Yakuniy nazoratni topshirish bo‘yicha ko‘rsatmalar

Ushbu holatda Akay city faoliyatini tekshirish qonuniy amalga oshirilganmi? (10 ball)

Yuridik shaxsni tekshirish uchun mansabdor shaxslarda qanday hujjatlar boʻlishi zarur? Qanday hollarda tadbirkor tekshiruvchini binoga kiritmaslikka haqli? (10 ball)

Ushbu vaziyatda tadbirkor faoliyatini tekshirishda Tadbirkorlik subyektlarining huquqlari va qonuniy manfaatlarini himoya qilish boʻyicha vakil faoliyatini tahlil qiling. Javobingizni asoslantiring. (15 ball)

Akay city MCHJning harakatlari yuzasidan uning faoliyatini toʻxatilishi, tugatilishi yoki vaqtincha faoliyatini toʻxatilishi masalasini tahlil qiling. (15 ball)

Ushbu holatda tadbirkor va fuqarolarning qanday huquqlari buzilgan? Javobingizni asoslang. (10 ball)



KAZUS № 7
Xitoy Xalq Respublikasida faoliyat ko‘rsatuvchi “ALIBABA” kompaniyasi O‘zbekistonda elektron tijorat sohasida investitsiya faoliyatini olib borish maqsadida Toshkent shahrida firma nomi “ALIBABA-UZ” bo‘lgan mas’uliyati cheklangan jamiyati shaklidagi chet el korxonasini davlat ro‘yhatidan o‘tkazadi.
Ushbu korxona Yunusobod tumani davlat xizmatlari markaziga borib bevosita ushbu markaz xodimiga hujjatlarni taqdim etgan holda ro‘yhatdan o‘tkazildi.
Korxona davlat ro‘yhatidan o‘tgandan keyin qariyb bir yil o‘tgach uning ustav fondi ko‘paytirildi va bu o‘zgarishni tegishli tartibda qayta ro‘yhatdan o‘tkazish ehtiyoji yuzaga keldi. Korxona direktori kerakli hujjatlarni tayyorlab davlat xizmatlari markaziga korxonaning manzilini qayta ro‘yhatdan o‘tkazishni so‘rab murojaat etdi.
Ammo, davlat xizmatlari markazi xodimlari yuridik shaxsni qayta ro‘yhatdan o‘tkazishni rad etishdi. Davlat xizmatlari markazi xodimlari firma nomida “UZ” qo‘shimchasi borligini, bunday qo‘shimcha O‘zbekistonning davlat nomidan kelib chiqishini, bunday qo‘shimchadan foydalanish huquqiga faqatgina qonunchilikda ko‘rsatilgan korxonalar egaligini, firma nomini tanlashda qonun hujjatlari talablari buzilganligini ta’kidlaydilar va firma nomini o‘zgartirishni talab etadilar.
Bunga javoban korxona rahbari ushbu korxona qoʻshma korxona ekanligini, korxona o‘zining marketing strategiyasi nuqtai nazaridan O‘zbekistonda tashkil etilganligini bildirish uchun “UZ” so‘zidan foydalanganligini, “Investitsiyalar va investitsiya faoliyati to‘g‘risida”gi Qonunga asosan chet el investitsiyalari qonun himoyasida ekanligini, shuningdek hozirgi kunda investitsiyalarni jalb etish davlatning muhim siyosati sifatida davlat rahbari tomonidan shaxsan e’tirof etilayotganligini aytdi. Shuningdek, agarda qayta ro‘yhatdan o‘tkazish uchun ariza rad etilsa O‘zbekiston Respublikasining Ma’muriy javobgarlik to‘g‘risidagi kodeksining 215⁵-moddasiga asosan davlat xizmatlari ko‘rsatish sohasidagi qonun hujjatlarini buzish deb hisoblanishini ta’kidlab, Investor korxonaning firma nomini o‘zgartirmasligini ma’lum qildi.
Qolaversa, Oʻzbekistonda yuridik shaxs hisoblansada, amalda “ALIBABA” kompaniyasining filiali ekanligini bildirib roʻyhatdan oʻtkazish va boshqa munosabatlarda javobgar boʻlmasligni bildirdi.

1.