44
1.8. Sanoat korxonalarining ma’muriy-maishiy binolarini loyihalash
Ishchi-xizmatchilarning sog‘lig‘ini saqlash , ularning mehnat qilish sharoitlarini
yaxshilash, kasb-mahoratlarini oshirish to‘g‘risida g‘amxo‘rlik qilish bizning
mamlakatimizning asosiy maqsadi hisoblanadi.Shuning uchun ham sanoat binolarini
loyihalashda ishchi va xizmatchilarga sanitar-maishiy va ma’muriy-madaniy xizmat
qilishda qulay sharoit yaratishga muhim ahamiyat beriladi.
Sanoat korxonalarining
ma’muriy-maishiy binolarini loyihalash ШНК 2.09.04-09 “Korxonalarning ma’muriy
maishiy binolari” asosida amalga oshiriladi.
Ma’muriy-maishiy binolar joylashgan joyiga qarab 3 xil bo‘lishi mumkin:
sanoat binosidan tashqarida, alohida (isitiladigan o‘tish yo‘li bilan), sanoat binosiga
yon tomondan yopishgan va sanoat binosining ichida, to‘rida joylashgan (1.21-rasm).
Ma’muriy-maishiy binolarning eni 12, 15, 18 m, qavat balandligi 3; 3,3; 3,6; 4,2
m ( agar ma’muriy-maishiy bino sanoat binosining ichida joylashgan bo‘lsa
qavat
balandligi 3 m), ustunlar qadami 6 m, binoning umumiy balandligi esa 9 qavatdan
baland bo‘lmasligi kerak .
1.21-rasm. Sanoat korxonalarining ma’muriy-maishiy binolarini
joylashishi.
a-ishlab chiqarish binosiga bo‘ylama tomoni bilan va b- yon tomoni bilan
yopishtirilgan holda; v – aloxida joylashgan hol(ishlab
chiqarish binosiga yer osti
yo‘lagi orqali bog‘langan).
45
Binolarning hajmiy-tarxiy yechimlarini ishlab chiqishda qurilish olib
boriladigan hududning tabiiy-iqlimiy sharoitlari va shaharsozlik holati,
jumladan
tevarakdagi qurilmalarning xarakteri inobatga olinishi lozim.
Ma’muriy-maishiy xonalar tarkibiga garderob, dushxona, yuz-qo‘l yuvadigan
xona, xojatxona,
kir yuvish xonasi, quritish xonasi, kiyimlarni changdan tozalash
xonasi,
ishchilarning yechinish xonasi, tibbiy punktlar, konstruktorlik byurosi va
boshqa bir qancha xonalar kiradi (1.22,1.23,1.24-rasm).
Ma’muriy-maishiy binolarni loyihalashda ishlab
chiqarish jarayoni sanitar
tavsifnomasi bo‘yicha 4 ta guruhga bo‘linadi:
Dostları ilə paylaş: 
