Vaqif aslan seçİLMİŞ ƏSƏRLƏRİ

Milli Kitabxana

 

 

 

81

                                       Ver,sabaha saxlama. 

 

                                       Dan ulduzu doğdu,bax, 

                                       Şirin,şəkər,bal yanaq. 

                                       Mən günah işləmədim, 

                                       Acıqnan dişləmədim, 

                                       Yana-yana qal,yanaq! 

                                       Ay alyanaq,alyanaq! 

                                                                                17fevral 1975 

    ŞAMAMA 

 

                                      Yenə də baş-başa verib. 

                                      O bir cüt haman şamama. 

                                      Salacaqdır işə məni, 

                                      Eyləyəcək qan şamama. 

 

                                      Dəysə əllərim,kəsərəm 

                                      Yüz quzu qurban,şamama. 

                                      Sığal çəkməsəm,küsərəm 

                                      Küsərəm yaman,şamama. 

                                      Durma belə boynu buruq, 

                                      Can sənə,can,can,şamama. 

 

                                      Bu titrəyiş,bu əsməcə 

                                      İlahidir.Dözüm necə? 

                                      Axı,səndən bezim necə? 

                                      İstəyim aman,şamama? 

                                      Eh,başıma gəldi hava, 

                                      Gözümə duman,şamama. 

                                      Ay mənə dərman,şamama. 

                                                                                   8aprel 1975 

      GÖZLƏRİN 

 

                                      Bilirsənmi,gözəl,məni 

                                      Salıb nə hala gözlərin? 

                                      İnsafdırmı bir cavanı 

                                      Verə zavala gözlərin? 

---

Milli Kitabxana

 

 

 

82

 

                                      Şimşək olub çaxır,axı, 

                                      Ürəyimə axır,axı. 

                                      Axırıma çıxır axı, 

                                      Bəladır,bəla gözlərin! 

 

                                      Eşitsənə,ey bağrı,daş! 

                                  Əriyirəm yavaş-yavaş. 

                                  Qəbrim üstə ağlaya kaş 

                                  Dalıb xəyala gözlərin, 

                                  Sənin o ala gözlərin. 

                                                                                  20 iyun 1977 

SƏN 

 

                           Sən – mənim bəxtimin açılan gülü, 

                           Sən – mənim ömrümün yaz səhərisən. 

                           Sən – mənim şeirimin məhəbbət dili, 

                           Sən – mənim könlümün nəğmələrisən. 

 

                           Səadət gətirdin gəlişinlə sən, 

                           Anamın,atamın təzə gəlini. 

                           Nənəm duz çevirdi başına hərdən, 

                           Qorxdu gətirərlər gözə gəlini. 

 

                           Elə düşünmə ki,bəxtinə düşüb 

                           Bu iynə-dərmanın ağrı-acısı. 

                           Səni ki qaytara biliblər mənə, 

                           Həkimlər gözümdə müqəddəsləşib, 

                           A qardaş-bacımın gəlin bacısı. 

 

                           Sən – mənim bəxtimin açılan gülü, 

                           Sən – mənim ömrümün yaz səhərisən. 

                           Sən – mənim şeirimin məhəbbət dili, 

                           Sən – mənim könlümün nəğmələrisən. 

                                                                                  27iyun 1978 

 

  KÖNLÜMÜ 

---

Milli Kitabxana

 

 

 

83

 

                            Nə sözüm kar edir,nə gücüm çatır, 

                            Ovuda bilmirəm dolan könlümü. 

                            Onda qəmlər yatır,nisgillər yatır, 

                            Yoxdur sevindirən,alan könlümü. 

 

                            Nə qanır-qandırır,nə düşür başa, 

                            Mənnən cəng eləyir,çıxır savaşa. 

                            Bilmirəm öldürüm,ya çırpım daşa, 

                            Başımın bəlası olan könlümü. 

 

                            Nə gözəl niyyəti,arzusu vardı, 

                            Əsdi qara yellər,aldı,apardı. 

                            O mənimki idi,məndən qopardı, 

                            Bir ruhsuz elədi talan könlümü. 

 

                            Yoxdur vəfasızdan hay,Cumayoğlu, 

                            Eyləmə özünü zay,Cumayoğlu. 

                            Açma hər yetənə,ay Cumayoğlu, 

                            Məni bu dərdlərə salan könlümü. 

                                                                                 26fevral 1975 

ALIŞQAN 

 

                                    Bir alışqan almışam 

                                    “Tutuquşu”adında. 

                                    Siqaret od almamış, 

                                    Mən yanıram odunda. 

 

                                    Sorma satan kim idi, 

                                    Demərəm,üz vurma gəl. 

                                    Sözü şeirim kimiydi, 

                                    Özü şeirimdən gözəl. 

 

                                     Alışqan da çox idi, 

                                     Heç beləsi yox idi. 

                                     Özü seçib verdi qız. 

                                     Dünya gözəllərindir, 

---