9
KIRISH
“2020-2025 yillarga mo‘ljallangan O‘zbekiston
Respublikasining
bank tizimini isloh qilish strategiyasi to‘g‘risida”gi O‘zbekiston
Respublikasi Prezidenti farmonida ta’kidlanganidek, moliya sektorini izchil
isloh qilish davomida qator chora-tadbirlar amalga oshirildi va natijada
ilg‘or bank biznesini yuritish hamda ushbu sektorda raqobat muhitini
kuchaytirish uchun zarur huquqiy shart-sharoitlar yaratildi. Xususan,
xalqaro standartlarga muvofiq keladigan va moliyaviy sohaga xorijiy
investitsiyalar kiritish uchun jozibador huquqiy muhitni yaratadigan
O‘zbekiston Respublikasining “O‘zbekiston
Respublikasining Markaziy
banki to‘g‘risida”gi, “Banklar va bank faoliyati to‘g‘risida”gi, “Valyutani
tartibga solish to‘g‘risida”gi hamda “To‘lovlar va to‘lov tizimlari
to‘g‘risida”gi yangilangan qonunlar qabul qilindi.
Shu bilan birga, bank sohasidagi hozirgi holat tahlili bank sektorida
davlatning yuqori darajadagi aralashuvi, davlat
ishtirokidagi banklarda
menejment va tavakkalchiliklarni boshqarish sifatining yetarli emasligi,
iqtisodiyotda moliyaviy vositachilikning past darajasi kabi bank sektorini
iqtisodiy yangilanishlar va jamiyat
ehtiyojlariga
mos
ravishda
rivojlantirishga to‘sqinlik qilayotgan qator tizimli muammolar mavjudligini
ko‘rsatmoqda.
Moliyaviy xizmatlarning ommabopligini oshirish,
banklarning
hududlarga kirib borishini kengaytirish va barcha aholi punktlarida bir xil
turdagi xazmatlar ko‘rsatilishini ta’minlash bo‘yicha qo‘shimcha choralar
ko‘rilishi lozim.
Bank tizimiga zamonaviy servis yechimlari asosida axborot
texnologiyalarini, moliyaviy texnologiyalarni keng joriy etish, axborot
xavfsizligini lozim darajada ta’minlash, shuningdek,
moliyaviy xizmatlar
ko‘rsatishda inson omili ta’sirini kamaytirish bo‘yicha tezkor chora-
tadbirlar ko‘rish talab etilmoqda.
Ushbu muammolarni hal etish bevosita “Tijorat banklari” fanini
o‘rganishga bog‘liq bo‘lib, bu fan orqali ta’lim oluvchilar zamonaviy bank
nazariyasi va moliyaviy boshqaruv, qimmatli qog‘ozlar bilan operatsiyalar,
banklar tomonidan pul muomalasini boshqarishning nazariy asoslari va
amaliy uslublarni o‘rganadilar.
“Tijorat banklari” fanini maqsadi ta’lim oluvchilarni tijorat banklari
faoliyatini tashkil etish va undagi operatsiyalarni o‘rgatishdan iborat. Shu
bilan birga “Tijorat banklari” fanining vazifalari bo‘lib ta’lim oluvchiga
zamonaviy bank nazariyasini o‘rgatish; pul-kredit
munosabatlarini va
10
rivojlanish yo‘nalishlarini o‘rgatish; hozirgi zamon pul-kredit tizimi
qonuniyatlarini tahlil etish; tijorat banklarining aktiv hamda passiv
operatsiyalarini o’rganish va ularni boshqarishni ko‘rsatib berish
hisoblanadi.
Tijorat banklari faoliyatining asosiy yo‘nalishlaridan biri bo‘lib,
mijozlarning kredit va investitsiyaga bo‘lgan talabini qondirish, aktivlarni
kredit va operatsion risklardan himoya qilishning zaruriy sharti hisoblanadi.
Bu esa aktivlar hajmini oshirish orqali banklar faoliyatining barqarorligini
ta’minlash jihatidan muhim amaliy ahamiyat kasb etmoqda. Xususan,
«Banks around the World» va «S&P Global Market Intelligence»
nashrlarining hisobotlariga ko‘ra, «jahon banklari
aktivlarining asosiy
ulushi 100 ta bank hissasiga to‘g‘ri kelmoqda»
11
. Bu esa bank aktivlari
sifatini oshirishi hamda bank aktivlarining daromadliligi va likvidliligi
o‘rtasidagi oqilona nisbatni ta’minlashi, pirovard natijada, banklarning
moliyaviy barqarorlik darajasini oshirishga xizmat qilmoqda.
O‘quv qo‘llanmada tijorat banklari faoliyatini
tashkil etishning
nazariy va iqtisodiy asoslari, passiv va aktiv operatsiyalarining
daromadliligi va risk darajalari o‘rtasidagi mutanosiblikni ta’minlash, kredit
risklarni boshqarish amaliyotini takomillashtirish, bank aktivlarini
raqamlashtirish, tijorat banklari aktivlarining likvidliligini ta’minlash,
tijorat banklarining raqamli aktivlar bilan
amalga oshiradigan xalqaro
operatsiyalari,
shuningdek,
lizing,
faktoring,
balansdan
tashqari
operatsiyalar to‘g‘risida tushunchalar beradi.
O‘zbekistonda tijorat banklarining aktiv operatsiyalarini rivojlantirish
muhim masala hisoblanadi. Buning uchun esa «davlat ulushiga ega tijorat
banklarida transformatsiya jaryonlarini yakunlash, xususiy banklarning
ulushini 2025 yilda jami bank aktivlarining 60 foiziga yetkazish»
22
kabi
vazifalar belgilab berilgan. Ushbu vazifalarni bajarishda tijorat banklari
aktivlari likvidliligini va kredit portfelining
diversifikatsiya darajasini
ta’minlash, tijorat banklarining yuqori likvidli qimmatli qog‘ozlarga
qilingan investitsiyalarining jami aktivlardagi salmog‘ini oshirish, tijorat
banklari va ular mijozlarining kredit portfelini diversifikatsiya darajasini
oshirish, banklarda xorijiy valyutadagi aktivlar hajmini muvofiqlashtirish,
tijorat banklarining aktiv operatsiyalariga salbiy ta’sirni pasaytirish va
kredit siyosatini liberallashtirish bo‘yicha fikrlar berilgan.
1
"The world's 100 largest banks". Standard & Poor. December, 2021, https://www.relbanks.com.
2
O‘zbekiston Respublikasi Prezidentining 2022 yil 28 yanvardagi PF-60-son ―2022-2026 yillarga
mo‘ljallangan Yangi O‘zbekiston taraqqiyot strategiyasi to‘g‘risidagi Farmoni.