166
Ərdəşir şəhərin yanında, Dəclə çayının üzərində olan körpünün
başında, öz sadiq mühafizə dəstələri ilə qorunan atası Xosrovun
qaldığı Mədain sarayı ilə üzbəüzdə yerləşdirdi. Qubadın sağ və
solunda ucadan qışqıran carçılar gedirdilər. Onlar: “ Qoy bütün həyat
sevənlər və öz günlərini firavan keçirmək istəyənlər yeni şahı,
Qubadı təbrik etməyə tələssin, çünki, odur şahlar şahı!” – sözlərini
təkrar edirdilər.
Unutma Qəsrinin ( Anhuş) darvazalarını açıb onlar uzun illər
zindanda qalan şahın bütün saysız – hesabsız dustaqlarını azad edib
dedilər: “ Çıxın bayıra, ey Xosrovun bədbəxt məzlumları! Sizin
həyat qapılarınızı yenicə taxta çıxmış onun oğlu Qubad açmışdır!”
dustaqların zəncirləri qırıldı və onlar azadlığa çıxıb Qubada xeyir –
dua edərək ucadan: “ Qoy şah həmişə var olsun!” – dedilər. Bundan
sonra onlar şahın tövlələrinə girib və əl – qolları zəncirli olmalarına
baxmayaraq, Xosrovun seçmə çapağan atlarına minib sarayına
hücum etdilər. Saray alaylarının, çar mühafizəçilərinin çoxu və
Xosrovun adını daşıyan xüsusi saray qoruyucuları bölməsinin
adamları Qubadın tərəfinə keçmələri əlaməti olaraq sinələrindən öz
nişanlarını çıxarıb şahın oğlu Qubadın nişanlarını taxdılar. Qubadın
adamları sarayda qalanlara xəbərdarlıq etdilər ki, onlar Xosrovu
tutub yaxşı qorusunlar. Əks halda onları ölüm gözləyər.
Xosrov səs – küyü eşidəndə yanındakılardan soruşdu: “ Bu nə
səs – küydür?” Onlar isə cavab tapmadıqları üçün susurdular. Amma
səslər və şeypurların gurultusu daha da yaxınlaşdı və Xosrov yenə də
167
soruşdu: “ Bu nə qarışıq səslərdir?” Və onlar belə cavab verdilər: “
Sənin oğlun Qubad sənin yerinə şah olmaq istəyir və hamı onun
ardınca gedir. Onun adamları çayın sahilində şəhərlə üzbəüzdədir və
onlar sənin əmrinlə zindanlarda saxlananların hamısını azad etdilər.
Onlar da ürəkdən sevinir, Qubada xeyir – dua edir və onu şah
adlandırırlar”.
Xosrov bu məhvedici və xüsusən dustaqların buraxılması
haqqında xəbərləri eşidəndə ah – vayladı, nalə çəkdi, zarıldadı,
qışqırdı və vurnuxdu. O bilmirdi və yalnız onun üstünə hücum edən
nəhəng ordunu görürdü.
O, saraydan çıxıb öz bağının qapısı tərəfə gedərək ağacların
arasında gizləndi, qorxudan canı qısıldı, ürəyi düşdü. Artıq onun
gözləri başının üstündəki amansız qılıncı görürdü.
Bundan sonra xalqın böyük dəstəsi sarayı dövrəyə aldı və şahı
axtarmaq üçün ayrılanlar onu ümidsiz halda gizləndiyi yerdə tapdılar.
Onu saraydan çıxarıb “ Hindular köşkü”
85
adlanan və Maraspand adlı
qəsrdə yerləşən binaya
86
gətirdilər. Biləndə ki, o haradadır və binanın
sahibi kimdir, Xosrov əlini sinəsinə vurub inildədi: “ Mən bədbəxtin
halına bax! Mən fal açıb gələcəkdə hindlilər arasında Maraspanda
tələyə düşəcəyimi mənə deyən falçılarln sözü düz çıxdı və doğrudan
da bəlaya düşdüm, ancaq burada, Hindistanda, yox!”
Onu bir gün orada saxladılar və ertəsi günün sübhündə başını
qılıncla bədənindən ayırıb onun şərinə son qoydular. Öz
qardaşlarının əl – qollunu və ayaqlarını sınıq – sınıq edən Qubad
168
onları şikəst hallarında sağ qoymaq istəyirdi. Lakin çoxlu
şikayətlərdən sonra onların hamısını öldürtdü.
Qubad atası Xosrov şahın yerini tutub
87
bütün şahlıq və
rəiyyətlər üçün çox xoşxasiyyətli və mərhəmətli hökmran oldu. O,
qonşu padşahlarla barış yollarını axtarırdı. O, atasının saray
zindanlarında məhbus etdiyi bütün adamları öz evlərinə buraxdı və
ölkəsinin bütün vilayətlərinə fərmanlar göndərib hamıya bildirdi ki,
hamı xoşbəxt və bəxtəvər ömür sürsün. O,öz ölkəsinin bütün
yerlərində üç il ərzində hamını bütün şah vergilərindən azad edib
çalışdı ki, onun şahlığı dövründə heç kəs belinə qılınc bağlamasın.
Lakin iğtişaş və həyəcanlı vaxtlarda törətdiyimiz günahlar
tələb edirdi ki, biz hökmransız qalaq, Qubadın bütün niyyətləri
nəticəsiz və fani oldu. Yeddi aydan sonra onun həyatı sona yetdi,
atasını öldürən onun yanına getdi, padşahlıq Sasan oğullarının
əllərindən alınıb İsmayılın oğullarına
88
verildi.
ON ÜÇÜNCÜ FƏSİL
Sasani Xosrovun nəslindən olan Mehranilər
sülaləsi Albaniyanın hakimi olur
Etibarlı və gerçək tarixçilərdən öyrəndik ki, İran şahının
qohumlarından olan Bindoy və Bistam qardaşları Xosrovun atası
169
Hörmüzdün əleyhinə üsyan edib onu öldürdülər və sonra
qohumlarından biri ilə öz qardaşı oğulları olan Hörmüzdün oğlu
Xosrovla birlikdə Bəhram Çubinin əlindən qaçıb Bizansa, imperator
Mavrikinin yanına gəldilər. Mavriki Xosrovu özünə kürəkən edərək
90
onu geriyə göndərdi və o, vətəninə gələrək öz şahlığını əlinə aldı. Bir
çox illər keçdikdən sonra Xosrov iki əmisini Bindoyu və Bistamı və
onların nəslindən altımış nəfərə qədər öldürüb öz atasının intiqamını
aldı.
Bundan sonra Xosrovun qohumu Mehran
91
qaçıb ona sadiq
olan ölkənin vilayətlərini öz hakimiyyəti altına aldı və Albaniyaya
getdi. O, özüylə 30 min ailə aparıb böyük Bərdə şəhərinin
yaxınlığında Uti vilayətinə daxil oldu və sonra xəzərlərin ölkəsinə
gedərək İranın bu düşmənlərinə qoşulmaq istədi.
Xosrov şahın əyanları onu məzəmmətləndirərək dedilər: “ Nə
üçün sən öz qohumun olan Mehranla maraqlanmırsan? Axı o, səndən
qorxaraq, düşmənlərinin yanına gedərək onları sənin əleyhinə
qaldırır”. Bundan sonra Xosrov təcili olaraq Mehrana belə belə
məktub yazır: “ Qardaşım! Mənim sadiq qardaşım ( hərazat)!
Düşmən kimi məndən uzaqlaşma. Əgər sən mənimlə bir yerdə
yaşamağı xoşlamırsansa, bu məktub sənə çatanda nə qədər yol
getmişsənsə, Albaniyada yaşamaq üçün özünə bir o qədər torpaq
götür”.
92
Bu məktub Mehrana dərə - təpəli Girdiman vilayətində
93
çatmışdır. O. məktubu oxuyub çox şad oldu və sevindi.
Bu yerlərin mülayim təbiətinə nəzər salaraq Mehran böyük
Dostları ilə paylaş: |