____________Milli Kitabxana____________
171
keçirdim. Erməni hərəkatının tarixi ilə də az-çox tanışam...
Erməni millətinə xeyirxah bir türk sifətilə bunu deməliyəm ki,
erməni milli hərəkat rəhbərləri bir çox səhv yapmış və
yapırlar. Çar idarəsinə muxtariyyət ümidi bəsləmək boş bir
xəyaldan başqa bir şey deyildir. Böyük Pyotrdan bəri bütün
çarların sizə verdiyi vədlər yoxa çıxmış. İştə, xristian Avropa
və Rusiyanın sizə verdiyi “faydalar!” Millətinizin faciəsi
yaxını qoyub uzaqda dost aramaqdan irəli gəlmiş. Zənn
edirəm millətin müqəddəratını keşişlərin və korgözlü
daşnaqların cəngindən qurtarmağın zamanı çoxdan
gəlmişdir” (16, 271
-272
).
Rüstəmbəyin sözlərini
Kasparyan bir neçə gün düşünür,
götür-qoy edir və nəhayət müəyyən tərəddüdlərdən sonra
onunla razılaşır:
“ - O gündən sənin dediklərini fikirləşdim...Məssəb
haqqı, doğru deyirsən. Düzdür, o gün sənə cavab vermədim,
çünki, doğrusunu deyim, inanmadım. Axı, canım, bu da
səbəbsiz deyil. Müsəlmanlar bizi çox qırmışlar, biz də
müsəlmanları az öldürməmişik, düşmən olmuşuq. Bu
düşmənçiliyimizi tərbiyə və təhsilimiz bir qat daha artırmışdır.
Erməniyə qarşı olan zülümləri evdə atamız-anamız, kilsədə
keşiş, məktəbdə müəllim, müəlliflər, jurnalistlər o qədər
____________Milli Kitabxana____________
172
söyləmişlər ki, varlığımız kinlə yoğrulmuşdur...Sənə
doğrusunu deyim, bizi qırdıran, məhv edən bu kin olmuşdur.
Müsəlmanın bir məsəli var: “Qanı qanla yumazlar, su ilə
yuyarlar”. Daşnaqlar həmişə qanı qanla yumaq istəmişlər...”
(16,
274
-275
).
1.6.4. “SOSİAL SİFARİŞ” DAİRƏSİNDƏ. Tarixi
romanlarımızı müəyyən mənada istisna etsək, 1930-1950-ci
illərin roman yaradıcılığında müəlliflər partiyanın siyasi
xəttindən, ədəbiyyata verilən “sosial sifariş”dən kənara çıxa
bilməmişlər. Xüsusilə Böyük Vətən müharibəsindən sonrakı on
il ərzində partiya ədəbiyyat və incəsənət qarşısında
ideoloji
tələblərini daha da gücləndirmişdi. Fikrimizcə, sosialist
realizmi bədii metodunun qəti normativlər dövrünün 1930-
1950-ci illəri əhatə etməsi barədə qənaətlər (T.Əlişanoğlu) bu
mənada mübahisəli görünür. Yəni həmin “qəti”lik, sərtlik 1945-
1955-ci illər ədəbiyyatı üçün daha xarakterikdir.
“Sosial sifariş” dairəsində fəaliyyət göstərən yazıçılar öz
istedadlarını da, bədii axtarışlarını da bu əhatədə araya
çıxarmışlar və bunu da danmaq olmaz ki, hər bir sənətkarın
əsəri qiymətləndiriləndə siyasi-ideoloji amillərlə yanaşı, istedad
da əsas meyar olmuşdur. “Sosial sifariş”in mövzularını
aşağıdakı qaydada qruplaşdırmaq olar:
____________Milli Kitabxana____________
173
– İnqilabi hərəkat, “vətəndaş müharibəsi”, Sovet
hakimiyyətini möhkəmləndirmək
uğrunda mübarizə;
– Kollektivləşmə hərəkatı, sosializm quruculuğu və yeni
həyat uğrunda mübarizə;
–
Sovet cəmiyyətinin, rəhbərin, sovetlər hakimiyyətinin
tərənnümü, “sinfi
düşmən”in ifşası;
– Böyük Vətən müharibəsində partiyanın
rəhbərliyi ilə
xalqın hünər və qələbəsi;
– Müharibədən sonra bərpa və quruculuq hərəkatı;
– Əmək qəhrəmanlarının tərənnümü, sosializm yarışı;
– Sosialist sisteminin kapitalizmdən üstünlüyü,
kapitalizmin ifşası və s.
Mövzular müxtəlif olsa da, onları eyni motivlər, eyni
inkişaf xətti, qəhrəman obrazlarını eyni məqsəd,
eyni anlam
birləşdirir. Fərqlər isə müəlliflərin istedad səviyyəsindən asılı
olaraq, əsərin poetik, dil və üslub, bədii-estetik özəlliklərində
görünür. Yeni həyat uğrunda mübarizə, kollektivləşmə hərəkatı
otuzuncu illərdə Ə.Əbülhəsənin “Yoxuşlar”, M.Hüseynin
“Tərlan”, Ə.Vəliyevin “Qəhrəman” romanlarında aparıcı
istiqamətlərdir (inqilabi hərəkat, vətəndaş müharibəsi mövzuları
ilə bağlı əsərlərin tədqiqinin qənaətləri barədə yuxarıda
____________Milli Kitabxana____________
174
danışmışıq). Yeni Azərbaycan romanı 1930-cu ildə
Əbülhəsənin yazdığı “Yoxuşlar” romanı ilə başlanır. Onu da
deyək ki, “Yoxuşlar”ı və “Dünya qour”u yazan Əbülhəsən
“Dostluq qalası”, “Tamaşa qarının nəvələri”, “Sədaqət”
əsərlərinin müəllifi Əbülhəsəndən irəlidədir.
Xüsusilə ona görə
ki, ilk iki əsərlə müəllif yeni Azərbaycan romanının yaradıcıları
sırasındadır. Sonrakılar isə Azərbaycan nəsrinin sıradan
əsərləridir.
Sovet dövrü ədəbi fikri “Yoxuşlar” romanını həm
Azərbaycan sovet romanının ilk nümunəsi olaraq, həm də
zamanında mövzu aktuallığına görə qiymətləndirmişdir:
“Yoxuşlar” romanının ideyası Azərbaycan kəndində kollektiv
təsərrüfat uğrunda gedən mübarizələrin inkişaf yolunu bütün
mürəkkəbliyi və ziddiyyətləri ilə göstərmək və bu tarixi
prosesin əhəmiyyətini izah etməkdən ibarətdir.
Müəllif bu
ideyanın konkret mövzu dairəsində bədii həllini vermək üçün
ən geridə qalmış ucqar bir kənddə qolçomaqların bir sinif kimi
ləğv edilməsi və bütün fərdi təsərrüfatların elliklə
kollektivləşmə işinə cəlb olunması uğrunda mübarizələri
qələmə almışdır” (26, 7). Bu gün isə roman mövzusuna,
mövzunun aktuallığına, ideyasına
görə deyil, obrazlarına,