13
5
ordaydı, elə bil, birdən-birə göydən düĢmüĢdü. O da geyinikli idi, əynində qara yubka vardı,
Ģlyapası da əlindəydi. Yanındakı qara açıq qapının o tayında, yarıqaranlıq otaqda isə yol yükü –
bir neçə çamadan hazır vəziyyətdə qoyulmuĢdu. Bəlkə də o, heç bunları görmədi. Bəlkə, göz
atıb bir anlığa Mən heç bilmirdim ki, onun bu qədər çox əşyası var düĢüncəsindən də sürətlə, bir
qırpıma gördü. Bəlkə, elə o an ilk dəfə ağlına gəldi ki, onların getməyə heç bir miniyi yoxdu,
düĢündü Bəs mən bütün bunları necə aparacam Ancaq dayanmadı, tanıĢ qapıya tərəf getdi. Və
yalnız əli ilə toxunanda o qapının arxasına ölü bir sükut çökdüyünü hiss etdi; elə bir sükut ki,
artıq on səkkiz ildir bildiyi kimi, onu tək adam heç cür yarada bilməz. Amma yenə dayanmadı,
yəqin ki, dəhlizin yenidən boĢaldığını, sarıĢın qadının eĢidilmədən, görünmədən yenidən yoxa
çıxdığını da hiss etmədi.
Qapını açdı. Ġndi o qaçırdı, yəni insan qəfil yerə mıxlanıb qaldığı anda özündən, öz
bilgisindən xeyli qabağa qaçdığı kimi. Ofisiant qız çarpayıda oturmuĢdu, onu bu pozada bir dəfə
də olsun görməmiĢdi. Əvvəldən güman etdiyi kimi qız qara paltarda, qara Ģlyapada idi. BaĢını
aĢağı salıb oturmuĢdu, qapı açılanda da onu qaldırmadı, baxmadı, həddən artıq gen paltarda
qeyri-təbii görünən hərəkətsiz əlində siqaret tüstülənirdi. Otaqdakı yad kiĢini də Co elə bu an
gördü. Əvvəllər onunla heç rastlaĢmamıĢdı. Ancaq indi bunun fərqində deyildi. O bunu da,
yarıqaranlıq otaqda bir anlığa gözünə dəyən, sonra isə gözün düĢüncə sürətilə ayaqlaĢa bilmədiyi
üçün unutduğu çamadanları da yalnız sonralar xatırladı.
Tanımadığı, yad adam da çarpayıda oturmuĢdu, siqaret çəkirdi. ġlyapasını gözünün üstünə
basmıĢdı, buna görə də ağzı yaxĢı görünmürdü, üstünə kölgə düĢmüĢdü. O, nə yaĢlı, nə də
cavan idi. Maksa çox oxĢayırdı, elə bil, doğma qardaĢ idilər – Afrika kəndlərindən birinə düĢən
iki ağ adamın yerlilərin gözündə doğma qardaĢa bənzədikləri kimi. Onun sifəti, daha doğrusu
iĢıq düĢən çənəsi daĢ kimi donuq idi. Yad adamın ona tərəf baxıb-baxmadığını bilmirdi. Maksın
arxada dayandığından da xəbərsizdi. Amma nədən danıĢdıqlarını anlamasa da, onlara qulaq
asmasa da səslərini eĢidirdi: Özündən soruş
O hardan bilir Bəlkə də o bu sözləri eĢitdi. Amma yox. Yəqin ki, bu səslər onun üçün
möhkəm bağlanmıĢ pəncərələrin, ya da baxdığı, amma hələ görə bilmədiyi səliqəylə düzülmüĢ
çamadanların arxasından eĢitdiyi həĢərat vızıltısı qədər də əhəmiyyətli deyildi. Bobbi deyir ki, o,
dərhal aradan sivişib çıxdı
Bəlkə, o bilir. Bir bilək görək də, biz niyə burdan baş götürüb qaçırıq
Ġçəri girdiyindən, qaçmağa ara vermədiyindən bəri hələ də yerindən tərpənməmiĢdi. Maks
onun çiyninə toxunanda elə sərt arxaya döndü ki, elə bil, qaçan adamı qəfil tutub saxlamıĢdılar.
Heç ağlına da gətirməzdi ki, Maks da otaqdadır. Çiyninin üstündən çıldırmıĢ kimi hirsli-hirsli
ona baxdı. “De görək, cavan oğlan, – Maks dedi. – Nə baĢ verib orda?”
– Harda – orda? – Co dedi.
13
6
– Qocanı deyirəm. Səncə, onun iĢini birdəfəlik bitirmisən? Amma düzünü de. Sən ki,
Bobbinin belə bir zibilə bulaĢmasını istəməzsən.
– Bobbi, – Co dedi. FikirləĢdi Bobbi, Bobbi Geriyə dönüb yenidən qaçmağa baĢladı; bu
dəfə Maks, o qədər kobud olmasa da, əl atıb onun çiynindən yapıĢdı.
– Bura bax, – Maks dedi. – Burda biz hamımız dostuq axı. Sən onun iĢini bitirmisən?
– ĠĢini bitirmiĢəm? – Co aramsız uĢaq suallarından təngə gəlmiĢ adam kimi hövsələsini
zorla basıb hirslə dedi.
Sonra yad adam dilləndi:
– Kətili baĢına çırpdığın adamı deyirik. O öldü?
– Öldü? – Co təkrar etdi. BaxıĢlarını yad adama tərəf çevirdi. Bu vaxt yenə ofisiant qızı
gördü və yenə də qaçdı. Amma bu dəfə, doğrudan da, hərəkətə gəldi. Hər iki kiĢini tamam
unutdu. Çarpayıya yaxınlaĢdı, sifətində vəcd və qalibiyyətqarıĢıq bir ifadə, cibindən nəsə
çıxarmağa çalıĢdı. Ofisiant qız ona tərəf baxmırdı. Ġçəriyə girdiyi andan bəri bir dəfə də olsun,
ona tərəf baxmamıĢdı, amma çox güman ki, o, bunu heç hiss eləməmiĢdi də. Qız bir dəfə də
olsun, yerindən qımıldanmamıĢdı, əlindəki siqaret hələ də tüstülənirdi. Onun rəngi qaçmıĢ, iri,
tərpənməz əlləri biĢmiĢ ət kimi cansız idi. Yenə kimsə arxadan Conun çiynindən yapıĢdı. Bu
dəfə yad adam idi. O, Maks çiyin-çiyinə dayanmıĢdı; hər ikisi Coya baxırdı.
– Uzatma. Əgər qocanın iĢini bitirmisənsə, elə də de. Bilirsən, belə bir Ģeyi uzun müddət
gizli saxlaya bilməzsən. Uzağı bir ay, ay yarımdan sonra onsuz da hər Ģey üzə çıxacaq.
– Sizə dedim axı, bilmirəm! – Co dedi. Əsəbi halda, amma hələ qəzəbsiz, gah bunun, gah
da onun sifətinə baxa-baxa. – Mən onu vurdum. O da yıxıldı. Ona əvvəlcədən demiĢdim.
DemiĢdim ki, bir gün öz payını alacaq. – Gah bunun, gah da onun sifətinə baxırdı – hər ikisi
sakit, ifadəsiz, demək olar ki, eyni idi. Yad adamın yapıĢdığı çiynini dartıĢdırmağa baĢladı.
Ġndi də Maks danıĢırdı.
– Bəs bura niyə gəlmisən?
– Mən niyə... – dedi. – Mən niyə bura... – hirsli baxıĢlarını bu sifətdən o sifətə keçirə-
keçirə öləziyən səslə təkrar etdi, amma hələ ki, qəzəbini boğa bilirdi. – Nə üçün gəlmiĢəm?
Bobbini aparmağa. Siz elə bilirsiniz mən.... mən ki evə, evlənmək üçün pul götürməyə
getmiĢdim... – yenidən onları tamam unutdu, beynindən çıxarıb atdı. Ġrəli dartınıb, yenə də heç
nəyi xatırlamadan, məğrur-məğrur, təntənəylə üzünü qıza sarı çevirdi. Yəqin ki, bu təntənəli an o
kiĢilərin hər ikisini havaya sovrulan bir cüt kağız parçası kimi onun həyatından silib atdı. Yəqin
ki, o heç Maksın qapıya tərəf dönüb, kimisə çağırdığını, bir saniyədən sonra sarıĢın qadının otağa
girdiyini də hiss etmədi. Ofisiant qızın baĢını aĢağı salıb hərəkətsiz halda oturduğu çarpayının –
qızın üzərinə əyildi, cibindəki kağız, sikkə pulları qamarlayıb çarpayının üstünə tökməyə baĢladı.
– Ala! Buna bax. Bax. Gedib gətirdim. Görürsən?