İzahlı şəriət hökmləri
37
aşağıdan yuxarı doğru olarsa, nəcis şeyə çatan hissəsi nəcis,
qalan hissəsi isə pakdır.
Məsələ 27: Eyni-nəcisi (nəcisin özünü) pak etmək üçün, nəcis
şeyin üzərinə tökülərək ondan ayrılan az su nəcisdir. Həmçinin
ehtiyata əsasən, eyni nəcisin aradan qaldırılmasından sonra,
nəcis şeyi suya çəkmək üçün onun üzərinə tökülərək ayrılan su
da nəcisdir.
Sidik və ğait məxrəcinin yuyulduğu az su beş şərtlə pakdır:
1. Nəcasətin iyi, rəng və ya dadını almasın.
2. Kənardan başqa bir nəcis ona çatmasın.
3. Sidik və ya ğaitlə birlikdə qan kimi ayrı bir nəcasət
gəlməsin.
4. Suyun içərisində ğait zərrələri olmasın.
5. Nəcasət məxrəc yerinin ətrafına adi qaydadan artıq
yayılmamış olsun.
3
- AXAR SU
Məsələ 28: Axar su, o suya deyilir ki, yerdən coşub çıxsın və
axmaqla hərəkətdə olsun. İstər yerin üstü ilə axsın istərsədə altı
ilə.
Məsələ 29: Axar su kürr su miqdarından az belə olsa, ona
nəcasət dəydiyi zaman iyi, rəngi və ya dadı nəcasət vasitəsilə
dəyişməyincə, pakdır.
Məsələ 30: Əgər axar suya nəcasət dəysə və onun bir
hissəsinin iyi, dadı və ya rəngi nəcasət dəyməsi ilə dəyişərsə o
hissəsi nəcisdir. Dəyişməyən hissənin çeşməyə birləşən hissəsi
kürr sudan az olsa belə, pakdır. Çayın digər tərəfinin suları əgər
kürr miqdarında olsa, yaxud dəyişməmiş su vasitəsi ilə çeşmə
tərəfinə birləşsə pak, əks halda nəcisdir.
Məsələ 31: Axmayan, amma suyundan bir az götürüldükdə
təkrar qaynayan çeşmə, axar su hökmündədir. Yəni nəcasət
38
TƏHARƏTİN HÖKMLƏRİ
dəyərsə, nə qədər ki, iyi və ya rəngi, yaxud dadı nəcasətin
vasitəsi ilə dəyişməyib, pakdır.
Məsələ 32: Arxın qırağında toplanmış, axar suya birləşmiş
durğun su, axar su hökmündədir.
Məsələ 33: Qışda coşan, yayda isə coşmayan su, təkcə
coşduğu zanan axar su hökmündədir.
Məsələ 34: Suyu kürrdən az olan hamamın hovuzu, kürr
miqdarında olan mənbəyə bağlı olsa axar su hökmündədir.
Məsələ 35: Hamam və binaların krant və duşlarının
borularından tökülən su, kürr suyuna bağlı olarsa axar su
hökmündədir.
Məsələ 36: Yer üzərində axan, lakin yerdən qaynamayan su,
kürr su miqdarından azdırsa, nəcasət dəyərsə nəcis olur. Amma
yuxarıdan aşağıya axsa, aşağı hissəsinə dəyərsə, yuxarı hissəsi
nəcis olmaz.
4
-
YAĞIŞ SUYU
Məsələ 37: Əgər üstündə nəcasətin eyni olmayan nəcis bir
şeyə bir dəfə yağış yağsa, yağışın dəydiyi yerlər pak olur və
xalça, paltar və bu kimi şeyləri (yağış dəyəndən sonra) sıxmaq
lazım deyil. Amma iki-üç damcı yağış yağmasının faydası
yoxdur. Yağış elə yağmalıdır ki, “yağış yağır” deyilsin. Ehtiyat-
vacibə əsasən yağış suyu möhkəm yerin üzərində axsın.
Məsələ 38: Əgər yağış nəcasətin eyninin üstünə yağıb başqa
yerə sıçrasa, bu halda nəcasətin eyni o damcılarla birlikdə
olmasa və nəcasətin iyi və ya rəngi yaxud da dadını özünə
götürməsə, pakdır.
Məsələ 39: Əgər bir binanın tavanı və ya damı üzərində eyni
nəcis varsa, yağış yağdığı müddətdə o nəcisə dəyərək tavandan
və ya damdakı navalçadan tökülən su pakdır. Amma yağış
kəsildikdən sonra, gəlməkdə olan suyun o nəcisə dəydiyi
bilinirsə, nəcisdir.
İzahlı şəriət hökmləri
39
Məsələ 40: Nəcis olan bir yerə yağış yağarsa, pak olar. Əgər
yağış suyu yerdə axmağa başlayıb, yağmağa davam etdiyi halda,
tavanın altındakı nəcis yerə yetişirsə, oranı da pak edər.
Məsələ 41: Nəcis torpaq yağışın yağması ilə palçıq olarsa,
pak olur, bu şərtlə ki, suyun ona mütləq şəkildə dəyməsi məlum
olsun. Amma Bu məlumatı əldə etmək çox çətin məsələdir.
Məsələ 42: Bir yerdə toplanmış yağış suyu, kürr miqdarından
az olsa belə, yağış yağdığı zaman nəcis bir şey onun içərisində
yuyularsa, o su nəcasətin iyi, rəng və ya dadını almazsa, nəcis
şey pak olar.
Məsələ 43: Nəcis bir yer üzərində sərili olan pak bir xalçanın
üzərinə yağış yağsa və yağış yağmağa davam etdiyi halda
xalçadan yerə keçərsə, xalça nəcis olmaz. Həmin yer isə
nəcisdən paklanar.
5
-
QUYU SUYU
Məsələ 44: Yerdən qaynayan quyu suyu, kürr su miqdarından
az olsa belə, nəcasət ona dəydiyi zaman onun iyi, rəng və ya dadı
o nəcasət vasitəsi ilə dəyişməyincə, həmin su pakdır. Amma
müstəhəbdir ki, bəzi nəcasətlər quyu suyuna dəyəndə (düşəndə)
sair müfəssəl kitablarda deyilən şəkildə, o quyunun suyundan
çəksinlər.
Məsələ 45: Əgər quyuya nəcis tökülsə və onun iyini və ya
rəngini, yaxud da dadını dəyişsə, suda baş verən dəyişiklik
aradan getsə pak olur. Daha yaxşı olar quyudan coşub çixan su
ilə qarışsın.
Məsələ 46: Əgər yağış suyu, bir çalada yığışsa və kürrdən az
olsa, nəcasətin ona dəyməsi ilə nəcis olur.
SULARIN HÖKMLƏRİ
Məsələ 47: Mənası on beşinci məsələdə deyilən muzaf su
nəcis şeyi pak etmir, onunla alınan dəstəmaz və qüsl batildir.
Dostları ilə paylaş: |