- 138 -
Азербайджаном независимости появилась возможность представлять писателей такими, какими
они были в действительности… Биография писателя представляет собой неотъетлемую часть
эпохи и среды , в которой он жил. Литературоведы, анализируя жизненный путь какого-либо
писателя, в большинство случев либо упускали это из внитмания, либо говорили о столь общих
чертах эпохи, которые не могли оказать серьезного влияния на формирование и развитие
конкретного человека. В результате отдельный писатель представал перед нами как зеленое
дерево в безжизненной пустыне или одиноким островом в бескрайнем океане. Это, естественно
мешало всестроннему изучению его жизненного пути, творческого мира.
«Азербайджанская литература начала ХХ века»
İslam Səfərli yaradıcılığında romantik pafosdan, ümumi tərənnümdən lirizmə keçid çox da uzun sürməyən
qısa müddət ərzində baş vermişdir. Doğrudur, romantik meyilli tərənnümçülük şairin
yaradıcılığının bütün dövrlərində müşahidə olunur. Fikrimizcə, bu, həm də onun yaşadığı
epoxanın özünün ideoloji pafosundan doğur. Cəmiyyətin tələbindən gələn sosial sifarişin ifadəsi olaraq
yazılan şeirlərin pafos olmadan o dövrün ədəbi-ictimai mühiti səviyyəsinə çıxarılması çətin idi. Lakin İslam
Səfərlinin yaradıcılığında həmin qəbildən olan şeirlər ön mövqedə görünsə də, çoxluq təşkil etməmişdir.
İctimai məzmunlu romantik pafosla ifadə olunan şeirləri ilə ədəbi mühitdə «sayrışan ulduzlar» kimi zəruri
məqamlarda ara-sıra görünən İslam Səfərli üstünlük verdiyi lirik şeirlərini yazmağa rahat bir imkan
formalaşdıra bilmişdir. O, ictimai mühitdə ümumi tərənnümdən doğan romantik pafoslu şeirləri ilə iştirak
etmiş, ədəbi aləmdə isə nəğmə təsiri bağışlayan yaddaqalan, təbii və təsirli lirika nümunələri ilə dərin izlər
salmışdır. Xüsusən, şəxsiyyətə pərəstiş dövrünün cəmiyyətdə aradan qalxması, siyasi iqlimin yumşalması
İslam Səfərlinin yaradıcılığındakı lirizm meyillərinin sürətlə inkişaf etməsinə böyük təkan vermişdir.
Beləliklə, XX əsrin əllinci illərinin ikinci yarısından etibarən İslam Səfərlinin yaradıcılığında lirizm
qüvvətlənmiş, lirika üstünlük təşkil etmişdir.
«Romantik pafosdan lirizmə»
M.T.Sidqi milli uşaq nəsrinin də ilk nümunələri sayıla biləcək kiçik hekayələr yazmışdır. Lakin onun
hekayələrindən elmi şəkildə söz açılmamışdır. M.T.Sidqinin uşaqlar üçün hekayələri,
əsasən, «Əxlaq nümunələri» və «Qızlara hədiyyə» dərsliklərində toplanmışdır. «Əxlaq
nümunələri» dərsliyindəki əksər uşaq hekayələri müəllim-yazıçının pedaqoji düşüncələrinin tərkibində
verilmişdir. Həmin hekayələr müəllifin maarifçi baxışlarını əyani şəkildə əsaslandıran bədii yazılardır.
Lakin imla mətni kimi verilmiş nümunələrdən pedaqoji fikir-mülahizə qatını ayırıb, hekayə hissəsini ayrıca
oxuduqda bunlar bitkin uşaq hekayələri kimi səslənir. «Məktəbə davam», «Gözü tox olan uşağın hekayəti»,
«Yalançı uşaq» və sair hekayələr bu qəbildən olan maraqlı ədəbi nümunələrdir. Dərsliyin tələblərinə uyğun
olaraq, həmin hekayələrdə əxlaqi məsələlər ön mövqeyə çəkilmişdir. «Qızlara hədiyyə» dərsliyindəki
hekayələrin böyük əksəriyyətində isə hekayəyə məxsus xüsusiyyətlər maarifçi-pedaqoji mülahizələri
üstələmişdir. Bunların çoxu indiki ibtidai məktəb dərsliklərinə salınmış kiçik hekayələr kimi sadə dildə
yazılmış, yığcam, maraqlı hadisələri əks etdirən, əxlaqi-tərbiyəvi qənaətlər aşılayan yaddaqalan müstəqil
bədii əsərlərdir. Dərslikdəki «Rübabə», «Sitarə ilə xalası», «Ruqiyyənin söhbəti», «Övlad məhəbbəti» və
sair hekayələr milli uşaq nəsrinin ilk bitkin nümunələridir. İdeya-məzmununa görə bunları «məktəb hekayə-
ləri» kimi də dəyərləndirmək olar. Forma baxımından isə həmin nümunələr miniatür hekayə adlandırıla
bilər. Təxminən bir əsrə yaxın bundan əvvəl hazırlanmış «Qızlara hədiyyə» dərsliyindəki kiçik hekayələr
hazırkı mərhələdə də şagirdlər üçün faydalı xüsusiyyətlərə malikdir. Məsələn, «İki bacının söhbəti»
hekayəsində əks etdirilmiş aşağıdakı nəsihətlər bu gün üçün də müasir səslənir: «Balaca bacım, sən hələ
kiçiksən. Elmin məzyətini və faydasını bilmirsən. Elə bil ki, dünyada heç bir şey elmsiz əmələ gəlməz...
İnsanın hər işində və əməlində elmə ehtiyac vardır. İnsanın şərafəti və heyvan ilə insanın təfavütü elm ilə
bilinir. Sən elm təhsil elə, təki dünya və axirətdə səadətmənd olasan».
- 139 -
Maarifçi şair və yazıçı olmaqla yanaşı, M.T.Sidqi həm də tanınmış alim-pedaqoq, əxlaq nəzəriyyəçisi
və görkəmli məktəbşünasdır. Bununla belə, onun elmi fəaliyyətində ədəbi-fəlsəfi məsələlər də öz əksini
tapmışdır. Sidqinin «Heykəli-insana bir nəzər» əsəri nəsrlə yazılmış kiçik ədəbi-fəlsəfi traktatdır. Burada
müəllifin həyat və cəmiyyət, ictimai-mədəni tərəqqi haqqındakı fikir və düşüncələri əks etdirilmişdir.
Sidqinin insanın formalaşması və bəşər cəmiyyətinin keçdiyi inkişaf mərhələləri barədəki elmi mülahizələri
öz dövrü üçün yeni və cəlbedici idi. Buna görə də həmin əsər M.T.Sidqinin vəfatından sonra 1912-ci ildə
Bakıda «Ziya» mətbəəsində kitab halında çap olunmuşdur.
«Böyük maarifçi ədib və müasirlik»
Türkçülük məsələsində «Molla Nəsrəddin» və «Füyuzat»ın qovuşduğu məqamlar
mövcuddur. Burada fərq daha çox ümuminin və ya xüsusinin müdafiə edilməsində idi.
Əlibəy Hüseynzadə ümumi türkçülüyün, turançılığın ideoloqudur... Bakıda nəşr etdiyi «Həyat» və «Füyu-
zat» kimi mətbuat orqanları vasitəsilə o, ilk növbədə Azərbaycanda türkçülük duyğusunu, milli düşüncəni
oyandırmağa xidmət göstərmişdir. Ədibin ümumtürk ədəbi dili yaratmaq səylərini də milli dillərin
büsbütün unudulması kimi qəbul etmək doğru olmazdı. Əlibəy Hüseynzadə İstanbul ağzını əsas götürmək
və onu digər türk xalqlarının dillərindən alınmış ümumişlək sözlər hüsabına zənginləşdirməklə eyni
kökdən olan qohum millətlərin başa düşəcəyi, ünsiyyət saxlayacağı normativ bir dil yaratmaq arzusunda
idi... C.Məmmədquluzadə də ümumtürk ədəbi dili yaradılmasının faydalı bir iş olduğunu qəbul edirdi...
Lakin Mirzə Cəlil əsrin əvvəllərində əhalisinin böyük əksəriyyəti yazıb-oxumaq bacarmayan
Azərbaycanda vahid ədəbi dil yaratmağı zamanı qabaqlamış ideya hesab etmişdir.
«Cəlil Məmmədquluzadə. Mühiti və müasirləri»
Məmməd Arazın «qardaş qələmi» ilk növbədə öz ömrünü yazmışdır. Şairin taleyi kimi şerləri də
bənzərsizdir. M.Arazın şerləri həm də özündən sonrakı ədəbi nəslin bədii yaradıcılığının
başlanğıcıdır. Daha doğrusu, poetik dəbdəbə, ritorika, təntənə, zahiri əksetdirmə, ideoloji
xəttə sədaqət kimi sənət xəstəliklərindən xilas olmaq Məmməd Araz və onun mənsub olduğu yaradıcı nəsllə
əsasən başa çatmışdır. «Ürəyimsiz kəlmə yazan deyiləm» andı tərənnüm poeziyasından düşüncə lirikasına
qəti keçidinin ifadəsidir. Buna görə də M. Araz sənəti bir tərəfdən yeni tipli yetmişinci illər poeziyasının
fəal daşıyıcısı, digər tərəfdən isə 20 il bundan əvvəl ədəbiyyat meydanına qədəm qoyan şairlər nəslinin
əsas istinadgahlarından, ilham qaynaqlarından biridir. S. Rüstəmxanlı, Hidayət, Ramiz Rövşən, Nüsrət
Kəsəmənli, Çingiz Əlioğlu, hətta daha sonrakı nəslin nümayəndəsi Rüstəm Bəhrudi öz ilhamını həm də
M.Araz sənətindən almışdır. Başqa sözlə, M.Araz şeri S.Vurğun məktəbi ilə hazırki şer üslubu və ənənələri
arasında çox etibarlı varislik körpüsüdür. Poeziyamızın artıq bir neçə nəsli böyük sənət meydanına həmin
poetik körpüdən keçib gəlmişdir. Hazırkı mərhələdə M.Araz milli Azərbaycan şerinin görkəmli nümayən-
dəsidir. İndiki səviyyədə onun şerləri və poemaları, bədii publisistikası yalnız öz yaradıcısının deyil,
mənsub olduğu xalqın da tərcümeyi-halının əsas hissəsidir. İkinci dünya müharibəsindən sonrakı təxminən
yarım əsrə yaxın tarixi dövrün bədii, mənəvi tərcümeyi-halı M.Araz sənətində öz əksini tapmışdır. Bu,
müdrik, ağır siqlətli, uzaqgörən, kövrək və ağıllı poeziya mənalı ədəbi tarixi salnamədir. Yaxın və uzaq
tariximizlə yanaşı, bu günümüzün və hətta sabahımızın böyük ciddi həqiqətləri də «Məmməd Araz
karandaşından göyərir».
http://www.memmedaraz.az/?menu=142
Çoxəsrlik inkişaf yolu və zəngin ənənələri olan Azərbaycan elminin böyük simaları
arasında görkəmli alim və ictimai xadim, Azərbaycan Milli Elmlər Akademiyasının
prezidenti, Dövlət Mükafatı laureatı, Əməkdar elm xadimi, akademik Akif Əlizadənin özünə məxsus mühüm
xidmətləri və xüsusi yeri vardır. Akademik Akif Əlizadə ölkəmizdə və beynəlxalq aləmdə geologiya
sahəsində özünün elmi məktəbini yaratmış, yaradıcı fəaliyyəti yüksək təşkilatçılıq işi, fəal vətəndaşlıq
missiyası ilə üzvi surətdə əlaqələndirməyi bacarmış böyük alim-təşkilatçı kimi qəbul olunur. Yarım əsrdən
Dostları ilə paylaş: |