4.2.1 AZIPS
AMB-nin Azərbaycan Banklararası Ödəniş Sistemi (AZİPS) respublikanın yeganə iri məbləğli
ödəniş sistemidir. AZİPS real vaxt rejimində işləyən hesablaşma sistemidir (RTGS). Sistem
iştirakçıların AMB-dəki müxbir hesabları vasitəsilə ödənişləri tam elektron şəkildə emal edir.
Hesablaşmanın qətiliyi və gerigötürülməzliyinə nəzarət tələbləri vasitəsilə nail olunmuşdur.
AZİPS-də T+10 günədək ödənişlər emal oluna bilər. 2005-ci ildə 14.7 milyard dollar
məbləğində 316,000 əqd emal olunmuşdur.
Sistem arxitekturası Y əsaslıdır və burada banklararası ödənişlər və üçüncü tərəf ödənişlər
STP əsasında emal oluna bilər. AZIPS-in iri məbləğli və vacib ödənişlər üçün nəzərdə
tutulmasına baxmayaraq, ödənişlərin məbləği ilə bağlı minimum və maksimum limitlər yoxdur.
Əqdlər SWIFT şəbəkəsi vasitəsilə həyata keçirilir. AMB yalnız banklarası hesablaşma üçün
məqbul olan məlıumatları (dəyər tarixi, məbləğ,
göndərən bank, benefisiar bank və s.) əldə
edir. Əgər hesablaşma üçün lazımi vəsait mövcuddursa, sistem vəsaiti göndərən bankın
hesabından benefisiar bankın hesabına köçürür və SWIFT-ə hesablaşma üzrə təsdiqnaməni
göndərir. SWIFT daha sonra debit və kredit təsdiqnamələrini hazırlayır və ödəniş detallarını
benefisiar banka göndərir. Hər bir ödəniş məcmu əsasda emal olunur və məlumat dərhal
AMB-nin Baş Mühasibat Kitabında qeydiyyata alınır.
Hazırda sistem 40 bank və AMB-də daxil olmaqla 43 üzvdən ibarətdir. Qeyri-bank iştirakçılara
Maliyyə Nazirliyinin Xəzinədarlıq Departamenti və qeyri-bank maliyyə təşkilatı olan
Agrarkredit daxildir.
İştirakçı olmaq üçün üzvün AMB-də cari hesabı açmalı və SWIFT-ə goşulmalıdır. Bu və digər
üzvlük tələbləri AMB və hər bir bank arasında imzalana ikitərəfli Kollektiv Əməkdaşlıq
Sazişlərində əks olunur. Əlavə üzvlük tələblərinə daxildir: i) proqram təminatının və
avadanlığın quraşdırılması kimi texniki tələblər, ii) əlim kursu keçmiş səriştəli əməkdaşların
olması. İştirakçıların AZİPS-dən çıxarılması qaydaları aydın deyildir.
Saat 10:00-da başlayan əməliyyat günündə AZİPS hesabında əgər lazımi balans
mövcuddursa ödənişlər onlayn rejimdə emal olunur. Əks halda, növbədə olan ödənişlər
iştirakçıların müyyən etdiyi ardıcıllıqla və FİFO prinsipinə uyğun emal olunur. Sistemdə 99
prioritet kodları mövcuddur və iştirakçının prioritet kodunu seçmək və likvidliyi idarəetmək
üçün növbədə koda düzəliş etmək hüququna malikdir. AZİPS-də olan həll mexanizminə
əsasən əlavə vəsait mövcud olan kimi sistem əqdi avtomatik növbəyə daxil edir. Müştərinin
ödənişləri 16:30-dək qəbul olunur. Növbəti yarım saat ərzində iştirakçılar iştirakçılar
banklararası ödənişləri həyata keçirə bilər. Növbədə olan əqdlər günün sonunda sistemdən
çıxarılır.
Əməliyyat günü saat 17:20-də yekunlaşır. Əməliyyat gününün yekunlaşmasından sonra
iştirakçılara aşağıdakı hesabatlar göndərillir: i) həyata keçirilmiş ödənişlər haqqında hesabat;
ii) ləğv edilmiş ödənişlər haqqında hesabat, iii) faktura hesabatı.
4.2.1.1 Likvidlik riskinin idarə edilməsi
Ödəniş tapşırığının emal olunması üçün lazımı məbləğ olmazsa, ədq gözləmə növbəsinə
keçirilir. Növbədə olan ödənişlər prioritet kodlarına (1-99) uyğun olaraq emal olunur. Əgər
birdən çox ödəniş tapşırığının prioritet kodu eyni olarsa, FİFO prinsipi tətbiq olunmalıdır.
AZİPS-də olan həll mexanizminə əsasən əlavə vəsait mövcud olan kimi sistem əqdi
avtomatik növbəyə daxil edir. Növbədə olan əqdlər günün sonunda sistemdən çıxarılır.
17:20-dən sonra bütün ödənişlər növbədən çıxarılır.
37
Ödəniş məqsədləri üçün gün ərzində minimum ehtiyat tələblərindən istifadə oluna bilər. AMB
ödəniş məqsədilə AMB notlar və xəzinə veksellərinin əsas qiymətli kağız rolunda çıxış etməsi
şərti ilə güniçi və overnayt repoları hər hansı vəsait ödəmədən iştirakçılara təmin edir. Bu
proses avtomatlaşdırılmamışdır; Bazar Əməliyyatları Departamenti iştirakçılardan bu cür
sorğu aldıqdan sonra hər bir əqdi təhlil edir və daha sonra təsdiq edir. BBVB həmçinin 26
bankın iştirak etdiyi pul bazarı xidmətləri təmin edir. Bu bazar daha az inkişaf etmişdir
4.2.1.2 Əməliyyat riskinin idarə edilməsi
Əməliyyat riski və əməliyyatların davamlılığı ilə bağlı qeyd etmək lazımdır ki, sistemdə şəbəkə
əlaqəsi pozulsa belə, iştirakçılar kağız formada olan ödəiş tapşırıqlarını emal üçün AMB-yə
təqdim edə bilərlər. Bu sənədlər emal olunmamışdan əvvəl elektron formata keçirilir.
AMB-nin kompüter sisteminin ehtiyat mərkəzi Bakıdan 40 km aralıqda yerləşən Sumqayıt
şəhərindədir. Mərkəz real vaxt rejimində işləmir. Hər əməliyyat
gününün sonunda arxivləşmə
və kopyalama həyata keçirilir. Mərkəz həmçinin elektrik enerjisi istehsal edən mobil
avadanlıqla təchiz edilmişdir. AZİPS-də İş Davamlılığı Planı mövcuddur və bu planın əsas
amilləri AMB-nin Təhlükəsizlik Departamenti tərəfindən rüblük əsasda sınaq edilir
.
4.2.1.3 Xidmət haqqı
AZİPS-də hesablaşma üzrə tarif ödəniş məbləğinin 0.043 faizdir. Minimum xidmət haqqı 0.1
AZN (yeni manat) və 0.10 sentdir. Maksimum tutulan məbləğ 43 AZN-dir (təqribən 43 dollar).
4.3 B
EYNƏLXALQ ÖDƏNIŞLƏR VƏ HESABLAŞMA SISTEMLƏRI
Beynəlxalq ödəniş tapşırıqları normal olaraq SWIFT vasitəsilə qəbul olunur və göndərilir.
Hesablaşma xarici müxbir banklar vasitəsilə təmin olunur. Hazırda ölkənin 40 kommersiya
bankı və maliyyə institutları SWIFT sisteminin üzvüdür.
Beynəlxalq pərakəndə ödənişlərin xüsusi növü olan pul köçürmələri xaricdə, əsasən Rusiya
Federasiyasında yaşayan azərbaycanlıların respublikadakı ailələrini dəstəkləməsi və bu
köçürmələrin ÜDM-dəki çəkisi baxımından çox böyük əhəmiyyət kəsb edir.
4.4 X
ARICI VALYUTA HESABLAŞMA SISTEMLƏRI
Təqribən yerli bazardakı xarici valyuta əməliyyatların 40%- birja vasitəsilə həyata keçirilir.
Qalan 60% isə vasitəçilərsiz həyata keçirilir.
1993-cü ildə yaradılan Bakı Banklararası Valyuta Birjası (BBVB) ticarət və hesablaşma
sisteminin formal sahibidir. BBVB-nin səhmdarların yığıncağında 4 kommersiya bankı təmsil
olunur. Hər bir bank bərabər həcmdə səhmlərə malikdir. BBVB-da iştirak etmək üçün
bankların xarici valyuta əməliyyatları ilə məşğul olmaq üçün xüsusi lisenziyası olmalıdır.
Hazırda sistemin 40 üzvü vardır.
BBVB-də əməliyyat görən valyutalara ABŞ dolları, Rus Rublu, Avro daxildir. ABŞ dolları ilə
əməliyyatların cəmi əməliyyatlardakı çəkisi 98%-dir. Ticarət səsli hərraclar və Birja Elektron
38