Yaşasam da

 
  
     Qazax mahalından soruş Vurğunu, 
     Azəri oğlunu, ellər oğlunu. 
 
     Yaxşı nəzər salsan  bizim Göyçaya, 
     Onun gözəlliyi heç gəlməz saya. 
     Görərsən hər yerdə bar ağacları, 
     Bir-birindən qəşəng meyvə bağları. 
 
     Onlara ruh verir dağlar havası, 
     Ürəyə məlhəmdir narı, heyvası. 
     Şirvan düzənliyi varlı-dövlətli, 
     Mil, Muqan da yaşıl, min bərəkətli.” 
 
     Dedim: “Sağ ol ürək sənsiz yox canım, 
     Gözəldir, qəşəngdir Azərbaycanım. 
 
     Ancaq, qadan alım, məndən incimə, 
     Beynim əsəbidir xatrına dəymə. 
     Onun daxılında bir dağ dərdi var, 
     Ağacdan ayrılmış budaq dərdi var. 
 
     Elə bir budaq ki, barlı-büsatlı, 
     Hər addımı nəğmə, hər barı dadlı. 
     Ayrılmış budaqdır gözəl Qarabaq, 
     Dərdli, qüssəlidir hər dərə, hər dağ. 
 
     Anasından ayrı düşmüş bu bala, 
     Qəlbi eşqlə dolu böyük bir qala. 
     Bir uca dağ idi dumansız, çənsiz, 
     İndi bulaqlar da qalıb çəmənsiz. 
     Hava da sakitdir əsməyir külək, 
     Əyibdir başını hər gül, hər çiçək. 
 
                                              
 
 62 
                                              
 

---

 
   
     Bənövşə boynunu büküb dayanmış, 
     Bülbül də susubdur nəğməsi yanmış. 
     Şırıl-şırıl axan çay suları da, 
     İndi sakit axır qayalıqlarda. 
 
     Nə üçün təbiət sükuta dalmış, 
     Bahar günlərində o xəzanlaşmış. 
     Yaşıl yarpaqların dəyişmiş rəngi, 
     Başqadır dilin də hər söz ahəngi. 
 
     Qarabaq, Qarabaq qocaman torpaq, 
     Danış əhvalını biz kimdən soraq.. 
     Nəyə yazıq-yazıq baxırsan niyə,  
     Kim salmışdır səni  qəmə-qüssəyə? 
 
     De hansı namərdin ucbatından sən, 
     Ayrı düşdün bizdən, öz vətənindən? 
 
     Düşmən tapdağında qalıb şəhərlər, 
     Hanı Koroğlular, hanı o ərlər? 
     Hanı dədə Qorqud, o müdrik insan? 
     Qaldırsın dünyanı kal yuxusundan. 
 
     Şair, sən tələsmə, durma yaz, yarat, 
     Hər şeydən üstündür səbir, mətanət. 
     Bizim İlham kimi mərd oğlumuz var. 
     Haqlı, ədalətli düz yolumuz var. 
 
     İnan açılacaq bağlanmış düyün, 
     Böyük də, kiçik də şad olar bütün. 
     Haqq yerin taparaq verər hökmünü, 
      
     Haqsızlar cəzasın alacaq bir gün! 
 
                                                63                     
     2004 
                                              
 

---

 
   
 EHTİYACIN VARSA SƏN GÖTÜR, BALA! 
 
    Ey bala, səninlə danışan mənəm, 
    Budur həyat ilə çarpışan mənəm. 
    İstəmirəm üzümü dumanlar örtsün, 
    O safdır, saflıqda qoy qərar tutsun. 
 
    Anana, atana xələl gətirmə, 
    Tikansız ağaca, tikan bitirmə. 
 
    Özünü alçaltma ellər içində, 
    Bədxahlar dayanıb bil ki, hər tində. 
 
    Başından aşsa da varın, dövlətin, 
    Puç bir qoza bənzər yoxsa ülfətin. 
 
    Bacardığın qədər yaxşılıq eylə, 
    Qarşına çıxacaq o gülə-gölə. 
 
    Uzaq ol alçaqdan, dələdüzdən sən, 
    Gecəyə lənət de, gündüzə əhsən. 
 
    Əyri gül bitməsin heç budağında, 
    Qoy ləkəsiz olsun oğlun, qızın da. 
 
    Uşaqla uşaq ol, qocayla qoca, 
    Ağıl dəryasında üz sən doyunca. 
 
    Hər işdə tələsmə gözlə səbiri, 
    Səbirlə açılar dünyanın sirri. 
    Səbirsiz olarsa ağıllı əgər, 
    El  içində, o tez olacaq bədnam. 
    Çalış ki, səbirlə qazan hörməti, 
    Əlindən buraxma belə ne”məti. 
  
                                               
 
64 
                                              
 

---

 
   
    Dost olsan əgər bir adamla sən, 
    Çıxartma heç zaman onu əlindən. 
    Yaxşı dost qardaşdan artıqdır oğul, 
    Nə o sənə quldur, nə sən ona qul. 
    Həndəsi yollarla paralel gedər, 
    Kəsişmək bilməyib səni şad edər. 
 
    Sadə ol, ancaq ki, sadəlövh olma, 
    Alçaq adamlarla oturma, əsla.        
                                                       
    Heç vaxt yalan sözü gətirmə dilə, 
    O alçaldar səni göz görə-görə. 
 
    Nəbadə uzaq ol, qan qardaşından, 
    Qan, can bir olanla yüksələr insan. 
 
    Eşqi, məhəbbəti sanma oyuncaq, 
    Məhəbbət saf olsa, gül açar ancaq. 
 
    İnsan həyatının qanunları var, 
    Heç vaxt xoşbəxt olmaz onu pozanlar.   
 
    Düz olarsa əgər sevdan bir kəslə, 
    Xoşbəxtlik gətirər sənə həvəslə. 
 
    Mərdin qulluğinda hazır dayan, dur 
    Namərddən uzaq ol, doğru yol budur 
 
    Uzaq ol pis gözdən, xəta-bəladan, 
    Sənə kömək olsun səni yaradan. 
 
    Qeyrəti, namusu əldən buraxma, 
    Məs”uliyyət hiss et, su kimi axma. 
 
                                              
 
 65 
                                              
 

---

 
  
    Qaynar bulaq kimi, sən də qaynar ol, 
    Ailənlə xoşbəxt gün keçir oğul.  
 
    Hörmətlə, zəhmətlə ömrü vur başa,  
    Özüünü dağa vur, çəməndə yaşa. 
    Zəhmət həm. ziynətdir, həm də yaraşıq, 
    İnsanın gözünə gətirər işıq. 
    Zəhməti sevənlər daim ucalar, 
    Onu sevməyənlər kölgədə qalar. 
    Zəhmətdir insanı yüksəldən belə 
    Sən onun qulu ol, tab gətir hələ, 
    Bir gün gələcək ki, o gülə-gülə, 
    Səni şah edəcək əməllərilə. 
 
    Unutma ki, sənin gözəl xalqın var, 
    Küməyə o çatar, günün olsa dar. 
    Adət, ənənələr çıxmasın yaddan, 
    Onlar miras qalıb ata-babadan. 
 
    Məskənində sənin gözəllər çoxdur, 
    Heç demə onlarda e”tibar yoxdur. 
    “Ot kök üstə bitər” deyib atalar, 
    Özgə ceyranindan, itin baş olar. 
 
    Dinə riayət et, uzaqda durma, 
    Savab iş görəndə heç kəsdən sorma. 
    Allahın nəzəri üstündə olar, 
    Savab da, günah da o kitabda var. 
 
    Mənəm-mənəm deyib özünü öymə, 
    Atını haq-nahaq hər yerə sürmə. 
 
                                              
 
 66 
                                              
 

---