Yazıçı-şair Ələmdar Quluzadənin 60 illik yubileyinə həsr olunur Ürəyindən keçəydim
Yüklə 0,81 Mb. Pdf görüntüsü
|
| Keçiriləcək tədbirlər
Bu il şair Ələmdar Quluzadənin 60 illik yubileyi qeyd olunur. Bu münasibətlə kitabxanalarda bir sıra tədbirlər keçirmək olar. Maraqlı tədbirlərdən biri icmallardır. Belə ki, Ələmdar Quluzadənin bir- birindən maraqlı kitablarının icmalını keçirmək olar. Onun “Ürəyindən keçəydim” adlı şeirlər toplusu 2010-cu ildə “Ozan” nəşriyyatında nəşr olunmuşdur. Kitab geniş oxucu auditoriyası üçün nəzərdə tutulmuşdur. Kitabda Azərbaycan gözəllərinin sədaqətindən, ləyaqətindən, bəhs edən poetik nümunələr yer almışdır. Kitab İlham Rəhimlinin “Sevgisi sözündə çiçəklənən” adlanan ön sözlə başlayır. Daha sonra “Söz yiyəsi”, “Gözəlliyə əsir düşdüm”, “İllərin imtahanı”, “Həsrət- elə sevgidir”, “Yurdu gəzib dolaşdıqca” başlıqları altında şairin bir birindən maraqlı şeirləri oxuculara təqdim olunur. Kitabda yer alan şeirlərdən biri olan “Qara gözlər, ağ saçlar” adlı şeiri sizə təqdim edirik: Sonra dada çatmır yüz haray, həşir, Taca əl uzatma taxtından qabaq. Qızlar gözəlləşir, dünya gəncləşir, Mən şair olmuşam vaxtından qabaq. Qəsdimə durubdur bu insafsızlar, Ürək sındırırlar, çiçək dərirlər. Mənə şair kimi gül verən qızlar Mənə əmi kimi yer göstərirlər. Gümüşü saçlarım şoran düzlərdi, Məni toplayıblar dağardan vallah. Bu qara saçlardır, qara gözlərdi Mənim saçlarımı ağardan vallah. Ələmdar Quluzadənin kitablarından biri də “Qadan mənə Qarabağ” adlanır. 2006-cı ildə “Ozan ” nəşriyyatında işıq üzü görən bu kitabda Ələmdar Quluzadənin Qarabağ mövzusunda yazdığı şeirlərlə yanaşı, müharibədən bəhs edən beş poeması və qədim Şuşaya həsr olunan “Pənah evi” adlı məzmun pyesi daxil edilmişdir. Şairin doğulub boya-başa çatdığı Xocalının ermənilər tərəfindən işğal edilməsi, uşaqdan böyüyə yüzlərlə dinc Xocalı sakininin vəhşicəsinə qətlə yetirilməsi onun qəlbində və qələmində ağrılı-acılı iz buraxmışdır. Müəllif bu topluda vətən oğullarını ayıq-sayıq olmağa, dostu düşməndən, əbədini ötəridən seçməyə, torpağımızın işğalı ilə barışmamağa, daim mübariz olmağa çağırır. Kitabda “Qanımla yazılan Qarabağnamə”, “Eşqimsən gücüm olsa”, “Dağlar, məni bağışlama”, “Bilirsənmi?”, “Bu baharın gəlişini görmədim”, “Vətən bayrağı”, “Qarabağ himni”, “Dünyanın işi” və s. adlı şeirlər yer alır. Bütün şeirlər, oxucularımıza vətənpərvərlik, anaya, millətə, xalqa məhəbbət hissi aşılayır. Kitab geniş oxucu kütləsi üçün nəzərdə tutulmuşdur. Bildiyimiz kimi Ələmdar Quluzadə yalnız nəzm deyil, eyni zamanda nəsr əsərlər də yaratmışdır. Onun 2008-ci ildə “Qürbətə düşən daş” adlı nağıllar kitabı yazıçının uşaqlara ən gözəl hədiyyəsidir. Kitabda 23 adda (“Nalbənd Nağı”, 4 “Balıqçı və söyüd”, “Duz dağı”, “Yalançı və tamahkar”, “Kömürçüoğlu”, “Kiçik qardaş”, “Bənövşə”, “Kiçik qardaş”, “Nökər alim”, “Ceyran südü”, “Papaqçı”, “Xan, vəzir və keçəl”, “Göyərçin”) bir-birindən maraqlı nağıl yer almışdır. Ələmdar Quluzadənin yubileyi münasibətilə həmin nağıllarıdan biri olan “Papaqçı” nağılını oxucuların iştirakı ilə səhnələşdirib səhərcik hazırlamaq olar: Yüklə 0,81 Mb. Dostları ilə paylaş:
|