60
Məhərrəmov - Parlmanda təşkil olunmuş sosialistlər ittifaqı fraksiyası tərəfindən yeni hökumətə etimad
bəyan edəriz. (Alqış).
Şeyxülislamov - Parlamentin hümmət fraksiyası yeni hökümətə etimadını izhar ediyor. (Alqış).
Sədr - Söz istəyən yox isə, müsavat fraksiyonu tərəfindən daxil olmuş təklifi elan edəlim.
Əhməd Cövdət (oxuyur) - Hökumət bəyənnaməsini dinləyərək Azərbaycan məclisi-məbusanı Fətəlixan
Xoyski hökumətinə etimad eylədiyini bəyan ilə növbədəki məsələlərə keçir. (Alqış).
Sədr - Başqa bir təklif yoxdur. Binaən-ileyh mən bu təklifi səsə qoyuram. Hər kəs bu təklifin tərəfdarıdır
əlini qaldırsın. (Əllər qalxır). Hər kəs əleyhinədir? (Əllər qalxır). Hər kim iştirak etmir? Əlini qaldırsın. (Əllər
qalxır). Deməli, parlament istizah firqəsi iştirak etməzsiz bu təklifi qəbul edib növbədəki məsələlərə keçir.
(Soldan: gələcək). İltifat ediniz. İkinci istihzah barəsində deyirəm ki, müəllifi geri götürür.
Əhməd Cövdət - Komisyonlar tərəfindən təklif edilən namizədlər bunlardır:
[138 - 139]
"İttihad" fraksiyonundan: Maliyyə komissiyasına Mehdiyev; Məclisi-Məbusan seçkilərinə Qazi Əhməd
Məmmədbəyov, Əmələ komisyonuna Heybətqulu Məmmədbəyov;
"Əhrar" fraksiyasından: Məclisi-Müəssisan seçkiləri komisyonuna Abdulla bəy Əfəndiyev, maliyyə
komisyonuna Hacı Molla Əhməd Nuruzadə, fəhlə komisyonuna Bayram Niyazi Kiçikxanov.
"Sosialistlər İttifaqı" fraksiyasından: fəhlə komisyonuna Rza Qaraşov, maliyyə-büdcə komisyonuna
Məmməd Məhərrəmov, Məclisi-Müəssisan seçkiləri komisyasına Cəmo bəy Hacınski;
Müsavat fraksiyasından: Məclisi-Müəssisan seçkiləri komisyonuna Məmməd Əmin Rəsulzadə, maliyyə
komisyasına Nərimanbəyov, fəhlə komisyasına Məlik Yeqanov;
Sosial-demokrat fəhlə firqəsi "hümmət" fraksiyasından: fəhlə komisyonuna Əliheydər Qarayev, maliyyə
komisyonuna Əkbərağa Şeyxülislamov;
Əqəliyyət təşkil edən millətlərdən: fəhlə komisyonuna Tsixakaya, maliyyə komisyonuna Koxman, Məclisi-
Müəssisan seçkiləri komisyonuna Vanseviç;
Birtərəflər fraksiyonundan: fəhlə komisyonuna Abuzər bəy, maliyyə komisyonuna Əliağa Həsənov, Məclisi-
Müəssisan seçkiləri komisyasına Teymur bəy Makinski.
Sədr - Bu namizədlərə etiraz yox isə qəbul olunur. Sabah etimadnamə komisyonu və başqa komisyonlarda
saat 11-də buraya cəm olsunlar. Rica edirəm gələcək məclisin vaxtını müəyyən edəsiniz. (Səslər: Heyəti rüsa
təyin edər). Qalıb bir məsələ: əfvi-ümumi istizah barəsində. İstizah hər kim bunun təxiri tərəfdarıdır əlini
qaldırsın. (Mərkəzdən: Şimdi əksinə). Rica edirəm, mane olmayasınız, hər kim bunun əleyhinədir əlini
qaldırsın. Deməli, məsələ keçmədi, qalır.
Məclis saat 4.20 dəqiqədə qapanır.
Arxiv: f.895,siy. 1 ,iş. 1, vər.50-57.
61
№ 6
Altıncı iclas
30 dekabr 1918-ci il
Məclis saat 1 tamamda doktor Həsən bəy Ağayevin sədarəti və Əhməd Cövdətin katibliyi ilə açılır.
Sədr - Parlamentin iclası açılır. (rusca tərcümə). Bu günkü ruznameyi müzakirat heyəti rüəsa tərəfindən belə
tərtib verilmişdir:
1.Parlament əzasından Mehdi bəy Hacıbabəyov ilə Hacı Kərim əfəndilərin hərəsinin 10 gün məzuniyyət
istəməsi; 2.Gürcüstan parlamentinin təbriki; 3."Əhrar" fraksiyasıın ərzi-halı; 4.Son həbslər haqqında istizah;
5.Əfvi ümumi layihəsi; 6.Sair məsələlər.
Fəqət ruznamədəki məsələlərin müzakirəsinə şüru" etmədən əvvəl ərz etməliyəm ki, əfv ümumi layihəsinin
müəllifləri onu yenidən nəzərdən keçirərək, yenidən tərtib vermək üçün geri götürmüşlərdir. Şimdi bu
ruznaməyə etiraz yoxsa, qəbul edəlim.
Əhməd bəy (yerindən) - Rica edərdim bir kaç söz müsaidə buyurasınız.
Sədr - Buyurunuz, buyurunuz.
Əhməd bəy - Əfəndilər! Qəzetdə general Tomsonun son bəyənnaməsini oxudunuz və əhəmiyyətini təqdir
etdiniz. Bu bəyənnamə həqiqətən şayani təqdirdir. Bunun bu gün bizim üçün nə qədər əhəmiyyəti olduğu
məlumdur. Onun məzmunu millət və hökumətimiz üçün şayani təbrik bir müvəffəqiyyətdir. Daha Ənzəlidə
Müttəfiq dövlətlərin nümayəndələri ilə müzakirə olunarkən Azərbaycan bəzi müşkülat çıxara bilərdi. Və öz
paytaxtını müdafiə müqtədir bir halda idi. Fəqət Azərbaycan üç böyük dövlət ilə qovğa etmək fikrini hələ
ibtidaidən bərtərəf etmişdi. Çünki bu dövlətlər böyük müharibəyə girmədən əvvəl ufaq məmləkətlərin azadlığı,
onların hüququnu müdafiə uğrunda müharibəyə girişdiklərini mütəmadiyən elan etməkdə idilər. Daha sonra
məzkur hökumətlər Amerika cəmahiri müttəhidəsi rəisi-cümhuri cənab Vilsonun dünyaya atmış və bəşəriyyətə
təbəşşür etmiş olduğu 14 maddəni kəndilərinə şüar
[140 - 141]
və bir bayraq edərək meydana çıxarmışdılar.
Binaən-ileyh İngiltərə, Fransa və Amerika nümayəndələri Ənzəlidə müzakiratda bulunan zaman biz bilirdik ki,
gəldikləri yerlərdə yaşayan kiçik millətləri əzmək üçün deyil, o millətlərin haqq və mövcudiyyətlərini təmin
edəcəklərdir. Biz buna əmin idik. Ona görədir ki, azərbaycanlılar hələ Ənzəlidə ikən qovğayi birtərəf edərək
müttəfiqlərin şərəf və namusuna inanıb da vətənimizin geniş bucaqlarını onların üzərinə açdılar. Onlar burada
bulunurlar. Mən bunu qeyd etmək istəyirəm ki, müttəfiqlər qüvvəsinin rəisi general Tomson bu vaxtadək
Ənzəlidə vermiş olduğu sözlərin heç birindən inhiraf etməmişdir. Rəisi-vükəla dediyi kimi bizə rəayət etmişdir.
Bizə verdiyi sözlərin heç birisinə əks iş görməmişdir. Bu yolda general Tomsonun son bəyənnaməsi sözlərimin
doğruluğunu isbat etdi. Tomson cənablarının bəyənnaməsindən iki nöqteyə parlament əzalarının diqqətini cəlb
etməyə, bu iki mühüm nöqtənin bütün parlament və millət tərəfindən qeyd edilməsini təmənna edirəm. Tomson
cənabları Azərbaycan dairəsində qanuni və məşru" bir hökumət olmaq üzrə yalnız Azərbaycan hökumətini
tanıyır. Və ona kömək, yardım, müavinətdə bulunacağı qeyd edilir. Əfəndilər! Azərbaycan milli mövcudiyyətin
mühafizə yolunda bu birinci qədəmidir. İşbu birinci qədəmi biz təbrik ediriz. (Alqış). haqq heç vaxt payimal
olmaz. Müttəfiqlər nümayəndələri hələ Ənzəliyə gələrkən bizim barəmizdə böhtani və iftira ilə zəhərlənmiş və
başqa bir fikirdə idilər. Amma yalnız gələrkən bizi başqa bir şəkildə gördülər. gəlib yaxından tanıdılar. Sülh və
müsalimət hanki tərəfdə olduğunu anladılar. Bizi tanıdılar. Şimdiki müttəfiqimiz də haman bundandır. Bizə
qarşı çıxarılan süni cəbr və provakasiyaya cavab verdik, çünki haqlı olduğumuza əmin idik. Şimdi də nəticəni
görüriz. Azərbaycan istiqlaliyyəti yolunda köksümüzü gərərək daima eyni mətanət, eyni əzmkarlığımızı
göstərərək müstəqil yaşamağa layiq və müstəhər olduğumuza səbat edəcəyiz. (Alqış).
Məmməd Əmin Rəsulzadə - Möhtərəm Əhməd bəy həzrətləri tərəfindən şayani-qeyd görülən məsələlər
həqiqətən calibi diqqət və məclis tərəfindən qeyd olunacaq mühüm məsələdir. Daha ingilis və sair müttəfiqlər
qoşunu paytaxtımıza daxil olan zaman Azərbaycan paytaxtında yaşayıb da "Azərbaycan" fikrinə
[141 - 142]
muariz və qüvvəyə tabe olaraq məqami-təslimdə bulunanlardan kənardan başqa bir qüvvə gəlir ki, ruhlanıb
tərizə başladılar. Bir çox ünsürlər və onların gəlməsindən bir ruh alaraq Azərbaycanın kökünü baltalamağa
başlamışlar. Əhməd bəy kimi azərbaycanlılar özlərinin haqlı olduqlarına və müttəfiqlərin öz qövllərinə sadiq
qalacaqlarına əmin olduqlarından Azərbaycan paytaxtında baş qaldıran intriqadan müztərib idilərsə də lakin
naümid deyildilər. Lakin nə qədər ümid varlıq hasil olsa da bundan belə Azərbaycanı tanıyanların artıq bir daha
iş körməyəcəklərinə inanmaq səhvdir. Əvvəlinci günlərdə biz burada xof ilə rica arasında idik. Biz ozümüzün
haqlı olduğumuza görə ixtilal çıxarmağa qadir idiksə də yenə ixtilal çıxarmadıq, zira ki, hüququmuza əl
uzadılmayacağına inanırdıq. Lakin əhvalın belə olduğunu yalnız iş başında duranlar, yalnız siyasilər bilirlər.
Amma cəmaət, cəmaətin böyük kütləsi əhvaldan bixəbər olduğundan Azərbaycan fikri əleyhinə də bulunanların
hərəkətlərini görüb şübhədə idilər. Müttəfiqlərin vürudindən sonra birinci hərəkətlər şübhəyi daha da artırdı.