32
AXC –NİN VERSAL (PARİS) SÜLH KONFRANSINA TƏQDİM EDİLƏN
SƏNƏDLƏRİNDƏ AZƏRBAYCAN XALQININ ETNİK VƏ MİLLİ
MƏNLİYİ
Yəhyayeva Xəyalə
Müsəlman Şərqində ilk respublika hesab olunan Azərbaycan Xalq Cümhu-
riyyətinin xarici siyasətinin başlıca məqsədi, Azərbaycanın müstəqilliyinin gerçək-
ləşməsindən ibarət idi. Qonşu ölkələrin Azərbaycan istiqlalını tanıması müstəqilliyin
dönməzliyinin təmin edilməsi üçün kifayət deyildi. Hesab edilirdi ki, dünyanın o
vaxtkı ən böyük dövlətləri tərəfindən respublikamızın müstəqilliyinin tanınması keç-
miş metropoliya-Rusiyanın iddiaları və birbaşa təcavüzü qarşısında önəmli rol oy-
naya bilər. Məhz ona görə də bu sahəyə birinci dərəcəli əhəmiyyət verilmiş və işin
təşkilinə ölkənin ən nüfuzlu şəxsləri cəlb edilmişdi. Həmin dövrə təsadüf edən, I
Dünya müharibəsindən sonra dövlətlərarası münasibətləri nizama salmağı qarşısına
məqsəd qoyan Versal (Paris) sülh konfransı dövlətimizin və müstəqilliyimizin bey-
nəlxalq aləmdə tanınması üçün əlverişli şərait yaratdı. (Nəsibli N 2011, 220)
İlk öncə, yeni yaranmış respublikanın konfransa və onun vasitəsi ilə də Qər-
bə təqdim edilməsi işinin təşkil olunurdu. Yəni Qərb dünyasının Azərbaycanla bağlı
məlumatsızlığı problemi və ondan doğan çətinliklər aradan qaldırılmalı idi. Müxtəlif
sahələri əhatə edən məlumatların toplanılması üçün komissiyalar təşkil olundu.
Məhz bunun nəticəsi idi ki, AXC sülh nümayəndəliyi Azərbaycanın dövlətçilik ta-
rixi, mövcud durumu və problemləri, iqtisadi-mədəni potensialı, inkişaf perspektiv-
ləri ilə bağlı çoxsaylı materiallarla təmin olunmuşdur. (Musayev. İ 2003, 138)
Qərb ictimaiyyətinə təqdim olunmuş sənədlərdə Azərbaycan əhalisinin ant-
ropologiyası və etnik tərkibi haqqında olan məlumatlar xüsusi əhəmiyyət kəsb edir.
Qeyd edək ki, bu cür məlumatlara təqdim olunmuş sənədlərin bir çoxunda rast gəl-
mək mümkündür.
1919-cu il mayın 28-də danışıqlar preziden Vilsonla görüş zamanı ABŞ
rəsmisi Azərbaycan nümayəndələrinə öz tələblərini Sülh konfransının katibliyinə
vermələrini məsləhət görmüşdür. Hələ kitabça formasında çap edilməzdən əvvəl
tələblər əlyazma halında Sülh konfransının katibliyinə təqdim edildi. Tələblərdə
Azərbaycan haqqında geniş tarixi-etnoqrafik, iqtisadi və siyasi xarakterli məlumat-
ların verilməsi konfrans iştirakçılarının Azərbaycan haqqında məlumatların ya
olmaması, ya da həddindən artıq bəsit olması ilə bağlı idi.
Versal (Paris) sülh konfransına təqdim olunan memorondumdan məlum olur
ki, Azərbaycan respublikası hökumətinin nəzarəti altında olan mübahisəsiz ərazi
837.866 kv. verst və yaxud 94.137.38 kvadrat kilometr idi. Bu da bütün Qafqazın
217.408 kv.verst və yaxud 247.376.15 kvadrat kilometr olan ərazisinin 30%-i
demək idi. (Həsənli C. 1993, 204) Lakin, bəzi mənbələrdə Azərbaycanın ərazisinin
cüzi fərqli rəqəmlərlə göstərildiyinin də şahidi oluruq. Məsələn: M. Ə. Rəsulzadə
“Qafqaz türkləri” adlı əsərində yazır: “... Azərbaycan Güney Qafqazın yerləşir.
Toplam 92.160 kv. kilometr olan (85.348) bu yer genişliyinə görə Portuqaliya, əski
Serbiya ilə bir olub, İsveçrə Respublikasının iki qatıdir” (Rəsulzadə M. 2012, 61).
33
Topçubaşov göstərirdi ki, rus statistikası Qafqazdakı müsəlman əhalisinin
sayını qəsdən azaltmasına baxmayaraq, burada onun hakim element olduğunu
gizlədə bilməmişdir. Zaqafqaziyanın 7, 6 mln nəfərdən ibarət olan ümumi əhalisinin
3, 3 milyonunu müsəlmanlar, 1, 8 milyonunu ermənilər, 1, 6 milyonunu gürcülər
təşkil etmişdir. Müsəlman əhalisinin əksəriyyəti- 2, 7 mln-u da azərbaycan
türklərindən ibarət idi(Nəsibli N. 2011, 221).
O dövr Azərbaycan əhalisi haqqında M. Ə. Rəsulzadə də maraqlı məlu-
matlar vermişdir. Müəllifə görə Azərbaycan əhalisi 3 milyona yaxındır. Bu 3 milyo-
nun yüzdə 70-i türk-müsəlman, yüzdə 20-i erməni, qalanı da rus, yəhudi, alman və
başqalarıdır. Əhalinin yüzdə 77-i köylü, yüzdə 23-ü isə şəhərlidir. Milliyətcə
əhalinin çoxu türklərdir. Türk çoxluğu əkinçiliklə, heyvan bəsləməklə yaşar. Bundan
başqa sənətkarlıq, ticarət, sənaye ilə uğraşanları da çoxdur. (Rəsulzadə M. 2012, 62)
Yenə həmin mənbədən bəlii olur ki, Azərbaycanda yerlilərdən sonra sayca
ermənilər gəlir. Ermənilər daha çox Qarabağ dağlarında (Zəngəzurda) kürdlərlə
qarışıq, bir az da Gəncə, Şamaxı, Şəki qəzalarında yaşarlar. Ermənilərdən sonra
sayca yüzdə 10-a girən milli qruplardan ruslarla ukraynlılar tuturlar. Bunların bir
çoxu şəhərlərdə, bir az da Muğan ovalığı ilə Şamaxı qəzasında yaşayır. Bir dönəm
çar onları buralara yerləşdirmişdir. Bu yerləşdirmə siyasəti indi də sürdürülmək-
dədir. Bunlarda başqa yerli azlıqlardan ləzgilər, yəhudilər, tatlar gəlir ki, daha çox
dağlarda yaşar, dilcə türkləşməkdədilər. (Rəsulzadə M. 2012, 63)
Həmin dövrdə Azərbaycan ərazisində əhalinin məskunlaşma coğrafiyasına
diqqət yetirdikdə, regionlararası fərqin olduğu açıq-aşkar görülməkdədir.
Əhalinin sıxlığına görə Azərbaycan Güney Qafqaz cümhuriyyətləri arasında
ikinci yerdədir. Bir kvadrat kilometrə 30 adam düşür. Bir sıra yerləri çıxdıqdan sonra
da (Məsələn, Bakı şəhərilə yan-yörəsində bir kvadrat kilometrə 436) əhalinin sıxlığı
yerinə görə ortalama 20 ilə 43 arasında sallanmaqdadır. Azərbaycan cinsə görə
qadını erkəyindən az olan ölkələrdəndir. Azərbaycanda hər 1000 erkəyə 855 qadın
düşür. (Rəsulzadə M. 2012, 63)
O dövr Azərbaycan xalqının etnik tərkibi və ümumiyyətlə ölkəmizdə möv-
cud olan demoqrafik vəziyyət haqqında daha geniş məlumatlara isə Sülh heyətinin
müttəfiq dövlətlərə təqdim etdikləri sənədlər arsında özünəməxsus yeri olan “Qafqaz
Azərbaycanı əhalisinin antropoloji və etnik əsəri ” (“Composition antropologique et
ethnique de la population de l’Azerbaidjan du Caucase”) adlı əsərdə rast gəlmək
mümkündür.
Əsər tanınmış antropoloq, doktor Pantuovun irqi cəhətdən Qafqaz xalqla-
rının bölgüsü ilə başlayır. Sözügedən alim Qafqaz xalqlarını 6 irqə bölür:
1. Simberik irq
2. Adriatik irq
3. Semitik irq- (burada bu anlayış təkcə yəhudiləri və semitləri deyil, eyni
zamanda qədim dünyanın yeddi antik xalqını da özündə əks etdirir)
4. Ural-Altay irqi
5. İran irqi
6. Monqol irqi.
Yuxarıda adı çəkilmiş bölgüdə Azərbaycan xalqının əsasən üç irqə aid olduğu
Dostları ilə paylaş: |