Vǝdǝyi-dövri-qǝmǝrni tapşırır dövran ona

__________________________________________________________________________________________ 
www.ocaq.net 
 
 
235
Dedi ol mǝh: gün nǝdir? Dedim: cǝmalındır sǝnin! 
Ay dǝxi şol tǝlǝti-fǝrxǝndǝ falındır sǝnin. 
 
Ruzi-meraci-nǝbi, vǝslin günidür ey mǝlǝk, 
Qabi-qövseyn ol du ǝbruyi-hilalındır sǝnin. 
 
Dilbǝrin vǝsli-kǝmalın çox görübsǝn, ey rǝqib, 
Ey kǝmalǝ yetmǝmiş, imdi zǝvalındır sǝnin. 
 
Ağzımı tǝlx eylǝdi hicrin, tǝkǝllüm qıl mana, 
Tutiyi-şǝkkǝr şikǝn, şirin mǝqalındır sǝnin. 
 
Ey Süleymani-zǝmanǝ aşiqin sor halını, 
Kim qapında mur nisbǝt payimalındır sǝnin. 
 
Ay yüzünin sǝfhǝsidir ayǝti "fǝthün qǝrib", 
Hǝrfi-nöqtǝ ol yüz üstǝ, xǝttü xalındır sǝnin. 
 
Danla derlǝr, dideyi, mömin liqayi-hǝq görür, 
Bu Xǝtai xǝstǝyǝ ruzi vüsalındır sǝnin. 
 
 
* * * 
 
Aqibǝt, ey mǝh, mǝni alǝmdǝ heyran eylǝdin, 
Çeşmimi giryan qılıb bağrımı büryan eylǝdin. 
 
Xatirim mǝcmu ikǝn aşuftǝ qıldın, ey pǝri, 
Sǝn anı zülfin kimi ǝmdǝn pǝrişan eylǝdin. 

---

__________________________________________________________________________________________ 
www.ocaq.net 
 
 
236
Şol günǝştǝk hicrdǝn ey tölbǝ, könlüm buldu kim, 
Qönçǝtǝk başdan-başa çaki-giriban eylǝdin. 
 
Dil ara aşiqliyim pünhan ikǝn, sǝn ey pǝri, 
Xalq arasǝn anı yüz dillǝrdǝ dǝstan eylǝdin. 
 
Cövri-eşqin, ey hǝbibim, öylǝ hǝddǝn ötdü kim, 
Bu Xǝtai xǝstǝyǝ qanımnı asan eylǝdin. 
 
 
* * * 
 
Sataşdı ta mana mǝstanǝ çeşmin, 
Yazıbdır adımi dǝstanǝ çeşmin. 
 
Mǝgǝr kafirdir ol, mehrab içindǝ, 
Oturmuş, gǝlmǝz heç imanǝ çeşmin? 
 
Geyibdir qaranı zahid kimi ol, 
Mey içmǝkdir işi rindanǝ çeşmin. 
 
Içibdir qanımı derǝm inanmaz, 
Deyim, mǝn kim, sana inanǝ çeşmin. 
 
 
* * * 
 
Xǝtü xalinlǝ zülfindir, dǝlili ǝhli-ürfanın, 
Ki, andan aşikar oldu bǝyani elmi-Quranın. 

---

__________________________________________________________________________________________ 
www.ocaq.net 
 
 
237
Götürdün pǝrdǝ yüzündǝn bǝhǝmdüllah ki, ey dilbǝr. 
Sǝni gördü xǝcalǝtdǝn qaraldı yüzi şeytanın. 
 
Rüxün, yarǝb, nǝ güldür kim, fǝğanǝ düşdü bülbüllǝr, 
Ki, şövqindǝn anın hǝr dǝm hüzuri var gülüstanın. 
 
Əya sultani-adil kim, işim sǝnsiz keçǝr müşkül, 
Budur sǝndǝn müradim kim, gǝdadǝn kǝsmǝ ehsanın. 
 
Cǝnabi-asitanında, diriğa, qiymǝtim yoxdur, 
Vüsalın özgǝlǝr gördi, mǝni yandırdı hicranın. 
 
Qaşilǝ kipriyin, eynin, nǝ sehri-Samiridir kim. 
Oların mǝkrü alından cǝhanı dutdu dastanın? 
 
Xǝtai çeşmi-mǝstindǝn hǝbibin ehtiraz eylǝ, 
Əgǝr qanın tökǝr hǝr dǝm ki, oldur canü cananın. 
 
 
* * * 
 
Sünbülini arizin dövründǝ ǝfşan eylǝdin, 
Xatiri-mǝcmuimi ğǝmdǝn pǝrişan eylǝdin. 
 
Xoş mǝqami-ǝzǝm olmuşdur, bu könlüm guşǝsi, 
Bilmǝzǝm, yarǝb, nǝdǝn cövr ilǝ viran eylǝdin. 
 
Istǝr idim sayeyi-vǝslindǝ, ey can, dincǝlǝm, 
Üştǝ zülm etdin mana vǝslini hicran eylǝdin. 

---

__________________________________________________________________________________________ 
www.ocaq.net 
 
 
238
Çeşmi-mǝstindǝn hǝzaran fitnǝ saldın könlümǝ, 
Türki-yǝğmaçi kimi, billah, yüküş qan eylǝdin. 
 
Bu Xǝtaini çıxardınmı könüldǝn, ey hǝbib, 
De mǝgǝr özgǝlǝr ilǝn ǝhdü peyman eylǝdin? 
 
 
* * * 
 
Dilbǝra dǝrdi-fǝraqın qoymadı cismimdǝ can, 
Onca axdı qanlu yaşım, qalmadı bağrııda qan. 
 
Ta sǝri-zülfin sǝnin yüz üstǝ gördüm, ey pǝri, 
Sǝn mǝni sövdayǝ saldın, ey mǝhi-namehriban. 
 
Kim sǝnin yüzün durur xurşidi xavǝr nisbǝti, 
Qaşlarınlǝn gözlǝrindür fitneyi-axırzaman. 
 
Dün demişsǝn kim, sǝnǝ, yüz göstǝrübǝn can alam, 
Yüzünü göstǝrmǝdin, aldın rǝvanimdǝn-rǝvan. 
 
Rumi-ruyindǝ Xǝtai, ta görübdür ruyi-hǝq, 
Cümleyi-alǝm gözündǝ, ruyi-hǝqqindir nişan. 
 
 
* * * 
 
Könlüm istǝr vǝslini, ey suvlü canan, yengidǝn, 
Abi-lǝlindǝn qılam bu dǝrdǝ dǝrman yengidǝn. 

---

__________________________________________________________________________________________ 
www.ocaq.net 
 
 
239
Yüzünǝ şeytan kimi, ta qılmadı zahid sücud, 
Mütlǝqa kafǝrdir ol, götürsün iman yengidǝn. 
 
Eşq gǝldi könlimǝ, hökm etdi canım mülkinǝ, 
Şükr, kim, öz tǝxtinǝ, uş, gǝldi sultan yengidin. 
 
Gǝl vǝfa rǝsmin aradan sǝn götürmǝ, mǝn dǝxi, 
Qılalı bir sidq ilǝn, bir ǝhdü peyman yengidǝn. 
 
3ülfilǝn xǝttü lǝbini kim ki, gördü söylǝdi, 
Xızr ilǝn zülmatǝ girmiş, abi-heyvan yengidǝn. 
 
Mahi-rüxsarın görüb, iqrarǝ gǝldi müddǝi, 
Çün zühur oldu yüzindǝn nuri-iman yengidǝn. 
 
Qapuna gǝldi gǝdatǝk, bu Xǝtai, xǝstǝdil, 
Sǝn ona qıl, ey sǝnǝm, bir lütfi-ehsan yengidǝn. 
 
 
* * * 
 
Sǝndǝn özgǝ, dilbǝra, heç kim mana yar olmasun, 
Cövri-eşqindǝn mǝnim tǝk kimsǝ bimar olmasun. 
 
Kafǝrin rǝhmi gǝlür, mǝn dǝrdmǝndin halinǝ, 
Leyk kafǝr sǝntǝki yari-sitǝmkar olmasun. 
 
Istǝmǝz bu xǝstǝ könlüm özgǝlǝrnin minnǝtin, 
Canıma vǝslindǝn özgǝ nǝstǝ ğǝmxar olmasun. 

---

__________________________________________________________________________________________ 
www.ocaq.net 
 
 
240
Gǝrçi bülbüllǝr qamu gülzarı istǝr zar-zar, 
Sǝndǝn özgǝ könlümǝ alǝmdǝ gülzar olmasun. 
 
Bu Xǝtai xǝstǝni divanǝ zahid mǝst oxur, 
Eşqiniz canimdǝ ol bir lǝhzǝ hüşyar olmasun. 
 
 
* * * 
 
Dilbǝra, gözdǝn cǝmalın bir nǝfǝs dur olmasun, 
Yaşlu çeşmimdǝ yüzindǝn ayru heç nur olmasun. 
 
Ta ki, eşqinlǝ sǝnin mǝmur olubdur dil evi, 
Eşqin ol viranǝdǝn bir lǝhzǝ mǝzur olmasun. 
 
Əbri-neysan ta cǝmalın gülşǝninǝ su verür, 
Qǝtreyi-yaşimdǝn özgǝ onda yǝğmur olmasun. 
 
Ta ki, sǝndǝn ayru düşdüm görmǝdim sǝbrü qǝrar, 
Hiç aşiq dilbǝrindǝn zarü mǝhcur olmasun. 
 
Ta sǝni sevdi Xǝtai oldu dǝstan alǝmǝ, 
Kimsǝnǝ anun tǝki eşqindǝ mǝşhur olmasun. 
 
 
* * * 
 
Aşiqi-dilxǝstǝ gör dildarǝ döndǝrmiş yüzün 
Alǝmi tǝrh eylǝmiş sǝn yarǝ döndǝrmiş yüzün. 

---