____________Milli Kitabxana____________
121
“Tərlan”, “Daşqın” romanları daxildir. Cəfər Cabbarlının
“Almas”, “Yaşar”, S.S.Axundovun “Laçın yuvası”, Mirzə
İbrahimovun “Həyat”, Ənvər Məmmədxanlının “Şərqin şəhəri”
pyesləri və digər bədii əsərlər də az və ya çox dərəcədə həmin
cərgəyə aid edilə bilər. Adlarını çəkdiyim əsərlər 1920 - 1950-
ci illər (1955-ci ilədək) Azərbaycan ədəbiyyatının ən çox təbliğ
olunan, oxunan, baxılan nümunələri olmuşdur və hər biri
müəllifin özünəməxsus dəst - xətti, üslubu, digər bədii
keyfiyyətləri ilə seçilsə də, sosialist realizminin vulqar
tələblərinə cavab vermək məcburiyyəti özünü göstərmiş, Sovet
hakimiyyətinin qurulması və möhkəmləndirilməsi uğrunda
mübarizələrdən birtərəfli bəhs etmişdir. Yeri gəlmişkən qeyd
etməliyəm ki, bu unisondan az - çox yayınan digər dəyərli bədii
nümunələr də olmuşdur. M.S.Ordubadinin “Dumanlı Təbriz”,
“Qılınc və qələm” romanları, otuzuncu illərdə yazılsa da həmin
dövrdə çap olunmayan Y.V.Çəmənzəminlinin “İki od arasında”
(“Qan içində”) romanı, S.Vurğunun “Vaqif”, “Fərhad və Şirin”,
“İnsan” pyesləri, C.Cabbarlının “Od gəlini” pyesi, M.Hüseynin
“Şamil”, “Nizami”, “Cavanşir” pyesləri və s.
Ötən əsrin əllinci illərinin sonu, altmışıncı illərinin
əvvəllərindən başlayaraq yaranan bədii ədəbiyyat nümunələri
isə artıq realizminin vulqar tələbləri çərçivəsindən azad
____________Milli Kitabxana____________
122
olurdular və yeni motivləri, yeni ədəbi - estetik keyfiyyətləri ilə
seçilirdilər. Ənənəvi mövzuları – inqilabi hərəkat, Sovet
hakimiyyətinin qurulması, möhkəmləndirilməsi, “sinfi
düşmənlərə”, əksinqilabçılara qarşı, kollektivləşmə uğrunda
mübarizə mövzularını yeniləşən ab - havadan yaranan, milli və
bəşəri dəyərlərə söykənən, həyatı, reallıqları təhrif etmədən,
ideoloji tələblərə qurban vermədən əks etdirən ədəbi - bədii
nümunələr əvəz etməyə başladı. Bununla belə, təbii ki,
iyirminci əsr tarixmizin yuxarıda qeyd etdiyimiz mərhələlərinə
yenə də müraciət edilirdi. Hələ Sovet rejiminin diqtəsi, ideoloji
çərçivələr qaldığı üçün bir çox həqiqətlərin bədii təsdiqi çətin
olsa da, müəlliflərin həmin mövzulara yeni baxışı, yəni ədəbi -
estetik və ictimai - siyasi meyarlar özünü göstərirdi.
Qayıdaq 1920 - 1950-ci illərin yuxarıda adlarını qeyd
etdiyimiz bədii ədəbiyyat nümunələrinə. “Komsomol
poeması”nı, C.Cabbarlının pyeslərini və bir neçə digər əsəri
çıxmaq şərtilə bu siyahıya daxil etdiyimiz bədii əsərlərə
müraciət edəndə, ilk təəssürat belə olur ki, inqilabi hərəkat
haqqında, yaxud “əksinqilabçılara”, “sinfi düşmənlərə” qarşı
mübarizə barəsində yazan müəlliflərə eyni mövzulu sərbəst
inşa işi verilib və onların da hər biri öz yaradıcılıq imkanları,
ədəbi istedadları, estetik baxışları səviyyəsində həmin
____________Milli Kitabxana____________
123
tapşırıqları yerinə yetirməyə çalışıblar. Həmin mövzunun
istiqamətləri isə demək olar ki, eynidir: ölkədə inqilabi mühit
yetişməkdədir, bolşeviklərin proqramı kifayət qədər əsaslı və
cazibədardır (yəni ağır həyata, istismara, çarizmə, bəy - xan
özbaşınlağına, ədalətsizliyə, haqsızlığa son qoymaq, azadlığı
əldə etmək, bütün insanların və millətlərin bərabərliyini
bərqərar etmək, insanları firavan və xöşbəxt günlərə
qovuşdurmaq və i.a), bu deyilənləri əldə etmək üçün hamı
bolşeviklərin ətrafında birləşməli, ideyaca dönməz və mətin
olmalıdır. Fəhlə sinfi ilə yanaşı kəndlilər də ayağa qalxmalıdır.
Belə əsərlərin qəhrəmanları – istər fəhlə olsun, istərsə də sadə
kəndli balası – partiyanın proqramı ilə tanış olmalı, beynəlmiləl
dəstədə inqilabi ruhda yetişməli, əgər kənddən gəlibsə, qayıdıb
kəndi də ayağa qaldırmalıdır. Istər “Şamo”, istərsə də “Araz”,
“Bir gəncin manifesti”, “Səhər” və s. romanların süjet xətti bu
oxşar motivlər üzərində qurulmuşdur. Bu əsərlərin bədii
struktur keyfiyyətləri, qəhrəman tipajları, bədii nitq formaları
arasında bənzərlik çoxdur. Şamo da, Araz da, Mərdan da,
Bayram da eyni yolun yolçuları, eyni ideyanın fomalaşdırdığı
insanlardır. Bununla belə, həmin əsərlərin bədii-estetik
keyfiyyətləri, ifadə və təsvir sistemləri, dil xüsusiyyətləri,
oxucunu cəlb etmə imkanları arasında fərqlər çoxdur.
____________Milli Kitabxana____________
124
Tədqiqatda xüsusilə “Bir gəncin manifesti” romanı
fərqləndirilir. Vaxtilə oxucuların böyük marağına səbəb olan,
gənclərin sevə - sevə oxuduqları bu əsər hər şeydən əvvəl bədii
keyfiyyətləri ilə - ifadə və təsvir sistemi, maraqlı sujet xətti,
müəllifin özünəməxsus şirin, cazibədar təhkiyə üsulu, müsbət
və mənfi deyilərək qruplaşdırılan obrazların canlılığı, koloriti,
inandırıcılığı ilə seçilirdi. Xüsusilə Sona arvad və onun
övladları – Mərdan və Bahar obrazları diqqəti cəlb edirdi.
Proloqu Hötenin “Həyat və azadlıq ancaq onlar üçün hər gün
döyüşə gedən adamlara layiqdir!” sözləri ilə başlayan roman
bir-birindən təsirli, canlı, ibratəmiz epizodlarla zəngindir.
Mri Cəlalın “Bir gəncin manifesti” romanı onun bədii
yaradıcılığının dəyərli nümunələrindədir. Əlbəttə, təbii ki, bu
gün bu təsdiqin inkarı da var: bəs axı bu romanda bolşevik
ideyalarına qoşulmaqdan, Sovet hakimiyyəti uğrunda
mübarizədən söhbət gedir! Elədir, haqlı etirazdır. Amma gəlin
bir anlığa bədii əsərə rejimin diqtəsi ilə geydirilən bu siyasi-
ideoloji paltarı çıxarıb tullayaq və hesab edək ki, Xeyirlə Şər
qarşı-qarşıya durub, Mərdan kimilər də haqsızlığa, dərəbəyliyə
qarşı, kasıbların, imkansızların, zülmə, istismara, təhqirə məruz
qalanların müdafiəsi naminə mübarizə yollarını axtarırlar.
Məgər bu gün sosialist inqilabını, kommunist ideologiyasını,
Dostları ilə paylaş: |