Tog usuli. Guidebook. Kirish

Yapon tili so’zlari

№	Yaponcha	Talaffuz	O‘zbekcha
1	Hachimitsu	hachimitsu	Asal
2	Konchu	ko’nchu	Hasharot
3	Asa	asa	Tong
4	Itsu	Itsu	Qachon
5	Otearai	o’tearay	Xojatxona
6	Gatsu	gatsu	Oy
7	Minna	minna	Hamma
8	Kutsu	kutsu	Tufli
9	Ao	ao	Ko’k
10	Te	te	Qo’l
11	Hito	hito	Odam
12	Nemasu	Nemas	Uxlamoq
13	Megane	megane	Ko’zoynak
14	Kusa	kusa	O’t
15	Kinou	kinou	Kecha
16	Kazoku	kazoku	Oila
16	Sakana	sakana	Baliq
17	Hatarakimasu	hatarakimas	Ishlamoq
18	Basu	bas	Avtobus
20	Nihon	nihon	Yaponiya
21	Kyou	kyou	Bugun
22	Okuni	o’kuni	Vatan
23	Nichiyoubi	nichiyoubi	Yakshanba
24	Kani	kani	Qisqichbaqa
25	Shokudai	sho’kuday	Oshxona
26	Ishya	ishya	Shifokor
27	Nekutai	nekutay	Bo’yinbog’
28	Tamago	tamago	Tuxum
29	Arigatou	arigato	Rahmat
30	Hachi	hachi	Sakkiz
31	Hai	hay	Ha
32	Tanjyoubi	tanjyo’ubi	Tug’ilgan kun
33	Heya	heya	Xona
34	Ushi	ushi	Sigir
35	Neko	neko’	Mushuk
36	Densha	densha	Poyezd
37	Ninjin	ninjin	Sabzi
38	Katatsumuri	katatsumuri	Shilliqurt
39	Ikimasu	ikimas	Bormoq
40	Tokidoki	to’kido’ki	Onda-sonda

Yuqoridagi 40 ta so’zni TOG usuli orqali bog’lab, yodlab ko’rdingiz degan umiddaman. Agar so’zlarni yodlamagan bo’lsangiz, to’xtang va ortga qaytib yodlang!

Yodlab bo’ldingizmi? U holda o’qishda davom etishingiz mumkin.
Xorijiy so’zlarni yodlash taktikasi.

Ko’pchilik xorijiy so’zlarni yodlashga o’tiradi va 5 daqiqa shug’ullanganidan so’ng, chalg’ib so’z yodlagisi kelmay qoladi. Shu narsani oldini olish maqsadida biz hozir sizga dangasalikni yengish uchun sifatli qurol, “Pomidor” usulini berib o’tamiz. Hozir metod haqida batafsil ma’lumot berib o’tamiz. Ushbu metodni istalgan ishni bajarish uchun ishlatish mumkin, jumladan xorijiy so’zlarni yodlashga ham.

Pomidor metodi 1980-yillarda Franchesko Chirillo ismli talaba tomonidan o’ylab topilgan bo’lib, dangasalikni yengishdagi eng samarali va mashhur usullardan biri hisoblanadi.
Pomidor usulini ishlatish algoritimi quyidagicha:
1-qadam. Chalg’ituvchi omillardan xalos bo’lish. Bu bosqichda barcha chalg’ituvchi omillar bartaraf qilinishi lozim. Chalg’ituvchi omillarga oila a’zolari, telefon, shovqin va shu kabi ish jarayonida sizni chalg’ishga sabab bo’luvchi narsalar kiradi. Bu bosqichda uydagilar ogohlantiriladi, telefonlar o’chiriladi yoki avtopilot rejimiga qo’yiladi. Chunki bu usulning asosi konsentratsiyani bir joyga jamlab ishlash hisoblanadi. Ushbu bosqich o’ta muhim. Hayotning shunday bir achchiq haqiqati bor: bo’sh vaqtingizda, sizni hech kimga keragingiz yo’q, ammo endi nimadir qilaman deganingizda hammaga kerak bo’lib qolasiz.
2-qadam. Rejalashtirish va tayyorgarlik. Bu bosqichda bajarmoqchi bo’lgan ishingiz rejalashtirib olinadi. Misol uchun, ishingizga kerak bo’ladigan narsalarni tayyorlab olish, necha varoq kitob o’qish yoki qancha hajmda ish bajarish va h.k. Chunki avvaldan hamma narsa tayyorlab olinmasa, ishlash jarayonida chalg’ishga olib keladi. Bunga yana bir sabab, miya qancha ishni qilishi kerakligini va ishining oxirini ko’rganida, yaxshiroq ishlaydi. Agar qancha ish qilishi kerakligini bilmasa, miya dangasalik qilishni boshlaydi. Shug’ullanishni boshlamasdan avval, oldingizga suv, yoki qahva qo’yib olishingiz mumkin. Chanqagan paytingizda suv ichib turasiz.
3-qadam. Taymerni yoqish. 25 daqiqaga taymer qoyiladi va konsentratsiyani jamlab ishga kirishiladi. Bu usulni kuchli jihati shundagi 2-3 soatlik ishlarni pomidorlarga ajratib, dangasaliksiz bajarib yuborish mumkin. Bittada 100 marta turnikda tortilish mumkinmi? Albatta yo’q, hattoki kuchli sportsmenlar ham 40-50 tacha qilishadi. Lekin siz 10 ta tortilib, so’ng biroz dam olib, keyin yana 10 ta tortilib, yana dam olsangiz, siz muammosiz 100 ta tortina olasiz. Pomidor metodining asosiy mohiyati ham shunda. Taymer ishni tezroq bajarishga undaydi. Chunki miyamiz vaqt tugayotganini sezganda yana ham tezroq ishlashni boshlaydi. Agar boshlanishiga 25 daqiqa diqqatni jamlab ishlash qiyinlik qilsa, 20 yoki 15 daqiqalik Pomidor ishlatishingiz mumkin.
4-qadam. 5 daqiqa dam olish. Taymer tugashi bilan 5 daqiqa dam olinadi. Dam olish jarayonida miyani dam oldirish kerak, ortiqcha narsalarga, masalan, telefonga chalg’ish mumkin emas. Chunki bu paytda miya olingan ma’lumotni hazm qiladi va tahlil qiladi. Dam olayotganda shunchaki hech narsani o’ylamasdan yotishingiz yoki oynani ochib toza havoda nafas olishingiz mumkin.
Pavlov o’tkazgan tadqiqotda u itiga ovqat berayotganda lampochkani yoqardi. Ma’lum vaqtdan so’ng, itda lampochkaga nisbatan shartli refleks paydo bo’ladi va ovqat bermasdan lampochkani yoqqanida itning og’zidan so’lak oqa boshlaydi. Pomidor usulini ko’p marotaba ishlatish orqali ham biz miyamizni taymerlar bilan ishlashga moslashtirishimiz mumkin.
5-qadam. 3-4-qadamlar takrorlanadi. Yana 25 daqiqaga taymer qo’yiladi va ishlanadi. Vaqt tugaganidan so’ng, yana 5 daqiqa dam olinadi. 1 soat tinmasdan ishlagandan ko’ra, 2 ta pomidor ishlagan afzalroq. To’xtovsiz 4 ta pomidordan keyin katta tanaffus qilinadi, ya’ni 1-2 soat dam olinadi. Chunki bunda miyamiz ancha toliqqan bo’ladi.

Pomidor usuli orqali FIKni, ya’ni foydali ish koeffitsiyentini bir necha barobarga oshirishingiz mumkin. Bir kunda o’rtacha 8-10 tagacha pamidor bilan ishlashingiz mumkin. Pomidor usulini har qanday ishga nisbatan qo’llasa bo’ladi. Misol uchun; uy tozalash, dars qilish, kitob o’qish, hatto kinoni ham pamidorlarga bo’lib ko’rsangiz boladi.

Ushbu metodni qo’llaganingizdan so’ng hayolingizga bir savol kelishi tabiiy, metodning nomi nega aynan pomidor? Chirillo ishlayotganda onasining pomidor ko’rinishidagi taymerini ishlatar edi va usulga ham pomidor deb nom qo’yib qoyvergan. Bu usul vaqtni bloklarga ajratishdan iborat.
Pomidor usuli nima ekanligini tushunib olganingizdan so’ng, uni siz xorijiy so’zlarni eslab qolish uchun ishlatishingiz mumkin bo’ladi.
Ana endi yodlashingiz kerak bo’lgan barcha so’zlarni tayyorlab oling. Tahminan 50 tacha so’z kerak bo’ladi. So’zlarni o’zingiz yodlashingiz zarur bo’lganlarini tanlab oling. Ushbu so’zlarning ichida siz tarjimasini bilgan so’zlaringiz bo’lmasligi zarur.