www.kitabxana.net
– Milli Virtual Kitabxana
64
Olanlardan sonra Fəridə evlərinə məmnun qayıtdı. Düzdür o, qocanın özündən deyil, ona verilən
hədiyyələrdən razı qalmışdı. Son-ralar isə bu hədiyyələrin, qızılların, pulların miqdarı artdıqca xüsusi zövq
alırdı.
Aylar keçdikcə, Fəridə maddi tələbatını tam alsa da, onun ehtiraslı, gənc bədəninin fiziki tələbatını,
şəhvətini ödəyə bilməyən qocadan gizlin, kənarda cavan oğlanlarla da görüşürdü. Heç biri ürə-yinə yatmırdı.
Nədənsə əksərən qəddi-qamətli, yaraşıqlı sadə oğlan-lar deyil, imkanlı olsalar da sir-sifətlərindən harınlıq
yağan, adamlıq qabiliyyətindən uzaq, “zənənə gözəlliyi” olan cavanlar, onu daha tez əldə etməyə çalışırdılar.
Xoşu gələn oğlana özünü necə təklif edə bilərdi?
İlk dəfə İltifatı görəndə necə xoşuna gəlmişdisə gözlərini ondan çəkməmişdi. Axır ki, İltifat onu başa
düşmüşdü...
Həmin gecə İltifat Fəridə ilə yerinə palaz, yatacaq döşənmiş qaranlıq zirzəmidə qeyri-adi gecə yaşadı.
Heç kimin, heç nədən du-yuq düşməməsi üçün İltifatı bura gətirən Fəridə həzz dəqiqələrində hər şeyi unudub
qışqırmaq istəyəndə, səsini güclə boğurdu.
“Qəribə idi, onların bütün görüşləri qaranlıqda baş verirdi. Bu qaranlıqların axırı nə olacaqdı? Özü ilə
yenəmi qaranlıq gətirəcək-di?” - İltifat düşünürdü.
Səhər hava işıqlaşana yaxın Fəridə qurduğu plan üzrə onu da özü ilə aparıb İbrahimxəlilin həyətinə
keçdi.
- Arabir qoca ilə səhər açılmamış, evdəkilər yuxuda olanda həyətdəki hamamda görüşürəm, - Fəridə izah
etdi. - Dünən razılaş-mışam, indi məni gözləyir. Sən hamamın qapısının qarşısında gizlən. Mən onu
gətirəcəyəm.
Elə vur ki, huşunu itirsin. Sonra evə girərik. Götürəcəyimiz şeylərin yerini bilirəm.
Fəridənin yanında özünü sındırmayan İltifatı fikir götürmüşdü, qəlbinə qorxu dolmuşdu: görəsən
bacaracaqdımı? İbrahimxəlil onu tanımayacaqdı ki? Bəlkə havanın işaqlanmasını gözləmədən qaçıb canını bu
qaranlıqdan qurtarsın...
Yox, necə var dözməliyəm, - ürəyində qərar verdi, - qocadan heyfimi çıxmaq üçün, borclarımı
qaytarmaq üçün, Fəridəni itirmə-mək üçün...
Gecənin lal sükutunda cansıxıcı dəqiqələr daş kimi ağır, illər kimi uzun görsəndi. Təmiz buludsuz
səmada göyün qübbəsini bəzə-yən ulduzlar həmişəki sayaq sayrışırdılar.
Budur, irəlidə ağ gecə köynəyində, İbrahimxəlil, arxasınca Fəridə evdən çıxıb yavaş-yavaş hamama
tərəf gəlirdilər. Başına gələ-cəyindən xəbərsiz olan kişi, ağ kəfənə bürünmüş iblisə oxşayırdı. O, hamamın
qapısına yaxınlaşdıqca, İltifatın ürəyi yerindən çıxırdı, vax-tı itirmək olmazdı, hər an vəziyyət başqa cür alına
bilərdi.
İbrahimxəlilin qapıya çatmasına bir addım qalmış, İltifat giz-ləndiyi yerdən çıxıb, əlində hazır tutduğu
yoğun taxta parçasını onun peysərinə endirdi. Hamamın qapısının ağzında, gecənin ölü vaxtı,
birdən-birə yerdən
çıxıbmış kimi, gözlənilməz adamın əlindəki yoğun taxta parçasını başı üstünə qaldırmasını görən İbrahimxəlil
ye-rində dondu. Ürəyinin döyüntüsü dayandı, rəngi avazıdı, gözləri hə-dəqəsindən çıxdı. Taxta parçasının
peysərinə dəyməyi ilə yerə uzanmağı bir anda baş verdi.
İltifat zərbənin alındığını görüb cəsarətləndi, daha birini vur-maq istədi. Fəridə onun əlini saxladı:
- Neynirsən, öldürmək istəyirsən? Bəsdi, dəymə. Sürü hama-mın içinə.
İltifat güc-bəla ilə İbrahimxəlilin cəmdəyini qapıdan içəri saldı.
- Nə yaman ağırmış, camışdan betərdi, - pıçıldadı. Kişinin ölü rəngi almış sifətinə baxdı, daşlaşmış
www.kitabxana.net
– Milli Virtual Kitabxana
65
qolunu qaldırıb nəbzini yoxladı:
- Bu, yoxsa ölüb nədi? Nəbzi dayanıb.
- Dedim dəymə, işin olmasın, huşunu itirib. Biz vaxtı itirmə-yək. O, özünə gəlməmiş aradan çıxmalıyıq,
- Fəridə onu tələsdirdi.
- Gəl mənim arxamca.
- Hara?
- Əsas məsələ qalıb axı.
Gedək evə, mən göstərim nə götürə-cəyik.
Onlar evin kandarına çatanda İltifat dayandı.
- Nə oldu? Niyə durdun?
Ömründə etmədiyi işi görmək, İltifata adam öldürməkdən də çətin gəlirdi:
- Bəlkə durum burada? İçərini sən yaxşı tanıyırsan, mən bir-dən işi korlayaram.
Fəridə onun
tərəddüd dolu gözlərini görcək, israr edərsə vaxtı itirəcəyini başa düşdü:
- Yaxşı, sən gözlə beş dəqiqəyə gəlirəm.
Havalar isti keçdiyindən İbrahimxəlil arvad-uşağı ikinci mər-təbəyə çıxartmışdı. Fəridəni isə adətən aşağı
mərtəbədə, balaca otağında qonaq qəbul edərdi. Otağı balaca olsa da, burda nələr yox idi, muzey guşəsinə oxşayırdı.
Otaqda nəzərə çarpan bütün əşyalar qədimi və qızıl suyuna çəkilmiş idi: şamdanlar, iri kəfkirli saat, göz oxşayan
vazalar, xalça ilə örtülmüş divan və yanaşı dayanan iri bədənnüma güzgü adamın ağlını alırdı. O güzgü ki, hər dəfə
qoca Fəridəni qəbul edəndə, yataqdan özünə baxıb həzz alırdı. Fəridəni isə həmişə güzgünün o biri tərəfindəki
yaraşıqlı şkafın dolablarında qocanın ehtiyatı olan sayı bilin-məyən zinət əşyaları, pullar qayğılandırırdı. Hər dəfə
qoca o siyirtmə-lərin birini açıb nəsə hədiyyə edəndə, gözü dolabda qalar, əlini atıb ovcunu doldurmaq istərdi.
İndi əsl fürsət idi. Dolabları bir-bir axtardı. Heç də o düşünən qədər deyildi. Gərəksiz əşyalar gözlədiyindən
çox idi. Cəmisi iki ovuc bahalı olmayan daş-qaş və bir neçə dəstələnmiş əllilik, yüzlük pulları tapa bildi. Dolabın biri
bağlı idi. Kim bilir, bic qoca açarı harada gizlətmişdi. Qaranlıqda necə tapa biləcəkdi? Sındırmaq da mümkün
deyildi. “Ay səni qoca tülkü, - Fəridə acıqlandı, - eybi yox, qalsın başqa dəfəyə”. Getmək lazım idi, çox istəyən
azdan da olar, - xatırladı. Dolabları əvvəlki vəziyyətinə gətirib otaqdan çıxdı.
İltifat ürəyini yeyə, eyvanın altında durmuşdu. Yuxunun şirin vaxtı, qaranlığın işığa, şərin xeyrə
qarışdığı anlarda kiminsə eyvanı-nın altında durmaq heç vaxt ağlına gəlməzdi. Fəridə necə də tez ağlını aldı. Bu
gecədən salamat qurtarsaydılar heç dərdi olmazdı.
İçəridən kimsə oğrun-oğrun çıxırdı. Yəqin Fəridədir. Ağlına qorxunc fikirlər gəldi. Birdən Fəridə yox,
İbrahimxəlilin uşaqların-dan biri oldu? O nə etməli idi? Öldürməli idimi? Yoxsa, Fəridəni atıb qaçmalıydı? Hər
ikisi qurtulmaq üçün xərcini verib qurtara bilmədiyi dustaqlığa yenidən yol açırdı.
Beynindən bir ağrı qopub sancı kimi bütün vücuduna yayıldı, sanki, ayaqüstə ölmüşdü. Evdən çıxan
tanış fiquranı görcək özünə gəldi. Zənni yanılmamışdı: Fəridə idi.
Hər şey sakit başa çatdığına görə, sevincindən həyətdəcə Fəridəni öpüb qucaqlamaq istəyən İltifatı, onun
evdən nə çıxarıb, çı-xartmadığı elə də maraqlandırmırdı. Tez-tələsik lənətə gəlmiş həyəti tərk eləməliydilər.
Fəridənin həmişə gəldiyi gizlin yolla həyətdən çıxıb zirzəmiyə qayıtdılar.
Dolabın birini aça bilmədiyindən əməliyyat Fəridənin ürəyincə olmamışdı. Lakin, gətirdikləri İltifatı tam
təmin edirdi. Daş-qaşdan heç nə götürmədi. Fəridə yarıya bölmək istəsə də razı olmadı, payını ona bağışladı.