Microsoft Word qafqaz albanlar-duzelishli doc

 
142 
Zera egər ki, xaçan bu zaman bütün dünya, yer u kök bir 
yerdə parexosel bolıyırlar, işitməsənq, dağın xaysı zamanda 
yığıştırgaymen barçasın? 
Zera egər ki negincə alğasalanıyırlar tensizlərninq böləkləri 
comartlıxına başxışlarınqnınq seninq, da tek yalğz alğış sunı-
yırlar, na egər ki hali almasam, na, xaçan tərəzügə xoysanq, ne 
türlü bolğaymen alma? 
Da xaçan ki çaxırıp aytıyırlar: «Yarlığa seninq yaratkan-
larınqa»,– manqa ülüş berməsənq, xaysı özgələri bilə bolgay-
men alma?  
Xaçan toğru buyruxunqa körə seninq arınmasam bütün 
dünya bilə ari xanınq aşıra seninq, sonqra kim je meni arıtkay? 
Zera bolmandır men xutulma kendi uçınoklarım bilə, da ne özgə 
zaman tapma vaxtnı alğışka sanqa yöpsünövlü, evet bu zamanğa 
tözdüm ki, başxışlarınqa arzani tapulğaymen boşatlıxına yazıxlarnınq. 
Yənə də xolıyırmen erincəklikim üçün menim, kləsə ki, senimqki 
hadirdir, evet inanırmen alma yalğız sendən, tüşkən barça yaxşı 
əməldən. Da artıx bu fikirdə toxtattım, kendi kendimninq biyəncli bilip 
zamannı, xolarmen sendən, Biy, bolmağay ki hali də boş xaytarğaysen 
meni ölçüvsüz başxışlarınqdan seninq, Biyim, xaçan axıyır, necik rıka 
toluluxundan tenqizninq, ululuxunqnunq başxışları, xaysılardan ki 
manqa da bir tamcı yetkincədir, zera seninq azğına bergəninqninq 
ölçüvsüzdür ululuxu da artıxtır, ne ki terənliki tenqizninq. Zera egər ki 
saçılmaxında günəş yarıxınınq yarıxlanmasam, kecə ne türlü bolğay 
yarıxlanmağa?Da xaçan ki müft onqaltucı yuvuxsen da tirlik 
hakimlikin berməsənq, dağın xayda tapkaymen hakim? Egər ki ölüdən 
turğanınqa yoluxup ölsəm, meni kim turğuzğay? 
Egər ki sen, ki tarbiyatınqdan xocalatuçısen, miskinlikimni 
kötürməsənq, na xaysına dağın barıyım xocalardan? Egər ki xan-
lıxınqa seninq tüşüp bolmasamda bunqar dek hanuz tutsa meni bu-
yruxcısı bu dünyaninq, dağın xaçan xarşı turucımnı sürsərsen? Xa-
xıyırmen hali zera açıxtır eşikinq, ber prespekenstvonu ki, algaymen. 
Eminliki bilə dünyaninq, xaysı ki beriyirsen, ber manqa da 
eminlik xalabalıxlarından kendi xılınganlarımnınq. Eminliki bilə 
yığövnünq toxtat teprəngən canımnı menim. 

---

 
143
Kahanajabedlər bilə da kahanalar bilə, sargavarklar da tıbir 
da barça uxdu bilə surp yıxövnünq közətüci xuvatınq bilə seninq 
meni də kölgənq tibinə seninq berkəytkin. 
Padşahlar da buyruxçılar, hetmanlar da jolnerlər bilə meni 
də yenqüci etkəysen körümsüz duşman üsnə. 
Keçkənlər inam bilə dünyadan anqğın meni də, Biy, yazıx bilə 
ölgənni, xaysıların ki, çıxarıyırsen terənlikindən antuntknunq, alar 
bilə  çıxar meni də yamannınq zındanından miçnortluxu bilə ari 
teninqninq da ari xanınqnınq seninq. 
Atağa seninq menim üçün də bolğaysen parexos, inam aşra 
meni də toğru etkəysen, necik xaraxçını, zera men də inanırmen, 
Biy, xanlıxınqda seninq anqğın meni də. 
Etkin erkinqni Atanqnınq seninq, zera anınqdır kləgəni ki, 
kimsə tas bolmağay. Ol igitlər bilə turğuzğaysen meni də, xaysıla-
rın ki turğuzsarsen alnına Atanqnınq seninq. Uludur yarlıxamaxlıx, 
da anı kliyirsen dağın artıx, ne ki bütöv xurbanınq, etkin sen də 
yarlıxamaxlıx. 
Bilirmen ki, ölçüvsüzdür seninq yarlıxamaxınq, evet men 
kendimninq yamanlıxlarımdan xorxıyırmen ki, boş  çıxarmağaylar 
meni andan ya yarlıxamaxınqdan. Arzani etkin meni hali da 
şükürlənm yarlığamaxınqdan seninq. 
Şükürlümen sendən, Biyim ki, arzani ettinq meni körümünə ari 
teninqninq da ari xanınqnınq seninq. 
Şükürlümen ki, titrövlü da xorxulu işittim alğış avazın. 
Şükürlümen ki, seninq Tenqrilik gələcilərinqni işittim. 
Şükürlümen ki, taşlanmadım seninq sözündən, necik kazan 
sürülgən. 
Şükürlümen ki, canımnı umsa bilə toldurdunq da yürəkimni 
fərəhlik bilə. 
Ne türlü alğışnı ya xaysı  şükürlüknü sanqa sunğaymen, egər 
arzani etsənq meni tirlik ötməkinə da ölümsüz pajagınqa seninq? 
Zera egər ki alar, xaysıları ki tek kördülər, san aldılar sendən, könü 
bilücidən, xaysı sanlıxnı tapmağaylar, kimlər ki ülüşlü bolıyırlar. 
 

---

 
144 
Zera egər ki ol, xaysı ki seni, sözün Tenqrininq, aytovsuz 
adam tilinə, toğurdu da san berdi kendi kendinə, xaysı ki toğru 
sanlıdır, ne xadar sanlıxka 
bolğaylar arzani, xaysıları ki hər kez seninq ari teninqni da 
ari xanınqnı ujıvat etiyirlər! Da bu başxış sendən dağın yo-
harıdır, ne ki estən da axıldan dügül yalğız yerdəgilərninq, yoxsa 
köktəgilərninq də, xaysı ki titrəp seskəniyirmen, bolmağay ulu-
luxuna körə bununq kləgəysen oxşaşlı arzanilikində. 
Da bu belgili körümdür ki, dərman yoxtur bunqar manqa. 
Zera egər ki arilərgə xorxulu basxışlar bilə, ne türlü bolğay men 
murdarğa? 
Egər serovpelər da kerovpelər yüzlərin yapıyırlar, men ne 
türlü harsız sürət bilə baxkaymen? 
Egər ki kök olturğucunq seninqdir da yer podnojokudur 
ayaxlarınqnınq seninq, men ne türlü sıxınma sanqa menim 
içimdə smit etkəymen? 
Egər ki sen barçanı toldurıyırsen, men ne türlü kendimdə xa-
bul etməgə umsa tutkaymen? 
Egər yergə baxsanq, berirsen titrəmə bunqar, yuvuxlasanq 
tağlarğa, na tutuşurlar, menim xaysı xuvatım turğay alnınqa 
seninq? 
Yamandırmen, ya manqa bu arilikkə yuvuxlanma da 
sərgərdanlıxtır yıraxlanma, a zvlaşça ki, toğru sımarladınq aytпp: 
«Egər ki xaysı yeməsə tenimni menim, tirliki bolmastır boyunda 
kendininq». Oşta belgili vıznavat etiyirmen ki, men ölgənmen da 
seninqdir meni ölüdən turğuzma. 
Yoxtur manqa da ni heç də bununq içində fikir etmə arza-
nilikimni menim. Sen baxkın, yapuxlar bilüci, ber da onqarğın 
arzanilik bilə bundan sonqra Atağa seninq yalbarma (Sonradan 
əlavə edilib). 
Kləsə ki dügülmen arzani, necik yaraşır, yoxsa ne xadar da esə 
yoluxkaymen anınq adam sövüklükünə da haybatlağaymen seni 
Atanq bilə seninq barçadan xuvatlı, da barçadan ari, da könü Ari 
Canınq bilə hali da hər kez da menqi menqilik. Amen. 
 

---