Rüfət Göyüşov
yəçi yaşayış sahəsindən istifadəyə və kommunal xidmətlərə görə
haqq ödəməlidir. Müqavilə üzrə tərəflərin qarşılıqlı hüquq və
vəzifələri müəyyən olunur.
İkincisi, sosial kirayə müqaviləsinin tərəfləri (kirayəyə verən və
kirayəçi) kimi mülki dövriyyənin istənilən iştirakçıları deyil, yalnız
AR Mənzil Məcəlləsində göstərilən müəyyən kateqoriyaya aid olan
şəxslər çıxış edir. Belə ki, sosial kirayə müqaviləsi üzrə kirayəyə
verən qismində yalnız dövlətin və ya bələdiyyələrin müvafiq
orqanları çıxış edə bilər. Kirayəçi qismində isə, AR Mənzil Məcəlləsi
ilə və digər qanunvericilik aktları ilə müəyyən edilmiş əsaslarla
yaşayış sahələrinə ehtiyacı olan hesab edilən aztəminatlı vətəndaşlar
çıxış edə bilər (bax. AR Mənz.Məc., mad.48.1). Bu kateqoriya
şəxslər sırasından əcnəbilər və vətəndaşlığı olmayan şəxslər istisna
təşkil edir. Belə ki, AR Mənzil Məcəlləsinin 48.3-cü maddəsində
nəzərdə tutulmuş qaydaya əsasən, Azərbaycan Respublikasının
tərəfdar çıxdığı beynəlxalq müqavilələrdə başqa qaydalar nəzərdə
tutulmayıbsa, həmin şəxslərə sosial kirayə müqaviləsi əsasında
yaşayış sahələri verilmir.
Üçüncüsü, müqavilə müddətsiz xarakterlidir. Belə ki, yaşayış
sahəsinin sosial kirayə müqaviləsi qüvvədə olma müddəti müəy-
yənləşdirilmədən bağlanılır (bax. AR Mənz.Məc., mad.59.2). Adi
kirayə müqaviləsində müddət barədə razılaşmanın nəzərdə tutulması
tərəflərin iradəsindən asılı olduğu halda sosial kirayə müqaviləsinin
müddətsiz bağlanılması qanunvericinin birbaşa göstərişidir.
Dördüncüsü, sosial kirayə müqaviləsi üzrə kirayəyə verənin tələbi
ilə müqaviləyə xitam verilməsi ancaq məhkəmə qaydasında ola bilər
(bax. AR Mənz.Məc., mad.82.4). Adi kirayə müqaviləsində
müqavilənin ləğv edilməsi tərəflərin xəbərdarlıq müddəti haqqında
qanunvericiliyin tələblərinə riayət edilməsi şərtləri altında həyata
keçirilə bildiyi halda, sosial kirayə müqaviləsi müqaviləyə xitam
verilməsi üçün xəbərdarlıq müddəti haqqında
138
V fəsil. Əmlak kirayəsi müqaviləsi
şərtlərə riayət olunması tələb olunmur. Kirayəçi isə müqavilənin ləğv
edilməsi hüququnu AR Mənzil Məcəlləsinin 82.2-ci maddəsinə
əsasən, istənilən vaxt həyata keçirə bilər.
Beşincisi, yaşayış sahəsinin sosial kirayə müqaviləsi
mülkiyyətçinin adından çıxış edən səlahiyyətli dövlət və ya bələdiyyə
orqanının inzibati qaydada qəbul etdiyi qərarı əsasında bağlanılır.
Yəni müvafiq qərar olmasa, sosial kirayə müqaviləsi bağlanıla
bilməz. İnzibati qərarın qəbul olunması isə qanunvericilikdə
müəyyən olunan tələblərlə şərtlənir ki, bura: yaşayış sahəsinə
ehtiyacın olması və ehtiyacı olan şəxs qismində uçota durmaq üçün
ərizə ilə müraciət edilməsi, müvafiq icra hakimiyyəti və bələdiyyə
orqanı tərəfindən müraciət edən şəxsin uçota alınması, bundan sonra
növbəlilik qaydasına əsasən, müraciət edənlərin uçota alınma tarixi
və inzibati ərazi vahidləri üzrə yaşayış sahəsinin ayrılma norması
nəzərə alınmaqla verilməsi prosedurları aiddir.
Altıncısı, AR Mənzil Məcəlləsinin 59.3-cü maddəsinə görə,
sosial kirayə müqaviləsi üzrə yaşayış sahəsi almağa hüquq verən
əsasların və halların dəyişməsi yaşayış sahəsinin sosial kirayə
müqaviləsinin ləğv edilməsinə əsas deyil. Əsasların dəyişməsi
dedikdə, bura yaşayış sahəsinə ehtiyacın aradan qalxması nəzərdə
tutulur. Vətəndaşların sosial kirayə müqaviləsi əsasında yaşayış
sahəsi əldə etmələrinə hüquq yaradan əsaslar,, aradan qalxması AR
Mənzil Məcəlləsinin 55.1.2-ci maddəsinə görə, yaşayış sahəsinə
ehtiyacı olan qismində uçotdan çıxarılma üçün əsas olsa da müqavilə
bağlandıqdan sonra belə əsasların aradan qalxması kirayə
müqaviləsinin ləğv edilməsi üçün əsas deyildir.
Yeddincisi, əmlak kirayə müqaviləsinin digər növlərindən fərqli
olaraq sosial kirayə müqaviləsi əsasında yaşayış sahəsi üzərində
yaranmış hüquqlar qanunla müəyyən edilmiş qaydada daşınmaz
əmlakın dövlət reyestrində qeydiyyata alınır (bax. AR Mənz.Məc.,
mad.59.4).
139
Rüfət Göyüşov
Müqavilənin predmeti kimi yaşayış sahəsi çıxış edir. Yaşayış
sahəsinin növləri AR Mənzil Məcəlləsinin 13-cü maddəsində
göstərilmişdir. Bura aiddir:
-
yaşayış evi, yaşayış evinin hissəsi. Otaqlardan, habelə yaşama
ilə əlaqədar məişət və digər ehtiyacların ödənilməsi üçün nəzərdə
tutulmuş yardımçı sahələrdən ibarət fərdi müəyyən edilmiş ev
yaşayış evi hesab edilir;
-
mənzil, mənzilin hissəsi. Bir və ya bir neçə otaqdan, habelə
yaşama ilə əlaqədar məişət və digər ehtiyacların ödənilməsi üçün
nəzərdə tutulmuş yardımçı sahələrdən ibarət çoxmənzilli binanın
ümumi istifadədə olan sahələrinə birbaşa daxil olmaq imkanını təmin
edən strukturca ayrıca sahəsi mənzil hesab edilir;
-
otaq. Yaşayış evinin və ya mənzilin bilavasitə yaşamaq üçün
nəzərdə tutulmuş ayrıca hissəsi otaq hesab edilir.
AR Mənzil Məcəlləsinin 61.2-ci maddəsinə əsasən, ayrıca
olmayan yaşayış sahəsi, yardımçı sahələr, habelə çoxmənzilli binanın
ümumi əmlakı yaşayış sahəsinin sosial kirayə müqaviləsinin müstəqil
predmeti ola bilməz.
Müqavilənin forması. Yaşayış sahəsinin sosial kirayə
müqaviləsi dövlət və ya bələdiyyə mənzil fondunun yaşayış sahəsinin
verilməsi haqqında qərara əsasən yazılı formada bağlanır (bax. AR
Mənz.Məc., mad.62.1).
Adi kirayə müqaviləsində olduğu kimi, sosial kirayə müqaviləsi
üzrə yaşayış sahəsinə mülkiyyət hüququnun başqasına keçməsi
yaşayış sahəsinin sosial kirayə müqaviləsinin qüvvəsinin ləğvinə və
ya şərtlərinin dəyişdirilməsinə səbəb ola bilməz.
Sosial kirayə müqaviləsinin məzmunu tərəflərin hüquq və
vəzifələrinin məcmusunda ifadə olunur.
Kirayəyə verənin hüquq və vəzifələri AR Mənzil Məcəlləsinin
64-cü maddəsində nəzərdə tutulmuşdur. Bunlar aşağıdakılardır:
Kirayəyə verənin hüquqları:
-
yaşayış sahəsinə və kommunal xidmətlərə görə haqqın vaxtında
ödənilməsini tələb etmək;
140
Dostları ilə paylaş: |