40
1991-ci ilin 17 iyununda Aterk, Zərdəxaç, Çapar, Qetavan və s.
kəndlərində olan erməni hərbi birləşmələri İmarət-Qərvəndə hücuma keçdilər.
Kənd iri canlı pulemyotlardan, avtomatlardan, qranat atan silahlardan atəşə tutuldu.
Azər
Sarıqaya-Qarağacı istiqamətindən hücum edən Aterk, Zərdəxaç
birləşmələrinə qarşı döyüşürdü. Azər bu döyüşdə fərqlənir... Ov tüfəngləri, tir və
beşatılanlarla düşmənin qarşısını alır və geri otuzdururlar.
Aydınlıq üçün bildirirəm ki, avqustun 13-də Aterkdə Sovet Ordusunun 14
nəfər əsgər və katibi bütün texnikası və silahları ilə əsir düşdülər. Həmin əsgərlər
avqustun 22-də azad olundu, silah və texnika ermənilərə qaldı. Yuxarıda qeyd
etdiyim Aterk əməliyyat avqustun 18-i 22-də əsgərləri geri qaytarmaq şərti ilə
keçirilmişdi. Azər digər polis yoldaşları ilə birlikdə bu əməliyyatda iştirak etmiş və
fərqlənmişdi.
Sentyabrın əvvəllərindən kəndə hücumlar daha da şiddətləndi. 7
sentyabrda olan hücum zamanı Azər yenə də Sarıqaya-Qarağac cəbhəsində, kəndin
şimal-qərbində döyüşür... Ayın 11-də M.Əsədovun gəlməsi ilə kəndə əlavə
qüvvələr göndərildi. XTPD-nin 50-yə qədər köməyə gəldi...
17 sentyabr 1991-ci il. Bu gün axşamdan başlayan döyüş 24 sentyabra
qədər çəkdi. Köməyə gələn qüvvələr kəndi tərk etdilər. Kənd iki gün dalbadal
“Alazan” və digər ağır silahlarla atəşə tutuldu. Sonra isə piyadaların hücumu
başlandı. Sentyabrın 22-də isə kənddə olan hərbçilər üçün gətirilən silahlar və
döyüş sursatı BMP-lərə yükənib Çaparda olan erməni birləşmələrinə
bağışlanmışdı. Bu Sovet Ordusunun hədiyyəsindən sonrakı açıq şəkildə ermənilərə
verdiyi ikinci hədiyyəsi idi. Bütün bunları göstərməkdə məqsədim müdafiənin
hansı şəraitdə getdiyini xatırlatmaqdır.
Azər bu döyüşlərdə gah Zəlligöl-Qarağac, gah da Çapar istiqamətində
döyüşən yoldaşlarına köməyə atılırdı. Harada qorxulu vəziyyət yaransa idi Azəri
oradagörmək olardı. Mən özüm şahidəm ki, (Q.Mustafayev nəzərdə tutulur – red.)
23 sentyabrda kəndin şimal-şərq ərazisindən, Sarıqaya, Məmmədxan istiqamətində
düşmən kəndə girməyə cəhd edən zaman Azər özünü necə köməyə çatdırdı? Bir
mövqedə 8 nəfər qalmışdıq. Düşmən surətlə hücumla söz gedən ərazidə kəndə
girməyə cəhd edirdi. Çapar tərəfdə, Almədətli istiqamətdə döyüşən Azər 5 nəfərlə
köməyə çatdı. Həmin istiqamətdən düşməni 3 km-ə qədər geri oturtduq. Ancaq
təəssüf ki, ermənilərin Çapardan olan hücumun qarşısını ala bilmədik. Ermənilər
buradan kəndin Almədətli hissəsinə daxil olmuş Çökəkməhlə ilə mərkəzə doğru
irəliləmişdi. Azər yenə də həmin istiqamətə köməyə getdi.
Hər ev uğrunda əlbəyaxa döyüş getdi. Ermənilərdən 12 nəfər öldürülmüş.
30-a qədər yaralanmışdı. Həmin dövr üçün ermənilərə güclü zərbə vurmuş, bir
nəfəri çıxmaq şərtilə canlı qüvvədən itki verməmişdik. Amma evlərin dörddə
üçünü yandırmışdılar... Ermənilərin rəsmi məlumatına görə 6 nəfərləri öldürülmüş
26-sı yaralanmışdı.
41
Azər bu döyüşdə bir erməni əsgəri öldürmüş, üçünü isə ağır yaralamışdı.
Azər Ağdaban, Çərəklər, Marquşevan, Çaylı, Çardaqlı, Ağdərə, Mehmana,
Drombon, Çıldıran uğrunda gedən döyüşlərdə iştirak etdi. Hər döyüşdə itirdiyi
yoldaşlarının qanını aldığına görə qisasçı kimi tanınmışdı. Drombon (heyvalı)
Vəng ərazisində dəfələrlə ölümlə üzləşdi.
Azər təhsilini artırmaq istəyirdi. Bu məqsədlə işlərini polis məktəbinə
vermişdi.
1994-cü ilin aprel ayında başlayaraq düşmənin Tərtər istiqamətində
başlanan hücumu qanlı xarakter aldı. Ona məzuniyyət verildi. Ancaq o,
məzuniyyətdən axıra qədər istifadə etmədi. Döyüş və döyüşçü dostları üçün
darıxırdı. Onu həm də darıxdıran düşmənin irəliləməsi idi.
26 aprel 1994-cü il. Borsunlu kəndi uğrunda qanlı döyüş gedirdi. Azər
burada, döyüşən polis bölüyünə rəhbərlik edirdi. Öz qorxmaz hərəkətləri ilə
döyüşçü dostlarını ruhlandıran və heyətləndirən Azər qabaqda gedirdi. Milli
Ordunun əsgərləri ilə birlikdə onun rəhbərlik etdiyi polis vzvodu düşmənin öz
səngərini zəbt edirlər. Geri otuzdurulan düşmənin ikinci xətdə olan səngərlərinə
birinci girənlərdən biri də Azər olur. Həmin döyüşdə Azər düşmənin bir-neçə əsgər
və zabitini məhv edir. Onun girdiyi səngər öldürdüyü düşmən zabitini səngəri idi.
Azər əlini düşmən tərəfdən atılıb qalmış “patsiya”ya uzadır... Artıq geri
otuzdurulmuş düşmən snayperçisi öz hədəfini axtarırdı. Dağlar oğlu isə öz el-
obasının, yoldaşlarının qisasını alırdı...
Danışırlar ki, Azər onu aparan yoldaşlarına ürək-dirək verirmiş “ə kişisiz,
nə olub sizə!” deyirmiş. Elə həmin gün aprelin 26-da Azər qospitala çatmamış
şəhidlik zirvəsinə yüksəldi...
Bərdə rayonunun “Şəhidlər xiyabanın”da uyuyur..
Gülər və Günel adlı iki övladı qaldı.
R.S.Komandanlıq Əliyev Azər Ələkbərov oğlunun keçdiyi döyüş yolunu
qiymətləndirərək Milli Qəhrəman adı vermək üçün ona təqdimat verib. Azər bu
ada layiq idi. Onun hər cəhətdən bu ada sahib olmağa haqqı var idi.
XATINBƏYLĠ KƏNDĠ
Tarixən bu kənd dörd dəfə yandırılıb. Xatınbəyli kəndi qədim Kolanı
obasıdır. Və kolanılar ta qədimdən bu yurdda sakindirlər. Yerləşdiyi Sığnaq yaylası
qədim türk toponimlərindəndir. Hələ Turanda belə əyalət və Türkistanda isə
Sığnaq qalası olmuşdur. Qalanın tikintisi Əmir Teymurun adı ilə bağlıdır.
(G.Bamberi “Əmir Teymur”).
Əhalisi 286 nəfər və 32 evdən ibarət idi. Ağdərə-Xankəndi yolu üzərində
yerləşirdi. Mövqecə hərbi-strateji əhəmiyyət malikdi. Kənd əhalisindən 6 nəfərə
şəhid olmuş, 6 nəfər müxtəlif dərəcələrdə yara almışdır. İki nəfərə komandanlıq