Yaşasam da
Yüklə 0,56 Mb. Pdf görüntüsü
|
ŞEYTAN, TAMAH, PUL Allah yaşadığımız kainatı əmələ gətirəndən sonra, cürbəcürə heyvanları da yaratdı. Onların hamısını öz himayasında saxlamaq üçün (Onlara sahiblik etmək üçün) də insan adlı ən güclü bir məxluqu da dünyaya gətirdi. Bir neçə əsr onlar dinc, azad yaşadılar. Bir süfrədə oturub yeyib içdilər. Bu mənim, bu sənin deyə ayrı seçkilik etmədilər. İllər gəlib keçdi. Günlərin bir günündə Şeytan gördü ki, insanlar keyfdədir, can deyib, can eşidirlər. Dedi, yox! Mən onları həmişə belə görsəm bağrim partlayar. O allahdan gizli girdi insanların bədəninə. İnsanlar başladılar ayrı seçkiliyə. Bu mənim, bu da sənin deməyə. Əmələ gəldi paxıllıq, haqsızlıq, biri birindən söz gəzdirmək, biri-birinə böhtan yağdırmaq, israfçılıq, oğruluq, yalan danışmaq, faişəlik. Əmələ gəldi güclülər, gücsüzlər varlılar və kasiblər. Şeytan yenə sakit olmadı. Güclüləri qaldırdı gücsüzlərin üstünə. İnsanlar başladılar biri-birini öldürüb talan etməyə. Əmələ gəldi quldurlar, qaçaqlar. Güclülər acizləri qul edib səhərdən axşamadək bir parça çörək üçün işlətdilər. Beləliklə onlar bütün ixtiyarı onların əlindən alıb, özləri ixtiyar sahibi oldular. Allah gördü ki, insanların xasiyyətləri tamam dəyişilib. Bildi ki, bu şeytanın işidir. Dedi, yox! Onları əvvəlki vəziyyətə gəyirmək mənim üçün çətin olmasa da (Əlbbət də onları əvvəlki vəziyyətə gətirmək Allah üçün çətin deyil idi.) qoy belə yaşasınlar. O Şeytanı tənbeh etmək üçün yanına çağırır. Şeytan gələn kimi Allaha baş eyib deyir: 82 “Ey məni yaradan Allah Sizdən min dəfə üzr istəyirəm, bir qələtdir eləmişəm Sizdən gizli insanların arasına girib onları azdırmışam, onların rahatlıqlarını əllərindən almışam”. Allah deyir: “Sən insanların dincliyini, rahatlığını əllərindən aldığına görə, Mən də bu gündən sənə heç vaxt dinc yaşamağa imkan vermərəm”. Bu minvalla şeytan, heç rahatlıq görmədən insanlar arasında başlayır gəzməyə. O yalqız qalmasın deyə Tamahla dostlaşır. İnsanların tamahı artdıqca dünyada çoxlu deyşikliklər əmələ gəlir. Varlılar daha da varlanmaq istəyirlər. Onlar nə qədər lə”l- cəvahirat yığırlarsa da, yenə də onları qane etməyir. İnsanlar arasında zülümkarlıq, dava-dalaş artır. Təmahkarlıq insanları pis yola aparır. Bəzi varlılar heç kimə köməklik əlini uzatmayır. Daha çox yıqmaq istəyirlər. Belə adamları tamah kənardan izləyib tez toruna salır, var-dövlətini əlindən alandan sonra, gülə- gülə şeytanın yanına gəlib deyir: “Sən mənim hünərimi gördün də”. Allah tamahı tərifləyir. Çünkü tamah allahın tapşırıqlarını tam yerinə yetirir. O yaxşını pisdən seçə bilir. O yaxşı adamlara ziyan gətirməyir. O pis adamlarin, heç kəsə öz kömək əlini uzatmayanlarin, hamısını özü üçün istəyənlərin çanına girib onlara zərbə vurur. Bir də, o insanlara minnət edib deyir: “Ey insanlar eşidin. Tamahkarlıqdan əl çəkin. Məndən xeyr görə bilməzsiz. Məndən uzaq gəzin ki, sabah mən Allahin qarşısında təqsirkar hesab olub xəcalət olmayim. Məni yaddan çıxarın”. Ancaq insanlar tamahın 83 dediklərinə məhəl qoymadan onu özlərindəndən uzaqlaşdıra bilməyirlər. Onun toruna düşüb, bəlaları özləri öz başlarına gətirirlər.. Vəziyyəti daha geniş şəkildə canlandırmaq üçün qurbanı olduğum Pərvərdigar insanların arasına elə bir şirin şey buraxır ki, o cansiz olmağına baxmayaraq şeytanları da, tamahkarları da aradan götürmək və bütün dünyanı idarə etmək qabiliyyətinə malik olur. Onda Allahın sirləri gizlənir. O həm şirindir, həm acı. O adamı gah güldürür, gah da ağladır. Gah göylərə qaldırır, gah da yıxıb yerə vurur. O gah dostu düşmən, gah da düşməni dost edir. Gah dalınca qaçır sənə çatmayır, gah sən dalınca qaçırsan ona çata bilməyirsən. O, onun qədrini bilənlərlə dost, qədrini bilməyən nadanlarla düşməndir. O ağıllı kimdir, axmaq kimdir bilməyir və onları heç axtarmayır da. Onu kim saxlayırsa, kim ondan xeyir işlər üçün istifadə edirsə və kim öz işlərini planlı şəkildə aparırsa onun olur. Odur sağlamı öldürüb, ölü dirildən. O həyatdır. O bəziləri üçün ana-atadan da, qardaş-bacıdan və hətta canından da belə əzizdir, şirindir. Odur cavanları qocalara satdıran, qocaları isə cavanlara aldıran. Odur insanların arasına nifaq salan. Odur bəzi insanlar arasında olan bəd əməlləri gizlədən, Düzü-əyri, əyrini-düz, pisi yaxşı-yaxşını pis, sadiqi- faişə, faişəni-sadiq, cavanı-qoca, qocanı-cavan, adamı- insan, insanı-şeytan edən PULDUR! PUL! 2000 84 Yüklə 0,56 Mb. Dostları ilə paylaş:
|