15
etiqadi məsələlərində imamət məqamına çatdı və onun öz nəzərində
mötəbər sayılan rəvayətlər əsasında sünnülərin əqidələrini yaya bildi.
Bünövrəsini qoyduğu məktəb onun öz adı ilə–”Hənbəli” məzhəbi kimi
tanındı. Bu məktəb 5 əsas üzərində qurulmuşdu: “Quran, sünnə,
səhabələrin fətvaları, Quran və sünnə ilə müvafiq olduğu halda bəzi
səhabələrin sözləri. Eləcə də bütün mürsəl və zəif rəvayətlər.”
1
Can Nas
Hənbəli məktəbini yerdə qalan üç məktəbdən, yəni Hənəfi, Maliki və
Şafei məktəbindən “daha zahir”, “daha quru” təqdim etmişdir.
2
Tədqiqatçı alimlərin bəyan etdiklərinə əsasən, Əhməd ibn Hənbəl
yalnız bir mühəddis idi. O, fiqhi istinbatlardan uzaq gəzirdi. “Deməli, o,
istinbat nəzərindən Əbu Hənifənin və Şafeinin səviyyəsində deyildi ki,
ictihad nəticəsində üsuldan fürunu istixrac edə bilsin. Şübhəsiz ki,
Əhməd fətva verib halal-haramı bəyan etməkdən çəkinirdi. Əgər zərurət
tələb etsəydi, yalnız açıq-aşkar hökmün mövcud olduğu hallarda fətva
verirdi.”
3
“Fərhəngi əqaid və məzahibi İslami” kitabının müəllifi bu barədə belə
yazır: “Zəhəbinin “Siyərü əlamin-nübəla” kitabındakı geniş bəyanından
məlum olur ki, Əhməd bir fiqh yazmamış dünyadan getmişdi. Onun
şagirdlərindən biri olan Əbu Bəkr Xəllal Əhmədin nəzər və fətvalarını
bir yerə toplamışdı. Əbu Bəkr onun fətvalarını ayırd etməkdə onun səhih
rəvayətlər və onların sənədləri barəsindəki sözlərinə müraciət edərək, bu
məsələ barəsindəki nəzəriyyəsini əldə etdi. O, bu məqsədlə müxtəlif
məntəqələrə səfər edərək Əhmədin tanışlarından yüz nəfərlə görüşdü.
Onun sahabə, köməçi və dostlarından müəyyən mətləbləri öyrəndi və
hamısını tərtibə saldı. Sonra hər biri 3 cilddə tənzim olunan “Elm”,
“İləl”, “Sünnə” kitablarını yazdı.”
4
Etiraf etmək lazımdır ki, “Əhmədin vəfatından sonra onun məzhəbinin
yayılmasının iki əsas amili olmuşdur: İbn Hənbəlin xilafət tərəfindən
işgəncələrə məruz qalmasından əlavə, mötəzilə ilə müxalifətçiliyi və
əshabi-hədisə tərafdar olması onun başqalarından daha artıq diqqət
mərkəzində olmasına səbəb oldu. Buna görə də onun yaratdığı məktəb
sünnü müsəlmanları içərisində avam kütlələr tərəfindən qəbul olundu.
Sonradan Abbasi xəlifələri də bunu qəbul edərək İslam ölkələrində
1
Mübəlliği Abadani, Əbdüllah. “Tarixi ədyan və məzahibi cahan”, “Məntiq” (Sina)
İntişaratı, Qum, yay, 1373, 1-ci çap, 3-cü cild, səh.1193
2
Nas Can, “Tarixi camieyi ədyan”, Əliəsğər Hikmətin tərcüməsi, “İslam inqilabı
İntişaratı”, Tehran, 1370, 4-cü çap, səh.754
3
Sübhani, Cə`fər, “Fərhəngi əqaid və məzahibi İslami”, 1-ci cild, səh.277
4
Həmin mənbə, səh.277
16
yaydılar. Əhmədin vəfatından sonra onun fiqhi məzhəbinin yayılmasının
iki səbəbinin birincisi onun şagirdləri və tərəfdarları, digəri isə onun
İslam fiqh rəvayətlərini və hədisləri ehtiva edən “Əl-Müsnəd” adlı
mühüm kitabıdır.”
1
ƏHMƏD İBN HƏNBƏLİN ELMİ VƏ İCTİMAİ MÖVQEYİ
Əhməd ibn Hənbəl öz müasiri olan böyük alimlərin çoxundan
bəhrələnmişdir. Əvvəldə onların bəzilərinin adını qeyd etdik. “Əhmədin,
adları bundan əvvəl qeyd olunmayan ən qədim ustadlarından bəziləri:
Məhəmməd ibn Həmid Yəşkuri, Ziyad ibn Əbdüllah Bəkkayi, İbadullah
ibn Əvamm, Məhəmməd ibn Sübeyh ibn Səmmak və Yusif ibn Yəqub
Macişun.”
2
Onun şagirdləri və raviləri də çoxdur. Onlardan Əhmədin fikir və
əsərlərini sonrakı nəsillərə nəql edənlərdən ən mühümlərinin adlarını
qeyd edirik: “Əbul Abbas Əhməd ibn Cəfər İstəxri, Əhməd ibn
Əbixəsimə, Züheyr ibn Hərb, Əbuyəla Musili, Əbu Bəkr Əhməd ibn
Məhəmməd ibn Həccac Məzudi, Əbu Bəkr Əsrəm, Əbul Abbas Sələb,
İbrahim Hərbi, Əbu İshaq İbrahim ibn Hani Nişapuri və sair.”
3
Əhməd ibn Hənbəl hədis elmində və bununla bağlı sair elmlərdə
yüksək məqama malik idi. “Müsnəd” adlı kitabı və sair əsərlərinin
araşdırılması onun bu barədəki mövqeyini göstərə bilər. Əbu Zərə
Razinin yazdığına görə o, minlərlə hədis əzbərləmişdi. Əhmədin
özündən də rəvayət olunur ki, o bu qədər hədisi əli ilə yazmışdı. Hələ bu,
başqalarının onun üçün yazdığı hədislərdən tamamilə ayrı olan
hədislərdir... Əhməd rical elminə, ravilərin tanınmasına, həmçinin
hədisin səbəblərinə bələd idi. Xüsusilə onun rical elmindəki rəyləri
həmişə ricalşünasların diqqət mərkəzində olmuşdur. O, qiraət elmində də
dərin biliyə malik idi”
4
.
Əhmədin şagirdləri və ardıcılları onun elmi məqamı və əxlaqi
1
Fəzai Yusif, “Münazirati imam Fəxr Razi”, səh.191
2
“Böyük İslam Enskilopediyası”, 6-cı cild, səh.721
3
Həmin mənbə
4
Həmin mənbə
17
xüsusiyyətləri barəsində çoxlu mətləblər nəql etmişlər. Onun yaxın
adamları və onunla eyni səviyyədə olan böyük dini şəxsiyyətlərdən də
müxtəlif cür təriflər nəql olunmuşdur. Bu təriflərin hamısı əksər hallarda
mübaliğə və şişirtmə ilə yanaşı olmuşdur. Belə ki, “Böyük İslam
Enskilopediyası” kitabında bu barədə belə qeyd olunur: “Aydındır ki, bu
cür hekayələrin yazılıb yayılmasında və nəql olunmasında dini
məqsədlər və məzhəbi təəssüblər çox təsir qoymuşdur. Əhmədin
“Möhnə” hadisəsində Quranın məxluq olmasını qəbul etmək qarşısında
göstərdiyi imtina ilə əlaqədar məruz qaldığı əzab-əziyyətlər vasitəsi ilə
yaranan sevimliliyi və hədis səhabələri arasında qazandığı məhəbbət
təbii bir iş idi. Xüsusilə o, bəzilərinin yanında əsrlər boyu həmin
ehtirama layiq görülməmişdi. Hənbəlilər onun məqam və qüdrətinə təzim
etmək üçün bu cür rəvayətləri quraşdırırdılar.”
1
ƏHMƏD İBN HƏNBƏLİN ETİQADLARI
Əhməd ibn Hənbəl barəsində müxtəlif kitablarda yaradılan təsəvvür
adətən bu mehvər əsasında cərəyan edir: onu sünnəyə meyl edən, fəqahət
və ictihadın əksinə olan bir mühəddis hesab etmişlər. O, rəyə istinad
etməmiş, yalnız Allahın kitabına və hədislərə istinad etmişdir. Hədisə
istinad edərkən çox şişirtməyə yol verdiyindən İslamın böyük
şəxsiyyətlərindən bəziləri, o cümlədən, Məhəmməd ibn Cərir Təbəri,
Məhəmməd ibn İshaq Ənnədim onu İslam müctehidlərindən deyil, hədis
imamlarından hesab etmişlər. Amma bunu heç vaxt unutmaq olmaz ki,
İbn Hənbəl heç olmazsa hədis məsələsi çərçivəsində müstəqil bir
müctehid olmuş və İbn Teymiyyənin dediyinə görə böyük hədis
toplumu, eləcə də ustadlarından öyrəndiyi çoxlu rəylərin arasından özü
üçün xüsusi bir yol seçmişdir.
2
İbn Hənbəl görkəmli bir mühəddis və əshabi-hədis təriqətinin ardıcılı
kimi, Quran ayələri və Peyğəmbərə (s) mənsub edilən hədislər üçün hər
hansı bir təvil (yozum) ilə müxalif idi. Rəy səhabələrinin böyükləri ilə
müxalifətçilik edirdi.
Məlum olur ki, Hənbəli məzhəbi sünnülərin sair məzhəbləri ilə,
xüsusilə Maliki məzhəbi ilə müqayisədə hədis ilə əlaqədar daha ciddi
təəssüblərə malik olmuşdur. Məşkur bu barədə belə yazır: “Hənbəli
məzhəbi 5 prinsip üzərində möhkəmlənmişdir: 1.Allahın kitabı. 2.Sünnə.
3.Peyğəmbəri-Əkrəm (s) səhabələrinin fətvaları. 4.Allahın kitabı və
sünnə ilə müvafiq olduğu təqdirdə bəzi sahabələrin sözləri. 5.Bütün
1
Həmin mənbə, səh.722
2
Ehsan Yarişatir, Həmin mənbə, səh.1242-1243
Dostları ilə paylaş: |