaşinqtonda (SmarTrip), 2011-ci
ildə Tokioda (Suica) və Sinqapurda (EZ-link),
2003-cü ildə Londonda (Oyster Card) və
2004-cü ildə Seulda (T-Money) buraxılmışdır.
Hazırda isə dünyanın əksər ölkələrində bu
kartdan istifadə edilir. Lakin, ödəniş alətləri
kimi
smartkartlardan
yalnız
ictimai
nəqliyyatda istifadə edilir. Bununla belə, bəzi
kartlardan çoxməqsədli ödənişlər üçün istifadə
edilir. Bu tip kartlar istifadəçinin ehtiyacını
daha rahat və sürətli qarşılayır.
Maliyyə
inkluzivliyi
siyasəti.
Bir
sıra
ölkələrdə əhalinin müəyyən seqmentinin ya
bank xidmətlərinə çıxışı yoxdur, ya da yalnız
effektiv
olmayan
qeyri-formal
maliyyə
xidmətləri ilə əlaqələri mövcuddur. Maliyyə
inkluzivliyinin əsas məqsədi də maliyyə
2013
16
xidmətlərinə
çıxışı inkişaf etdirməkdir.
Məsələn, başqa bir ölkədə işləyən və öz
ölkəsində ailəsinə pul göndərmək (pul
baratları) istəyən şəxsə maliyyə inkluzivliyi
kömək edə bilər. Dövlət üçün isə maliyyə
inkluzivliyi sosial ödənişləri (məsələn, tibb
ödənişləri, işsizlik, pensiya və təhsillə
əlaqədar təqaüd) bank xidmətlərindən istifadə
imkanı
olmayanlar
arasında
effektiv
bölüşdürməyə imkan verir. Beləliklə, maliyyə
inkluzivliyi dövlət sektorunda innovasiya
üçün təkanverici qüvvə hesab oluna bilər.
Nəzarət və tənzimləmə orqanları. Nəzarət və
tənzimləmə ödəniş sistemlərində innovasiya
üçün potensial tələbə və ya xidmətlərin
dəyərinə təsir edə bilər. Bu isə yeni xidmət
növlərini genişləndirə və ya azalda bilər. Bu
baxımdan tənzimlənmə innovasiya üçün ya
təkanverici və ya onun qarşısını alan qüvvə
rolunu oynayır. Ödəniş sistemləri bazarını
tənzimləməkdə
əsas
məqsəd
bazarın
təhlükəsizliyini
və
effektivliyini
təmin
etməkdir.
Endogen amillər:
Əməkdaşlıq. İnnovasiyalar adətən sabit
investisiya xərcləri tələb edir, lakin yeni
məhsul və ya prosesin əhəmiyyətli dərəcədə
tələb yaradacağı və ya uzunmüddətli dövrdə
rəqabətli olacağına zəmanət yoxdur. Banklar
arasında əməkdaşlıq bu maneəni xərcləri
azaltmaq və ya əlavə xidmətlər təklif etmək
yolu ilə aradan qaldıra bilər. Ödəniş
sistemlərində innovasiyaların mürəkkəbliyi
iştirakçılar arasında əməkdaşlıq əlaqələrini
artırır. Bu əməkdaşlıq iki istiqamətdə inkişaf
edir:
Sahələrarası:
məsələn,
ödənişləri
həyata keçirmək üçün istifadə olunan
POS-terminal, çip, mobil telefon
istehsalçıları, şəbəkə operatoru və
ödəniş üzrə təchizatçılar arasında
əməkdaşlıq tələb olunur.
Ölkələrarası:
Məsələn,
ABŞ və
Meksika arasında pul köçümələrini
həyata keçirmək məqsədi ilə xüsusi bir
fond yaradılmışdır.
Qiymətqoyma və qiymət strukturu. Qiymətin
formalaşması strategiyası innovasiyaların
uğurlu olması üçün mühüm rola malikdir.
Belə ki, Ödəniş Xidməti Təchizatçısı (ÖXT)
tərəfindən müəyyən edilən qiymətlər həm
rəqabətli olmalı, həm də gəlirliyi təmin
etməlidir. Beləliklə, qiymətlərin innovasiyada
rolu ikili xarakter daşıyır: əgər ÖXT-nin
istiqaməti
düzgün
müəyyən
edilsə,
innovasiyaya təkan vermiş olacaqdır. Digər
tərəfdən qiymət maneyə də çevrilə bilər. Belə
ki, bir çox amillər qiymətin formalaşmasında
çətinliklər yarada bilər: i) xərclərin strukturu
və bazar iştirakçılarının gücü ii) şəbəkə
effektinin növü və müddəti iii) tənzimlənmə
mühiti.
Təhlükəsizlik. Yeni ödəniş sistemləri ilə
əməliyyatlarda mövcud olan qeyri-qənaətbəxş
təhlükəsizlik əhalinin inamını zəiflədə bilər.
Texniki inkişaf və prosesin sürətlənməsi
ödəniş sistemləri üçün yeni imkanlar yaratsa
da, təhlükəsizlik risklərini də yüksəldir. Bu
səbəbdən
ÖXT-lər
davamlı
olaraq
təhlükəsizlik səviyyəsinin keyfiyyətini artırır
ki, bu da innovasiyada vacib amil hesab
olunur.