76
MƏLUMAT MÜBADİLƏSİ VƏ MÜZAKİRƏSİ
Şagirdlər işlərini təqdim edirlər. Müəllim şagirdlərdən alqoritmin hansı addımında çətinlik çəkdiyini
soruşub izahat verir:
– Nə üçün uşaqların bəziləri qovluq yarada bildi, bəziləri isə çətinlik çəkdi? (Çünki hamı alqoritmi düzgün
yerinə yetirmədi.) Qovluqda nələri saxlamaq olar? “My documents” qovluğunda hansı qovluqlar var? Bu
qovluqda nələri saxlamaq olar?
ÜMUMİLƏŞDİRMƏ VƏ NƏTİCƏ
Müəllim şagirdlərin cavablarını ümumiləşdirib, onların fəal iştirakı ilə nəticələr çıxarır:
1. Kompyuterdə lazım olan informasiyanı rahat tapmaq üçün qovluqlardan istifadə olunur.
2. Kompyuterdə saxlanılan müəyyən informasiyalar qovluqlarda qruplaşdırılır.
3. Qovluqlarda mətnləri, şəkilləri, musiqi və videomaterialları, oyunları, proqramları və başqa obyekt-
ləri saxlamaq olar.
4. Qovluğu iş masasında və başqa qovluqların içində də yaratmaq olar (bunun üçün boş yerdə siçanın
sağ düyməsini basıb, açılan siyahıdan New-Folder komandasını seçmək lazımdır).
5. Hər bir qrupun adı olduğu kimi, qovluğun da adı olur.
6. Qovluğun adı, adətən, onun tərkibini əks etdirir. Məsələn, “Şəkillər”, “Musiqi”, “Oyunlar”,
“Yazılarım”. Qovluqları yaranma tarixi ilə də adlandırmaq olar. Məsələn, “10-03-2010” və s.
7. Belə qovluqlarda saxlanılan informasiyanı asanlıqla tapmaq olur.
Müəllim dərsin əvvəlində tədqiqat sualına aid irəli sürülən fərziyyələrə qayıdır və onları uşaqlarla birlikdə
əldə edilən yeni biliklərlə müqayisə edir.
YARADICI TƏTBİQETMƏ
İş dəftərindəki 1-3-cü çalışmaların yerinə yetirilməsi.
QİYMƏTLƏNDİRMƏ
Müəllim müşahidəyə əsasən aşağıdakı meyarlar üzrə formativ qiymətləndirmə apara bilər.
№ Meyarlar
Yaxşı Orta Zəif
1
İş masasında yeni qovluq yaradır.
2 Qovluğu adlandırır.
3 Qovluğu açır, qapadır.
4
İş masasında qovluğun yerini dəyişir.
5
İş masasında xüsusi qovluqları tanıyır.
Ev tapşırığı. İş dəftərindəki 4, 5-ci çalışmaların yerinə yetirilməsi.
77
Dərs
20
/ Mövzu:
PAINT PROQRAMI
MOTİVASİYA
Müəllim: – Kompyuterdə hansı işləri görmək olar? Siz keçən il kompyuterdə hansı proqramda şəkil
çəkmisiniz? Paint proqramın pəncərəsi hansı hissələrdən ibarətdir?
Müəllim proyektordan (və ya dərslikdən) istifadə edərək, Paint proqramının pəncərə hissələrini şagirdlərə
xatırladır. Müəllim kompyuterdə kiçik ölçüdə şəkil çəkir. Onu çapda necə görünəcəyini göstərmək üçün
File-Print Preview komandalarını verir. O sual verir: – Bu şəkildə nə
xoşunuza gəlmir? (Ağ yerlər çox qalıb, şəkil çox kiçik görünür.) Şəklin
yaxşı görünməsi üçün nə etmək olar?
Şagirdlərin cavabları dinlənilir. Lövhədə tədqiqat sualı və şagirdlərin fərziy-
yələri yazılır.
Tədqiqat sualı:
Qrafik redaktorda çəkilmiş səhifənin ölçülərini və istiqamətini necə müəyyən etmək
olar? Onu dəyişdirmək üçün nə etmək lazımdır?
TƏDQİQATIN APARILMASI
Müəllim şagirdlərin fəal iştirakı ilə yeni informasiyanı şərh edir. Bu zaman o, noutbukdan və proyektordan
istifadə edərək, dərslikdəki alqoritmləri onlara izah edir. Şagirdlər kompyuterdə iş və təhlükəsizlik texnikası
qaydalarını bir daha təkrarlayırlar. Bunun üçün müəllim şagirdlərin diqqətini İş dəftərinin sonunda verilmiş
şəkillərə yönəldir. Tədqiqat zamanı o, xüsusi qayğıya ehtiyacı olan şagirdlərə böyük həssaslıqla
yanaşmalıdır. Şagirdlər cütlüklərə ayrılaraq, kompyuterdə verilmiş tapşırığı yerinə yetirirlər.
1. Paint proqramında kiçik şəkil çək.
2. Onun vərəqdə yerləşməsinə baxmaq üçün File menyusundan Print Preview bəndini seç.
3. Close düyməsini basıb proqramın iş sahəsinə qayıt.
4. Səhifənin ölçüsünü və istiqamətini müəyyən et.
5. File menyusundan Page Setup bəndini seç.
6. Açılan pəncərədən səhifənin ölçüsünü A5-ə dəyiş.
7. Səhifənin istiqamətini “portret”- ə dəyiş.
8. OK düyməsini bas.
9. Yenə File-Print Preview komandaları vasitəsilə səhifəyə bax.
Şagirdlər kompyuterdə işi bitirdikdən sonra müəllimin göstərişi ilə İş dəftərinin axırınсı səhifəsində
yerləşdirilmiş “Gözlər üçün gimnastika” təmrinlərini yerinə yetirirlər.
DƏRSİN MƏQSƏDİ
• kompyuterdə qrafik redaktorun təyinatını izah etmək;
• Paint proqram pəncərəsinin əsas hissələrini izah etmək;
• alətlərin hansı işi gördüyünü izah etmək;
• şəkli çəkmək üçün lazım olan aləti seçmək;
• Menyu zolağında lazım olan bəndləri seçmək;
• kağız vərəqin istiqamətini və ölçülərini əyani olaraq müəyyən etmək ;
• şəkil çəkilən səhifənin ölçü və istiqamətini dəyişmək.
Əsas ANLAYIŞLAR
Paint proqramı, pəncərə, menyu zolağı, alətlər qutusu, rənglər qutusu, səhifənin ölçüsü,
səhifənin istiqaməti
Dərsin TİPİ
Empirik (praktik)
İstifadə olunan
İŞ FORMALARI
Bütün siniflə iş, cütlərlə iş
İstifadə olunan
ÜSULLAR
Müsahibə, mini mühazirə, kompyuterdə praktik iş
Fənlərarası
İNTEQRASİYA
H-b. – 4.2.1, T-i. – 2.2.1, 2.2.3, Tex. – 4.1.1
Təchizat
Kompyuter otağı, noutbuk, proyektor, iş vərəqləri
Proqram təminatı
Paint qrafik redaktoru