178
qabağından qaçdı. Xadimlərdən heç biri onu müşaiyət edə bilmədi.
Onunla yalnız ölkəmizə gəlmələrdən hündürboy və qüvvətli bir ər,
iranlıların qabaqcıl Qad Vişnasp adlı birisi gedə bildi.
Düşmənlərin basqınına keçilməz Arsax vilayətinin qayalı
dağları və daşlı dərələri də dözə bilmədi. Bizim günahlarımız ağır
yolları onlar üçün yüngül etdi və onların atları büdrəmədən dağları
asanlıqla aşırdılar.
Düşmənlər katolikosa çatıb oxlarını ona tərəf tuşladılar. Lakin
özüylə danışdığı Müqəddəs Xaçın anılmaz bərəkəti onu
düşmənlərdən qorudu və o gün ona düşmən əli dəymədi.
Gün batıb qaş qaralanda düşmənlərdən canlarını qurtaranlar
ibadət edib Allaha yalvarırdılar ki, onları gecənin zülməti bürüsün və
o gecə böyük katolikosun və bütün sağ qalanların üzünə nicat yolları
açılsın. Yenə də onun yanına düşmən elçiləri gəlib ona Şadın bu
sözlərini çatdırdılar: “ Mənim dediklərimə əməl etsən onda sən özün
də, sənin ölkən də və ölkəndə kim sağ qalıbsa – hamınız xilas
olunarsız. Əgər rədd cavabını versən, onda mənim əmrimlə səni
tutub istədiyindən asılı olmayaraq yanıma gətirəcəklər”.
Katolikos Viro bu böyük ölkənin bütün adlı- sanlı adamlarını,
çar nəslindən olan bütün zadəganları, vilayət valilərini, kəndxudaları,
keşişləri və məmurları Caraberd qalasına, öz yanına çağırıb onlara
dedi: “ Ərlər və qardaşlar! Başımıza gələn bu dəhyşətli fəlakətləri siz
özünüz görürsünüz. Siz hamınız günahlarımız ucbatından üzərimizə
göndərilən amansız və doymaq bilməyən və başımızın üstünə qalxan
179
qılıncın qorxu və dəhşətindən dadmısınız. Və budur çaşıb qalmışıq
və bilmirik haraya gedək və bu düşmən əlindən haraya qaçaq?
Deyiniz görək, onlar dediyi kimi edək ya yox? Bilməlisiniz ki,
onların əlindən ölmək günümüz gözümüzün qabağındadır. Fikirləşin
və vaxt itirmədən mənə cavab verin və əgər mən bu cavabda bir
fayda görsəm sizinlə razılaşaram. Məni elçi tələsdirir. O isə sadə
adam deyil, düşmən qoşunu arasında böyük adamdır və Şad
şahzadənin lələsi və mürəbbisidir”.
Katolikos sözünü bitirdikdən sonra orada toplananların
hamısı bir ağızdan dedilər: “ Nə üçün, ey ağamız, biz bədbəxtləri ələ
salırsan? Məgər aramızda müdrikliklə və öyüd – nəsihətdə səndən
ağıllısı varmı? Sənin yanında ağzını açıb ağıllı sözləri kimdeyə bilər?
Belə halda əgər insansevər Allah bizə mərhəmətini göstərsə,
xeyirxah ata kimi özünü bizim yolumuzda fəda et ki, biz də nə qədər
qüvvəmiz bizə imkan versə sənin yolunda canımızı qurban edərik!”
Katolikos onlara dedi: “ Allahın köməyilə onların qəzəbindən
qorxmuram. Ancaq siz gərək mənimdediyimi edəsiniz. Qoy sizin hər
biriniz imkanınıza görə qızıl, gümüş və qiymətli geyim şeyləri
gətirsin. Və heç biriniz xəsislik etməsin, çünki bu hədiyyələrlə biz
onların könüllərini alarıq”.
Bu sözlərdən sonra onların hər biri istənilən şeyləri onun
yanına gətirdi. O, özü də öz xəzinəsindən çoxlu onlara layiq hesab
etdiyi şeylərini ayırdı. Yanına gələn şahzadənin mürəbbisindən
Xəzər qoşunları arasında bütün əyanlarının, sərkərdə və knyazlarının
180
və qəbilə başçılarının adlarını və rütbələrini öyrəndi ki, kimə nə kimi
hədiyyə versin. O, hədiyyələri bölərək, bağlamanın üzərində adlarını
yazıb öz möhürü ilə möhürlədi. Sonra o, əmr etdi ki, hədiyyələri
arabalara yığsınlar və orada olanlara dedi: “ Mən hesab edirəm ki, bu
rəiyyətlərdən başqa, siz əyanlar da məni yadlar düşərgəsinə müşaiyət
etməlisiniz ki, onlarda bir şübhə oyatmasın və hesab etsinlər ki, biz
onlara doğrudan da tabe olmuşuq”.
Bunu eşidəndə onların bəzisi könüllü olaraq katolikosla
birlikdə xəzərlərin yanına getdi, bəziləri isə qorxaraq getmədi. O,
onları məcbur etməyib azad buraxdı, onunla gedənlərə isə dedi: “
Övladlarım, özünüzə ürək verin, qorxmayın! Bizim rəhbərimiz
həqiqətin Müqəddəs Ruhu, Musa peyğəmbərin əsası və İsanın
Müqəddəs Xaçının bərəkətidir və onlar coşan dənizin ləpələrini
bizdən uzaq edərlər”.
Onlar yerlərindən tərpənib yola düşdülər. Dağlararası dərələri
keçib Uti vilayətinin gözəl, hamar və bərəkətli düzənliklərinə enəndə
orada Şadın o qədər əsgərləri var idi ki, onlar doğma yerləri tanıya
bilmədilər.Vaxtilə yəhudilər Qırmızı dənizin ortasından keçən kimi
1
indi də xəzərlərin qoşun dəstələri aralanıb onlara şahzadənin çadırına
yol açdılar. Onlar şahzadəni vilayətin şimal tərəfində, böyük Bərdə
şəhərinin, gur suların yanında salınmış düşərgəsində tapdılar. Şadın
yanına çatanda onlar gördülər ki, o, öz əyan və sərkərdələri
arasındadır. Biz
105
onların çadırının içində bardaş qurub oturduklarını
1
Bax: İncil. Xuruc, XIV, 22 və sonrakılar.
181
gördük, elə bil ağır yüklənmiş dəvələr oturmuşdu. Hərəsinin
qabağında natəmiz heyvanların ətilə dolu bir qab və ya yanında duzlu
su ilə dolu ayrı qab var idi. Əti suyun işinə salıb yeyirdilər.
Qabaqlarına Tiflisdən apardıqları gümüş və zərli qab və badələr də
düzülmüşdü. Onların əllərində buynuzdan düzəldilmiş badələr və
uzun taxta qaşıqlar da var idi ki, bunlarla da onlar şorbalarını
içirdilər. Həmin kirli, yuyulmamış və üstündən yağı
106
silinməmiş
qaşıq və parçlarla onlar acgözlüklə təmiz şərabı və ya dəvə və at
südünü öz doymaq bilməyən tuluğabənzər qarınlarına tökürdülər və
demək vacibdir ki, bir qabdan və parçdan iki – üç nəfər istifadə
edirdi. Qabaqlarında bizdə olduğu kimi saqilər, arxalarında isə
nökərləri yox idi, hətta şahzadənin də. Yalnız qalxanlar və nizələrlə
silahlanmış və diqqətlə şahzadənin çadırının keşiyində duran qarovul
dəstələri var idi.
Albanların katolikosunun ardınca birinci və ikinci qarovul
dəstələrinin yanından keçirib çadırın içinə hədiyyələrlə birlikdə
buraxandan sonra, onların qabağına xəzərlər çıxıb əmr etdilər ki,
hamısı yavaş – yavaş yeriyib üç dəfə təzim etsinlər. İkinci girişin
qabağında hamını saxladılar və hədiyyələri götürüb təkcə katolikosla
iç çadıra, şahzadə olan yerə daxil oldular. Katolikos içəri girib onun
qabağında yeri öpdü və hədiyyələri ona təqdim etdi. Hədiyyələrin bir
hissəsini şahzadənin yanənda olan əyanlara payladı.
Şad hədiyyələrini katolikosun öz əllərindən aldı. O, bu qədər
çoxlu adamlarla gəlməsinə sevinib əmr etdi ki, katolikos çadırda
Dostları ilə paylaş: |