72
abidəsi olan xalq öz tarixi ilə fəxr edə bilən”.
1
Müstəqillik illərində Heydər Əliyev Azərbaycan dili və ədəbiyyatının
inkişafı, xalqımızın görkəmli yazıçılarının, şairlərinin və yaradıcı
ziyalılarının maddi vəziyyətinin yaxşılaşdırılması, yazıçıların əsərlərinin
nəşri və yayılması, görkəmli ədəbiyyat xadimlərinin cəmiyyətdə tutduğu
mövqenin yaxşılaşdırılması, yaradıcı ziyalıların
şəxsiyyətinin
yüksəldilməsi üçün böyük tarixi əhəmiyyətə malik tədbirlər həyata
keçirdi. Belə tədbirlər içərisində 1996-cı ildə M. Füzuli adına Beynəlxalq
mükafatın təsis edilməsini, 1997-ci ildə “Azərbaycan yazıçılarına dövlət
qayğısını artırmaq haqqında” prezident fərmanının imzalanmasını,
“Azərbaycan”, “Qobustan”, “Ulduz”, “Литературный Азербайджан”
jurnallarının və “Ədəbiyyat” qəzetinin nəşrinin dövlət hesabına həyata
keçirilməsi haqqında sərəncam verilməsini, qocaman ədəbiyyat və
incəsənət xadimləri, gənc istedadlı yazıçı və şairlər üçün fərdi təqaüdlərin
təyin edilməsini, həmçinin elm, mədəniyyət, incəsənət, təhsil və digər
sahələrdə xidmətləri olmuş 150 nəfərə prezident təqaüdünün təsis
edilməsini göstərə bilərik.
Müstəqillik illərində xalqımızın dövlət quruculuğu və mədəni
quruculuq sahəsində əldə etdiyi ən böyük uğurlardan biri də Azərbaycan
dilinin dövlət dili statusu qazanması, onun bütün dövlət idarələrində və
mü
əssisələrində məcburi qaydada işləməyə başlanmasıdır. Azərbaycan
dilinin dövlət dili kimi formalaşmasında, inkişafında və qorunmasında
Heydər Əliyevin müstəsna xidmətləri olmuşdur. Heydər Əliyev
Azərbaycan dilini çox sevir, bu dildə danışmaqla fəxr edirdi. Səlis
Azərbaycan dilində danışan adamlara böyük hörmət edən Heydər Əliyev
deyirdi: “Hər bir Azərbaycan vətəndaşı, hər bir azərbaycanlı öz ana dilini
- Azərbaycan dilini, dövlət dilini bilməlidir, Azər-baycan xalqının dili
onun milli varlığını müəyyən edən başlıca amillərdəndin”.
2
Müstəqilliyimizin son bir neçə ilində Heydər Əliyevin Azərbaycan dili
və əlifbası haqqında imzaladığı “Azərbaycan Respublikasında Dövlət dili
haqqında” Qanunu (30 sentyabr 2002-ci il), “Dövlət dilinin tətbiqi işinin
təkmilləşdirilməsi haqqında” (18 iyun 2001-ci il), “Azərbaycan
Respublikası Dövlət dili Komissiyasının təşkilinin təsdiq edilməsi
haqqında” (9 avqust 2001-ci il) fərmanlar və sərəncamlar ulu öndərin
1
Kitabi-Dədə Qorqud ensiklopediyası.-B., 2000, cild 1.- S.12.
2
Əliyev V. Heydər Əliyevin dil siyasəti.- B., 2003.-S.3.
73
doğma Azərbaycan dilinə böyük qayğısınm təzahürü olmaqla müstəqillik
illərində Azərbaycan dilinin inkişafı üçün böyük imkanlar açdı, dil
haqqında dövlət siyasətinin ardıcıllıqla həyata keçirilməsi üçün qanuni
baza yaratdı.
Müstəqillik illərində dövlətimizin həyata keçirdiyi mədəni quruculuq
siyasətinin tərkib hissələrindən biri də respublikada nəşriyyat işinin
yenidən qurulması olmuşdur.
Məlum həqiqətdir ki, müstəqil, suveren Azərbaycanda məd
əniyyətin,
elmin, təhsilin, ədəbiyyat və incəsənətin, ümumiyyətlə, müasir maddi və
mənəvi mədəniyyətin yaranması, inkişafı və qorunması, cəmiyyətin
inkişafına xidmət edən informasiyanın maddiləşdirilməsi və tətbiqi
sahəsində nəşriyyat işinin rolu böyükdür. Müasir informasiya
cəmiyyətində kitabsız heç bir inkişafdan danışmaq olmaz.
Ulu öndər Heydər Əliyev M.F.Axundov adına Milli Kitabxanada
nəşriyyat işinin əhəmiyyətindən danışarkən demişdir:
“Kitab nəşri hər bir ölkənin, xalqın mədəniyyətində, ümumiyyətlə,
mənəvi, ictimai həyatında çox görkəmli yer tutur. Hər birimiz ilk
növbədə ancaq kitab vasitəsilə təhsil almış, elmlərə yiyələnmiş, həyatda
yaşamağa, fəaliyyət göstərməyə hazırlaşmışıq. Ona görə də hər birimiz
kitablara borcluyuq. Həm kitabları yazıb-yaratmaq, həm də onları nəşr
etmək əsas vəzifələrimizdən biridir. Bunun üçün mümkün olan bütün
tədbirləri görməliyik. Mən respublikanın prezidenti bunu əsas
vəzifələrimdən sayıram.
Doğrudur, indiki ağır sosial-iqtisadi böhran dövründə, respublikamızın
iqtisadiyyatında yaranmış çətinliklərlə əlaqədar və başqa ölkələrlə
əlaqələrimizin məhdudlaşdığı bir vaxtda nəşriyyat işi də çox çətinliklərlə
qarşılaşır. Bu, təbiidir. Ancaq biz bu çətinliklərin qarşısını almalıyıq,
bunun üçün yeni-yeni yollar axtarmalıyıq.
Həyatımız dəyişir, hər bir şey dəyişir. Biz bu dəyişikliklər prosesinin
içindəyik. Keçmişdə nəşriyyat işi dövlətin əlində idi, onun tərəfindən
maliyyələşdirilirdi və bunun sayəsində Azərbaycanda həmin sahə çox
genişlənmişdi. İndi dövlətin imkanlarının məhdudlaşdığı, sərbəst
iqtisadiyyat, bazar iqtisadiyyatı yolu ilə getdiyimiz bir vaxtda özəl
bölməyə geniş imkanlar yaratmağa çalışdığımız və Azərbaycanda kiçik
74
də olsa özəl bölmənin meydana çıxdığı bir vaxtda biz onun bütün
imkanlarını nəşriyyat işinin canlandırılmasına, inkişaf etdirilməsinə,
xüsusən kitab nəşrinin genişləndirilməsinə cəlb etməli, yönəltməliyik”.
1
Heydər Əliyevin böyük proqram əhəmiyyətinə malik olan bu çıxışı
müstəqillik dövründə nəşriyyatların qorunub saxlanılmasına imkan verdi.
Hakimiyyət böyük çətinliklə olsa da dövlət nəşriyyatlarına müəyyən
qədər olsa vəsait ayırır, özəl nəşriyyatların yaranmasına şərait yaradırdı.
Dövlətin həyata keçirdiyi bu siyasət özünü doğrultdu, ölkədə özəl
nəşriyyatların böyük şəbəkəsi yarandı. Ölkədə senzuranın ləğvi kitab çapı
işində hər cür ideoloji maneəni aradan qaldırdı. 90-cı illərin əvvəllərində
kitab çapı sahəsində baş verən böhran tədricən aradan qalxdı. Milli
Məclisin müxtəlif vaxtlarda qəbul etdiyi “Kütləvi informasiya vasitələri
haqqında”, “Sahibkarlıq fəaliyyəti haqqında”, “Müəlliflik hüququ və
əlaqəli hüquqlar haqqında”, “İnformasiya, informasiyalaşdırma və
informasiyanın mühafizəsi haqqında”
2
qanunları və prezidentin “Xüsusi
razılıq (lisenziya) tələb olunan fəaliyyət növlərinin siyahısınm təsdiq
edilməsi haqqında” 4 oktyabr 1997-ci il tarixli fərmanı, Nazirlər
Kabinetinin “Radio və televiziya verilişləri, nəşriyyat-poliqrafiya
fəaliyyəti üzrə xüsusi razılıq (lisenziya) verilməsi qaydalarının təsdiq
edilməsi haqqında” 16 aprel 1998-ci il tarixli 84 saylı qərarı
3
ölkədə
nəşriyyat işinin hüquqi bazasının yaradılmasına, tənzimlənməsinə və
inkişafına böyük təkan verdi. Artıq 90-cı illərin ortalarından dövlət
nəşriyyatlarının fəaliyyəti xeyli yaxşılaşdı, həmçinin respublikada onlarla
yeni özəl nəşriyyat yarandı.
90-cı illərin əvvəllərindən fəaliyyətə başlayan özəl nəşriyyatların bir
çoxu hər cür çətinliyə baxmayaraq öz maddi-texniki bazasını
möhkəmləndirərək, kitab çapı işində öncül mövqeyə çıxmaqla dövlət
nəşriyyatlarını üstələyirlər. Müstəqillik dövründə respublikamızda kitab
nəşriyyatı sahəsində əldə edilən ən böyük nailiyyətlərdən biri Azərbaycan
dilində kitab çapına xüsusi qayğı və diqqət yetirilməsidir. Təxmini
hesablamalara görə, çap edilən kitabların 85-90 faizi Azərbaycan
dilindədir. Bunun da Azərbaycan kitabxana fondlarının milli kitablarla
zənginləşdirməsində böyük əhəmiyyəti vardır.
Müstəqillik illərində Azərbaycanda ulu öndər Heydər Əliyevin
rəhbərliyi ilə ictimai-siyasi və mədəniyyət sahəsində həyata keçirilən
1
Müstəqillik yollarında.-B., 1997.-S.399-400.
2
Nəşriyyat işi.-B., 2000.-S.44.
3
Ələkbərova N. Mədəniyyət və siyasət.-B., 2000.-S.44.
Dostları ilə paylaş: |