180
Sənin əllərinə qalıbdır həsrət
Duyğunun, Alinin qıvrım saçları.
Bilirəm, yolun ta gedər-gəlməzdir...
Onları yuxuda ovundur barı.
Hələ inanmırlar, ölərmiş ata,
Hələ inanmırlar sənsizliyinə.
Hələ inanmırlar döyüş paltarın
Soyunub, atalar kəfən geyinə.
Elə bilirlər ki, qayıdacaqsan.
Elə bilirlər ki, dönəssən bir gün.
Ümidlə qatırlar başların hələ,
Ümidlə qoy hələ üzləri gülsün.
Ümidlə qoy hələ üzləri gülsün,
Bir sevinc çilənsin baxışlarına.
Dönüb yol daşına vaxtı gələndə,
Səni gəzənlərin çıx yollarına...
Xanəli Kərimlinin bu şeiri yazması üçün bir ildən artıq
vaxt sərf olunub. Bəlkə bu şeirə qədər də çox poetik çalar-
da ədəbi-publisistik düşüncələrdə fikirlərini ifadə etməyə
çalışıb,ancaq əsl poeziyaya gələnə qədər ağrının düşüncədən
keçən yükünü daşıyıb. Və nəhayət bu şeiri bu tarixdə qələmə
alıb - “18.10.2015”. Bəlkə də bu tarix kiməsə bir təsadüf
kimi də görünə bilər. Amma bu tarix təsadüfi tarix deyil,
Azərbaycanın dövlətçilik tarixidir.
“Kredo” qəzeti,
31 dekabr 2015-ci il.
4
İstər-istəməz Xanəli Kərimlinin “Arazın dilindən” lirik mo-
noloqu bunu deməyə əsas verir ki, bizim düşündüyümüzdən
daha artıq təsirlə, yanğıyla “Araz düşünür”. Məhz şairin də
181
məqsədi Arazlığın təlqin elədiyi hissləri açmaqdır. Araz və
Kür haqqında qədim əfsanədə onlar sevgililər kimi obrazla-
şır. Ancaq Xanəli Kərimlinin əsaslandığı əsatiri düşüncədə
Arazın və Kürün iki bacı obrazı görünür. Biz şairin “Payız
duyğuları” arasından danışan Arazın dilini, dərdini, ağrısını,
acısını daha yaxşı anlayırıq. Araz danışır:
Mən bir nazlı gəlin idim
Yüz altmış il bundan əvvəl,
Nə bir dərdim, qəmim vardı...
Qulac-qulac hörüklərim
Dağılardı bu torpağın sinəsinə,
Oxuyardım şirin-şirin...
Xoş avazım qarışardı
Dan üzünün meh səsinə.
Şeirdə-ədəbi parçada, hətta, əsərin kitabda yazıldığı tarix
göstərilməsə də, ədəbi lövhənin özündəki “yüz altmış il bundan
əvvəl” misrası bizə əsas verir deyək ki, Xanəli Kərimli bu əsəri
70-ci illərin sonlarında qələmə alıb. Bu da onu deməyə imkan
yaradır ki, ayrı-ayrı zamanların səngimələrinə şair duyğuları
sinə gəlib, xalqın birliyinə doğru yerişini mənəvi təsirlə təmin
etməyə çalışıb. Göründüyü kimi, Araz özü də tarixin çox
uzaqlıq tərəfində qalmış günlərini xatırladır, özü də həsrətlə,
yanğı ilə. Bu, o zaman idi ki, ayrı-ayrı işğalçı ölkələrin qəddar
qılıncları ilə bölünməmişdi, parçalanmamışdır. Amma Araz
həmin taleyin o xoş günlərini ötəri, şirin-şirin xatırlamalarla
yad etsə də, tezcə ağrı və dərd zamanına qayıdır. Və özünün
necə qolları zəncirli, ayaqları qandallı bir dustaq olduğunu
xatırlatmalı, yada salmalı olur:
İndi gözlərinin odu səngiyən,
Taleyi kür gəlib, bəxti ləngiyən,
Bir namərd toruna düşüb təngiyən
Qolları zəncirli dustaq olmuşam.
182
Araz səbri daşmış, dözümü tükənmiş bir obraz kimi gö-
rünür. O, doğma bacısı Kürə danışır. Arazın ricətlərindən,
Kürə ünvanlanan duyğulanmalarından onu başa düşürük
ki, deyəsən, Kür onu səbrə, dözümə səsləyir, təmkinə çağı-
rır. Biz burada Kürün timsalında bu dünyanın üzünə baxıb
necə müəmmalar içərisində çırpıntılarla, nigarançılıqlarla
çarəsizliklə dözümü, təmkini daha üstün tutan öz dünyamızı,
özümüzü görürük. Sanki Araz dözmür, ancaq biz dözürük,
çünki başqa yol görmürük. Şair o tayda haqsızlıqların necə
həddən aşdığını, qnunsuzluqların dilə,mənəviyyata başqala-
rın hüdudsuzluğunu göstərmək üçün Səməd Behrəngini xa-
tırladır:
Ay mənim pənahım,
ay ümidgahım!..
Ürək-dirək verib mənə
deyirsən ki, səbrin olsun,
axır hər şey düzələcək...
Nə vaxtadək?!
A Kür bacım, nə vaxtadək?!..
Gözüm baxa-baxa mənim
Behrəngimi öldürdülər,
Sonra mənə şər atdılar:
“Araz boğubdu”, - dedilər.
Balasını anasına boğduranlar,
Ürəklərə çalın-çarpaz dağ vuranlar,
Qapımıza böhtan daşı yağdıranlar
Bax, beləcə qara yaxır, ləkə vurur
mənim xal-xal ürəyimə.
Zəhər qatır, ağu qatır
mənim yavan çörəyimə.
Səməd Behrəngi o tay Azərbaycanda Şəhriyarla, Sə-
hənd lə, Sönməzlə mübarizlik ruhu ilə bir cərgədə dayanan
sənətkardır. Səməd Behrəngi ədəbiyyata gəlişi ilə sanki
Azərbaycan ruhunun ölməzliyinə inamı qaytardı. O, dilin,
183
sözün milli varlığın sanki qaraçuxası idi. Ona görə də şah
rejiminin “SAVAK” cəlladları onu gənc ikən Araz sularında
boğub öldürdülər. Ancaq gec idi. O, parlaq istedadı ilə artıq
az qala kül altında qalan qorları üfürüb, təzədən alova çevir-
mişdi, ocaq təzədən yanmaqda idi.
Bu gün Arazboyu Naxçıvandan ta Xudafərinə, Xudafərin-
dən Mil düzünə - Daşburuna qədər keçilən yol boyu öz
nəhrində çırpınmaqları ilə danışan Araz xalqın taleyüklü
bir ağrısının daşıyıcısıdır. Bütün sərhəd boyu hər yerdə Ara-
zın o tay sahilində biz Vətən yolunda həlak olmuş Səməd
Behrəngini görürük. .. .”Bütövlük nəğməsi”ni oxuyan,daha
doğrusu, bu nəğməni çağıracaq şən ellərin birlik yaşamını
görmək istəyini söz-söz, misra-misra anlayırıq, hərçənd ki,
Araz danışdıqca, bizə də anladır ki, kim desə, bu yaralar sa-
ğalıb, inanmayın.
Budur, həmin yanğı ilə danışan sətirlər:
A Kür bacım,
Qanını da qaraldıram hərdən sənin,
Danışdıqca oyalanır dərdim mənim:
Öz balası anasının gözlərinin qabağında
şikəst qalan analar tək
gündə bir kərpici düşən
Xudafərin körpüsünün
nisgilini ağlayıram.
Gündən-günə qabar atan,
qanı sızan yarasına
məlhəm qoyub bağlayıram-
sağalmayır...
sağalmayır...
sağalmayır...
Bu misrları ruhumdan keçirib mənə aşıladığı duyğularla
təzədən danışmaq asan olmur.
Çünki bir vaxt biz Arazın sahilində dayanıb o tayla da -
Arazın özü ilə heç olmasa səssiz-səssiz danışırdıq. Amma indi
Dostları ilə paylaş: |