Üç aylıq ədəbiyyat dərgisi
93
Gizlənmişdi səadətim dumanla çən
arasında,
Mən özümü itirmişəm taleyimin
harasında?!
Bir sozalmış
ümid idi içimdəki həsrət
yüküm,
Qəm hopdurdu varlığıma əlçim-əlçim,
büküm-büküm.
Yatmış idi duyğularım, oyatdım sübh
azanına,
Bir yuxuydu sənli günlər
Çin çıxmadı.....
Mən nə deyim bu yuxumu yozanına?
İçimdəki bu dünyanın mizanını
pozanına.
Səni sevmək günahıyla atıldım qır
qazanına.
Çatmadığım arzuların qismət
qoydum
adını mən,
Min ildirki, unutmuşam səadətin dadını
mən.
Öz içimdə qalayıram cəhənnəmin
odunu mən,
Seçəmmirəm insanların doğmasını,
yadını mən .
Get !!! Elə get, gedişinin daha olmasın
dönüşü,
Mən səni zirvədə sevdim, sənə
qıymaram enişi...
Ə
Süzülüb dağların yamaclarıyla
Yerdən sığınacaq umur bu yağış...
Pak edir aləmi göz yaşlarıyla,
Təkcə yamanları yumur bu yağış.
O, eşqin ruhudur, buluda uçub,
Qayıdır həsrətin damlalarında.
Dəli bir havaya qol-qanad açıb
Rəqs edir evlərin boz damlarında.
Ya Zəmzəm suyudur dönübdür selə,
Can verir sevginin ölən çağına.
Bəlkə də Tanrıdır
kövrəlib elə,
Dözməyib kiminsə ağlamağına...
Ə
Qaranlıqdan qorxmuram ki...
Qaranlıqda yuva salan
Şər qüvvədən
qorxuram mən!
Yüksəklikdən qorxmuram ki...
Mənə badalaq qurandan,
O zirvədən ucurandan qorxuram mən!
Adamlardan qorxmuram ki...
Adamlıqdan çıxmışlardan,
Ocaq-yuva yıxmışlardan
qorxuram mən!
Arzulardan qorxmuram ki...
İstəyimdə yanılmaqdan,
Inanaraq aldanmaqdan
qorxuram mən!
Qorxmuram mən yalvarmaqdan,
Qorxuram ki,
birdən məni duyan olmaz!
Qorxmuram mən ağlamaqdan,
Qorxuram ki,
göz yaşımı yuyan olmaz!
Itməkdən
də qorxmuram mən,
Çünki geri – özlüyünə dönə bilmək
Hər insanın arzusudur!
Sevməkdən də qorxmuram mən,
Qorxum,
yalnız,
sevilməmək qorxusudur!
94
№ 2 (14) Yay 2015
Yaradıcılıq
emalatxanası -
BSU Yaradıcılıq fakültəsi
Aynur Sultanova
Növbəti nömrə
Gülməyə çalışırdı, hər zamankı
kimi təbəsümünü itirmişdi. Qrimini
etdi, burnunu taxdı, amma nəsə
çatmırdı.
Şlyapasını
çıxardı,bir
zamanlar hamının
qibtə etdiyi belinə
qədər şəlalə kimi qıvrılaraq süzülən
saçlarını xəyal etdi. Saçlarına son
qayçını vuran zaman qadın özü də
bilmədən adi müştəri gözü ilə baxdığı
gənc qızın böyük ömrünün ən gözəl
illərini
kəsib
atmışdı
salonun
döşəməsinə, hər gün onlarla tozlu
ayaqqabı dəyən yerdə indi onun
xoşbəxtliyi, bir-birindən gözəl illəri, ən
əsası
isə
təbəssümü
sürünürdü.
Saçlarını alıb yenidən qoya bilərdimi
yerinə?! Qayıdardımı onda keçmiş
günləri, keçmiş dostları, daha keçə
bilməmiş
yaraları?!
Qayıtmazdı...
Gəlməzdi bir daha geri... Heç kim
gedənlərin
qayıtdığını görməmişdi.
Qayıdanda
daha
yaxşısını
tapmadığından dönərdi, amma onun
itirdiyi hər şey daha yaxşısını tapmışdı.
-Kiməm mən?!...
Burnunu qarşısındakı aynaya dirədi.
-Mən ola bilərdim narkoman, atardım
təhsilimi, kəsərdim ruhumun ağrılarını,
keyidərdim əllərimi, söndürərdim ürək
döyüntülərimi.
Ola bilərdim milliyyətçi, hayqıraraq
ruhumla qucaqlayardım qanı qanımdan
olmayan qardaşlarımı, bacılarımı.
Kəsdim saçımı - qadını gözəlləşdirən
məhfumu;
geyinərdim
kişi
ola
bilməyənlərin
şalvarını,
söyüş
öyrənərdim, qadınları söyənləri
söymək üçün...
Feminist ola bilərdim, küçələrdə
gecə aksiyaları təşkil edib, qadınlara
gecələr küçələrin necə gözəl dərd
verdiyini göstərmək üçün.
Küçə rəqqası olardım, tullayardım
lazımsız universitet kitablarını, milləti
ölən dili əzbərləyib diplomuma daha bir
əlifba herfi elavə etməyin mənasızlığını
göstərmək
üçün;
hər
küçəni,
aralıqlarını, xarabalıqlarını sevərdim
evim olsun deyə.
Yazar ola bilərdim, illərlə susub
danışmadıqlarımı yazıb oxutmaq üçün,
mənə baxmayın, məni görün demək
üçün, “yazmaqdan ötrü özünü bu günə
qoymağa ehtiyac yoxdu” deyən dosta
sillə olub mən buyam demək, ruhumu
yaşatmaq,
bədənimi
zərrə-zərrə
öldürməkçün.
Mən mən ola bilərdim, cırıb ömür
kitabımın vərəqlərini illərlə mentalitet
zindanında çürüyən ruhumu buraxardım
günəşlərimin
boz
doğduğu
qara
səmalara,
tüpürərdim
dostlarıma,
hamısının məndən nə qədər nifrət edib
sevdiyini
bildiyim
üçün.
Kəsib
damarlarımı son damlasına qədər
axıdardım
qanımı
qohumlarımla
məcburi heç bir əlaqəmin qalmaması
üçün, cırardım maskalarımı daha
yalandan gülməmək üçün.