Vaqif aslan seçİLMİŞ ƏSƏRLƏRİ
Yüklə 6,31 Mb. Pdf görüntüsü
|
- Bu səhifədəki naviqasiya:
- İLK MƏHƏBBƏTİM
- MƏHƏBBƏT
Milli Kitabxana
75
MƏNDƏN SORUŞURSAN: - MƏHƏBBƏT NƏDİR? QİYMƏT
Günah işləyibdir səni kəsən kəs... O, qiymət yazmağı haradan bilir? Sənin qiymətini hər kəsə bilməz, Sənin qiymətini Yaradan bilir.
Divara sıxılıb, ay qız ağlama! Ağlama, sən Allah, yalqız ağlama!
Dədəmiz Qorquddan ta üzü bəri Öyülən, sevilən sarı donlu qız! Beləmi kiçilib Oğuz bəyləri Yanır gözlərində yaş ulduz-ulduz?
Sən Selcan xatunsan – sonamsan, axı. Sən Burla xatunsan – anamsan, axı.
Ağlama,Tanıqlı Beyrəyin yarı! Sən ki üç öpülüb,bir dişlənərdin. Yandıra-yandıra Yalıncıqları Açılıb gül kimi gümüşlənərdin.
Sən – Banu Çiçəksən,ağlama daha, Hamıdan göyçəksən, ağlama daha. Ağlaya-ağlaya sındırma məni, Sənə beş yazmağa, axı, nə vardı? Füzuli imtahan etsəydi səni, “Heyrət, ey Büt!” – deyə, on beş yazardı.
O kimdir? – Heçdir o, heçdən aşağı, Sənə qiymət yazıb üçdən aşağı. Milli Kitabxana
76 Neynim ki, bir ağır daşım var mənim, Daşa döyüləsi başım var mənim.
Sən – başlar baxtısan, evlər taxtısan, Əziz halalısan Dəli Domrulun. Qiymət ucbatından qaş-qabaqlısan, Qiymətdən ucadır şərəfin, yolun.
Sənin qiymətini bilməyən kişi, Əsil nakişidir, əsil nakişi! 31dekabr 1996 İLK MƏHƏBBƏTİM Bulaqsan,.. gözümdən axırsan mənim, Tüstüsən,.. təpəmdəm çıxırsan mənim. Dustaqsan,.. könlümdən baxırsan mənim, Ay ilk məhəbbətim,ilk məhəbbətim.
Sən – ciyər yanğısı,sən – sinəmdə dağ, Yaxşısan,yamansan,.. mənimsən ancaq. Üzümə çırpılan şillə,şapalaq, Ay ilk məhəbbətim,ilk məhəbbətim.
Sən gah sevinc oldun,gah fəryad,gah ün,.. Kaş ki,dağılaydı mən doğulan gün. Sən – cavan ömrümə vurulan düyün, Ay ilk məhəbbətim,ilk məhəbbətim.
İlk dəfə heyrətdən çatılan qaşım, Oşalanan qolum,əyilən başım. Sən – vaxtsız yıxılıb qalan başdaşım, Ay ilk məhəbbətim,ilk məhəbbətim. 3oktyabr 1980 MƏHƏBBƏT
Məndən soruşursan: – Məhəbbət nədir? Deyim ki, hər şeydən başdır məhəbbət. Milli Kitabxana
77 Səcdəgah yeridir, Pirdir, Kəbədir. Lap elə Müqəddəs Daşdı məhəbbət. Mən haqq yolçusuyam, o – mənə yoldur, Arxadır, dayaqdır, qanaddır, qoldur. Neynim ki, ağrısı, acısı boldur, Neynim ki, gözümdə yaşdır məhəbbət.
Gündüz çıxan Gündür, axşam doğan Ay, Sayrışan ulduzdur, pıçıldayan çay. Beşiklər başında çalınan laylay, Üzüklər üstündə qaşdır məhəbbət.
Üzdə təbəssümdür, gözdə nurdur o, Bütün işiqlardan daha gurdur o. Bəzən deyirlər ki, kardır, kordur o, Karsa da, korsa da – xoşdur məhəbbət.
Oxşaya-oxşaya aldı canımı, Gizlədim hissimi, həyacanımı. İçdi ovuc-ovuc qızıl qanımı, Gördüm ki, gözləri acdır məhəbbət.
O, Xızır peyğəmbər axtaran sudur, Bitməyən həvəsdir, sonsuz arzudur. Mən Cumayoğluyam, qandığım budur, İnsanın başına tacdır məhəbbət.
Hər sevən bilməyir nədir məhəbbət. Onun qadasına gələsən gərək. Gülüş də yüz cürdür, min cürdür, fəqət O səni güldürə, güləsən gərək.
Titrəyə əlində qız barmaqları, İtə gözlərində dünyanın varı. Yüklə 6,31 Mb. Dostları ilə paylaş:
|