____________Milli Kitabxana____________
175
həmin dövr gerçəkliyinin ayrı-ayrı epik lövhələrinə görə
maraqlı ola bilər.
Əbülhəsən əsərinə ilk roman obrazlarını gətirmişdir.
Bunlar Bakı fəhləsi, yeni kolxoza rəhbərlik etmək üçün
göndərilən Bünyad, yeni kənd uğrunda yorulmadan çalışan
Qumru, kənd fəalı Muzdur, milis rəisi, pozucu qüvvələrə
məharətlə rəhbərlik edən Kamal, qolçomaq Əhməd, kənd
ortababı Babacan, Cani kişi və başqalarıdır. Bunların hər birini
müəllif canlı xarakter səviyyəsinə qaldırmağa çalışmış, fərdi
özəlliklərini, psixoloji aləmlərini açmağa səy göstərmişdir.
Mehdi Hüseyn “Tərlan” romanına (1937-1938) əvvəlki
“Daşqın” əsərinə nisbətən bir neçə canlı obraz gətirmişdir. Və
bu roman da partiya təbliğatçısı və şüarçısı səviyyəsində
görünən baş qəhrəmanı Tərlanın sxematik, cansız obrazı ilə
deyil, Mürsəl kişi, Güləli oğlu, Həmid, Ədhəm kimi canlı
insanları ilə diqqəti çəkir. Romandan bir parça:
“Şəhribanı onun sözünü kəsdi:
– Əlbəttə, indi vaxtın olmaz. Kolxoza yazılıbsan, böyük
adam olubsan. Bizdə nə var? Yoluq-yoxsul adamıq. – Bəy qızı
istehzanın yersiz olduğunu duyub səsinin ahəngini dəyişdi: –
____________Milli Kitabxana____________
176
Kolxoz deyəndə ağzınıza çullu dovşan sığmır, de görüm
mənim qapımda yaxşı dolanırdın, yoxsa indi?
Güləli oğlu adəti üzrə əlindəki çubuqla yeri qurdalayırdı.
O, Şəhribanının sualını eşitməməzliyə vurdu.
– Vallah, – dedi, – nə bilim, ay xanım, görək axırı nə
təhər olur da”. (44, 498 ).
“Görək axırı nə təhər olur” – bu, təkcə Güləli oğlunun
deyil, kənddə kolxoz quruculuğuna, sovet hakimiyyətini
möhkəmləndirmək tədbirlərinə heç də könüllü qoşulmayan,
hətta zorakı yollarla cəlb edilən minləri, yüz minləri
düşündürən bir sual idi. Gənc Mehdi Hüseynin siyasi-ideoloji
inamı və həyat həqiqətlərinə sədaqətli qalmaq instinkti
arasındakı ziddiyyətlər də məhz belə epizodlarda görünürdü və
onun bir istedadlı yazıçı kimi imkanlarını təsdiq edirdi.
Əli Vəliyev də həmin illərdə yazdığı “Qəhrəman” romanı
ilə kolxoz quruluşu uğrunda sinfi mübarizəni tərənnüm
etmişdir. Lakin bu roman cərgədə olan eyni istiqamətli
romanlardan heç bir üstünlüyü ilə fərqlənmir, bəzii təbii
məqamlarına baxmayaraq, bədiilik baxımından, kompozisiya
quruluşu və bəsit təsvirləri ilə zəif təsir bağışlayır. İdeoloji
tələblərə “xüsusilə” cavab vermək səyləri romanda nəzərə
çarpır.
____________Milli Kitabxana____________
177
Ümumiyyətlə inkar etmək olmaz ki, otuzuncu illərdə
müəlliflər fərdlərin yox, təbəqələrin, siniflərin psixologiyasını
açmağa çalışsalar da, ədəbiyyatımıza bəzi yaddaqalan obrazlar
gətirə bilmişlər. Ədəbi təcrübənin azlığı, janrın yeniliyi, dövrün
kəskin ziddiyyətləri, ideoloji təzyiqin artması və s. çətinliklərə
baxmayaraq, gənc müəlliflərin roman yazmaq səyləri, əlbəttə,
qiymətləndirilməlidir. Təsadüfi deyildir ki, həmin dövrün
romanları sonralar yenidən işlənmiş
və nisbətən
təkmilləşdirilmişdir.
“Saçlı” romanında hadisələr otuzuncu illərin əvvəllərində
cərəyan edir və müharibə illəri də daxil olmaqla böyük bir dövr
əhatə olunur. S.Rəhimov 1940-cı ildə yazmağa başladığı,
üzərində 10 ilə qədər işlədiyi üç cildli “Saçlı” romanının araya
gəlməsi haqqında yazırdı ki, “Saçlı”nı yazarkən sanki daş-qaya
üstündə buruq qoyub yerin qatlarını qazmışam. Əsər araya
gələndən sonra buradakı mənfi hadisələrin sovet həyatı üçün
səciyyəvi xarakter daşımaması, sovet cəmiyyətində
Sübhanverdizadə, Meşinov, Balacayev və b. kimi mənfi
ünsürlərin olmaması barədə fikirlər səslənmişdir. Dövrün
nüfuzlu tənqidçiləri yazırdılar ki, romanda müəllif “hadisələri
və insanları birtərəfli, özü də dövrümüz üçün heç də səciyyəvi
____________Milli Kitabxana____________
178
olmayan bir şəkildə əks” etdirmişdir (46, 43), “sovet varlığı
haqqında birtərəfli, natamam və bəzən də yanlış təsəvvür”
yaratmışdır (46, 44), “qara qüvvələrin təsirinə olduqca böyük
yer vermiş, onların qarşısında duran sovet adamlarını isə çox
ağır hərəkət edən, düşmənə fürsət verən, döyüşkənlik ruhundan
məhrum olan adamlar kimi meydana çıxarmışdır” (66, 227) və
s. Bunlar da ilk növbədə sovet cəmiyyətinin artıq konfliktlərdən
uzaq olması barədə şüurlara yeridilən ideoloji diqtənin əks-
sədası idi. “Konfliktsizlik” dövründə tənqidi realizmə üz
tutması S.Rəhimovun ciddi nöqsanı hesab edilsə də, “Saçlı”
romanı xüsusilə ikinci və üçüncü cıldləri ilə sosialist
realizminin, sinfilik mövqeyinin bir nümunəsi olaraq görünür.
Amma belə bir qənaəti də təsdiq etməliyik ki, romanda həmin
dövr hadisələrinin real mənzərəsi, canlı və yaddaqalan obrazlar
vardır.
“Saçlı” birinci cildi ilə güclüdür, cəlbedicidir, təsirlidir,
bədii nümunə kimi yaddaqalandır. Düzdür, burada da
uzunçuluq, yoruculuq çoxdur. Sonradan yazılan iki cild isə
(yalnız üçüncü cildin əvvəllərində Zülmətin dəstəsinin
darmadağın edilməsi, Sübhanverdizadənin ifşası ılə bağlı
epizodlar istisna olmaqla) artıq görünür. İkinci və üçüncü
cildlər sanki raykom katibi Tahir Dəmirov obrazını “ətə-qana
____________Milli Kitabxana____________
179
gətirmək” və Şaçlı – Rüxsarə obrazını ön plana çıxarmaq,
inkişafda göstərmək məqsədini güdür. Müəllif Tahir Dəmirovu
at belində kəndləri gəzdirir, onun qorxmaz və dönməz olduğunu
sübut etməyə çalışır, novatorluğunu, işgüzarlığını,
təşkilatçılığını qabartmaq istəyir. Bütün bu səylərinə
baxmayaraq, Dəmirov bədii obraz kimi Sübhanverdizadə
səviyyəsinə qalxa bilmir. Bu obraz, müəllifin bütün səylərinə
baxmayaraq, sxematik və birtərəflidir. Onunla bağlı epizodlarda
uzun-uzadı “hərəkət” varsa da, bədiilik yoxdur. Elə birinci
cildin axırlarında Dəmirovun Baş Yollar idarəsində “fəallığı”
da oxucunu yorur, belə epizodlarda estetik həzz məqamları
yoxdur , bu və digər belə parçalarda oçerkvari təfsilatlar
romanın daxili poetikasını bəsitləşdirir.
Saçlı – Rüxsarə obrazını da bitkin hesab etmək olmaz.
Zülmətin dəstəsi ilə döyüşdən sonra müəllifin uzun-uzadı
əhvalatlarla Rüxsarəni inkişafda göstərmək istəməsi səyləri heç
də obrazı zənginləşdirmir, tamamlamır. Biz Rüxsarəni yalnız
müəllifin cızdığı xətt üzrə, tərcümeyi-hal, “hərəkət” xronikası
ilə “inkişafda” görürük. Və burada da bədiilik əvəzinə
oçerkçilik üstünlük təşkil edir.
Romanın kompozisiyası bədii tutumundan xeyli genişdir.
Birinci cilddə start götürən və nisbətən genişlənən romanın
Dostları ilə paylaş: |