Toshkent moliya instituti hisob va audit fakulteti «buxgalteriya hisobi» kafedrasi
III-BOB. Xizmat ko’rsatuvchi korxonalarida auditni tashkil etish va
Yüklə 0,77 Mb. Pdf görüntüsü
|
|
49 III-BOB. Xizmat ko’rsatuvchi korxonalarida auditni tashkil etish va uni o’tkazish masalalari. 3.1.Xizmat korsatuvchi korxonalarida auditni tashkil etishning ahamiyati. O’zbekiston Respublikasi bozor iqtisodiyotiga o’tishi tadbirkorlikning rivojlanishi, tashkilot va korxonalarning yangi tashkiliy-huquqiy shakllari vujudga kelishi va mulkchilikning turli shakllari mavjudligi moliyaviy nazorat mehanizmiga tubdan ta’sir ko’rsatadi. Albatta mustaqillika erishganimizdan so’ng mamlakatimizda korxonalarning yangi tashkiliy-huquqiy shakllari vujudga keldi xizmat ko’rsatuvchi korxonalarning yangi ko’rinishlari paydo bo’ldi. Bu o’z navbatida yangi tashkil etilgan korxonalarda auditni tashkil etishni talab etadi. Ma’lumki O’zbekiston Respublikasining ayrim xizmat ko’rsatuvchi korxonalari (avtotransport tashkilotlari) aksionerlik jamiyatlariga aylantirilgan va ularning nizom jamg’armasida davlat ulushi salmoqli hissaga ega. Majburiy auditorlik tekshiruvlaridan tashqari, korxona, tashkilot va firmalar o’zlarining tashabbuslari bilan auditorlik tashkilotlari xizmatlaridan foydalanishlari mumkin. Bundan ko’zlangan asosiy maqsad biznes va buxgalteriya hisobini to’g’ri yuritilishini o’ziga xos ekspertizadan o’tkazish hamda soliq to’lovlarini eng muvofiq holga keltirish va hisobda mavjud bo’lgan kamchilik va nuqsonlarni bartaraf etishdir. Xizmat korsatuvchi korxonalarda auditning ahamiyatini quyida: moliyaviy natijalar va moliyaviy hisobotlar auditini tashkil etish; korxonalar daromadlari xisobini auditini tashkil etish; korxonalar xarajatlari auditini tashkil etish orqali yoritib o’tamiz. Moliyaviy natijalar auditining ahamiyatli tomoni shundaki korxona bevosita faoliyati davomida yo’l qo’yilgan kamchiliklarni tuzatish va kelajakda bunday xatolarga yo’l qo’ymaslik imkoniga ega bo’ladi. Xizmat ko’rsatuvchi korxonalarda auditning yana bir muhim jihatlaridan biri bu daromadlar. Bu tekshiruv orqali xizmat ko’rsatuvchi korxonalar 50 o’zlarining daromadlari kelib tushishi bo’yicha kelgusi rejalar tuzish imkoniga ega bo’ladilar. Moliyaviy hisobotlarda, odatda, daromadlar alohida bandlar bilan ajratilgan holda belgilanadi. Chet el tajribasida ular foyda va zararlar to’g’risidagi hisobotda, bizning respublikamizda esa – moliyaviy natijalar to’g’risidagi hisobotda aks ettiriladi. Korxonalar o’z faoliyatidan kelib chiqib, daromadni turli usullar bilan aniqlaydilar. Masalan, savdo korxonalari daromadni sotish operatsiyasi bilan belgilaydilar. Yuk tashuvchi avtotransport korxonalari daromadlari ular tomonidan korxonalarga, tashkilotlarga va aholiga, belgilangan ta’riflarga asosan, amalga oshirilgan turli xil avtomobil tashuvlari, ishlar va xizmatlar natijasi maxsuli hisoblanadi. Umumiy ovqatlanish korxonalarida mijozlarga ko’rsatilgan xizmatlar va sotilgan taomlardan kelib tushgan summa bo’yicha hisobga olinadi. Xarajatlar hisobi auditida esa korxona qanday kerakli va ortiqcha xarajatlar qilinayotganligini bilish imkoniyatiga ega bo’ladi. Xizmat ko’rsatuvchi korxonalarda xarajatlar hisobi auditining maqsadi xarajatlar haqiqatga ya’ni me’yoriy-huquqiy hujjatlarga asoslangan yoki asoslanmaganligini tekshirishdir. Xizmat ko’rsatuvchi korxonalarda auditni o’tkazish jarayonida qo’llaniladigan tartib-qoidalar moddiy, moliyaviy mablag’larning mavjudligini baholash va moliyaviy axborotlarni ochishga mo’ljallangan bo’lib, quyidagilarni tekshirishga asosalanadi. -tekshirilayotgan balansning ishonchliligi va xizmat ko’rsatuvchi korxonalarida sodir bo’layotgan muomalalarni hujjatlarda qayd etilganligini ; -buxgalteriya hisobi schyotlarida ko’rsatilgan aktivlar (majburiyatlar)ning haqiqatda mavjudligi va to’g’ri baholanganligini; -balans, moliyaviy natijalar, pul oqimlari, xususiy kapital to’g’risidagi moliyaviy hisobot shakllari, tushuntirish xati kabilar me’yoriy hujjatlarga muvofiq tuzilganligini. 51 Mamlakatimiz iqtisodiy salohiyatini har tomonlama rivojlantirish, bozor munosabatlari sharoitida xizmat ko’rsatuvchi korxonalarning iqtisodiy samaradorligini oshirish ularda audit o’tkazish usullarini to’g’ri tanlashga bevosita bog’liq. O’zbekiston Respublikasi Prezidenti I.A.Karimov: «Biz davlatning nazoratchilik va boshqaruvchi funksiyalarini qisqartirish, uning korxonalar xo’jalik faoliyatiga, birinchi galda xususiy biznes faoliyatini aralashuvini cheklashni iqtisodiyotni erkinlashtirish yo’lidagi asosiy vazifalarini biri deb bilamiz» 6 deb ta’kidlagan. Nazorat bozor iqtisodiyotining asosiy elemetlaridan biri bo’lib qolmoqda. Davlat, boshqaruv nazorati tizimi bilan bir qatorda, boshqaruv tizimining barcha pog’onalarini kerakli bo’lgan ma’lumot bilan ta’minlash imkoniyatini yaratuvchi mustaqil nazorat tizimi ham mavjud. Shuning bilan birga, mustaqil nazorat o’z faoliyatini shartnomaviy, tijorat asosida amalga oshirayotgan auditorlik tashkilotlari tomonidan o’tkazilishi ijobiy holdir. Bozor iqtisodiyotiga o’tishning dastlabki bosqichlarida davlat tasarrufida bo’lmagan korxona va tashkilotlar xech qanday tashqi nazorat turlariga muhtoj emas, chunki ular o’z mulkining egalari bo’lganliklari uchun tashqi nazorat idoralarini jalb qilmagan holda samarali ichki nazoratni tashkil etish imkoniyatiga ega deb hisoblangan. Bozor iqtisodiyotiga o’tish davrida jamlangan tajriba, vaqt ushbu fikr o’zini oqlmaganligini ko’rsatdi. Bizning fikrimizcha, aynan iqtisodiyotni boshqarish tarkibi o’zgarganligi, ayrim vazirlik, idoralar va ular bilan bog’liq bo’lgan idoraviy nazorat tizimining tugatilishi O’zbekiston Respublikasida audit rivojlanishining birinchi, tashqi omillardan biri bo’lib hisoblanadi. Aksariyat davlatlarda, shu jumladan O’zbekistonda ham, ko’p tarzdagi mulkchilikka ega bo’lgan iqtisodiyot shakllanishni o’ziga xos hususiyatlariga ega ya’ni nodavlat sektorning tashkil etilishi davlat mulkini davlat tasarrufidan chiqarish xususiylashtirish yo’li bilan amalga oshirilgan. 6 ,, Soliq solish va buxgalteriya hisobi’’№4(82),2013. Jurnal. 52 Ma’lumki to’liq va haqiqiy ma’lumot, boshqarish imkoniyatini yaratadi, uning mavjud bo’lmasligi esa nazoratsizlik va tartibsizlikka olib keladi. Bozor iqtisodiyoti sharoitida kerakli bo’lgan moliyaviy ma’lumotlar majmuini, faqatgina ushbu ma’lumotlar haqiqiy bo’lganda, to’liq barpo etish mumkin. Faqat haqiqiy ma’lumot davlatga o’z iqtisodiy-ijtimoiy siyosatini ishlab chiqish uchun foyda keltirish mumkin. Bozor iqtisodiyoti rivojlangan mamlakatlar tajribasidan kelib chiqib, foydalanuvchilarning keng doirasi uchun tayyorlangan moliyaviy ma’lumotlar haqiqiyligi mustaqil auditorlik tashkiloti tomonidan tekshiruvdan o’tkazish va tasdiqlash yo’li bilan erishish mumkin. Qaysi mamlakat bo’lmasin, audit uning moliyaviy-iqtisodiy tizimining, uning mazmuni va funksiyalarini aks etuvchi elementi hisoblanadi. Shuning uchun, turli mamlakatlarda «audit» termini turlicha izohlanadi. Mutaxasislikka oid adabiyotda ham audit mazmuni amaliy tadbirkorlik faoliyati ko’rinishida turlicha yoritiladi. Berilgan ta’riflarning tahlili shuni ko’rsatadiki, ushbu muhim masalani yoritish va ta’riflashda turli fikrlar bildirilgan. Ayrim hollarda audit mazmuni juda qisqa holda ta’riflanib, faqat asosiy mohiyati yoritilgan bo’lsa, ba’zilar tomonidan auditning boshqa funksiyalariga ham murakkab va aniq bo’lmagan ta’rif berilgan. A.Azlarov va B.Xamroev auditga quyidagicha ta’rif beradilar: «Audit deganda korxona va tashkilotlarning moliyaviy hisobotini mustaqil tekshirish va u haqida fikr bildirish tushuniladi.» O’zbekiston Respublikasining «Auditorlik faoliyati to’g’risida»gi Qonuniga muvofiq respublikaning aksariyat xo’jalik yurituvchi iqtisodiy sub’ektlar har yilgi majburiy auditorlik tekshiruvidan o’tishlari lozim. Bunday sub’ektlarga aksionerlik jamiyatlar hamda o’z nizom jamg’armasida davlat ulushiga ega bo’lgan xo’jalik yurituvchi sub’ektlar ham kiradi. Bozor munosabatlarini rivojlantirish sharoitida xizmat ko’rsatuvchi korxonalarida tashqi audit xizmatini tashkil qilish hamda uni o’tkazishning takomillashgan usullaridan foydalanish alohida ahamiyatga ega. 53 Xizmat ko’rsatish korxonalarida auditorlik tekshiruvining uslubiy asoslari quyidagilardan iborat bo’lishi maqsadga muvofiq deb hisoblaymiz: -savdo, umumiy ovqatlanish, avtotransport korxonalarida audit xizmatini rejalashtirish hamda ilmiy-amaliy jihatdan asoslangan audit dasturini tuzish; -barcha yuqoridagi korxonalarda auditorlik tekshiruvi usullaridan samarali foydalanish yo’nalishlarini ishlab chiqish; -auditorlik tekshiruvini kompyuterlashtirish yo’nalishlarini belgilash; Yüklə 0,77 Mb. Dostları ilə paylaş:
|