Rubrik-meyar əsasında şagirdin nailiyyəti səviyyəsinin qiymətləndirmə
şkalasıdır. O, iki əsas suala cavab verir:
1.
Mən nəyi qiymətləndirməliyəm (bacarıq meyarları)?
2.
Bu meyar üzrə hansı nailiyyət səviyyələri ola bilər?
Rubrik bacarıq və ya nəticəni artan keyfiyyət kontinuumunda (aşağı
səviyyədən yuxarı səviyyəyə qədər) təsvir edir.
Rubrik qiymətləndirmənin həm üsulu, həm də vasitəsi kimi çıxış edə bilər.
Qiymətləndirmə şkalası nailiyyət səviyyəsinə qiymət (balla və ya sözlə)
verilməsi üçün mexanizmdir.
Rubrik-formativ qiymətləndirmənin ən faydalı üsullarından biridir.Ondan həm
də diaqnostik və summativ qiymətləndirmədə istifadə oluna bilər.
Rubriklərin əsas elementləri:
1.
Rubrikin adı( hansı bacarıq və ya kompetensiya qiymətləndirilir).
2.
Qiymətləndiriləcək bacarığın və ya kompetensiyanın hansı bacarıqlardan
ibarət olmasının təsviri (
aspektlər, meyarlar).
3.
Nailiyyətin müxtəlif səviyyələrini qiymətləndirmək üçün qiymətləndirmə
şkalası-
keyfiyyət səviyyələri intervalı.
Müəllimin istəyindən asılı olaraq -
səviyyələr üzrə qiymətləndirmə balları və ya qiymətin sözlə ifadələri.
4.
Səviyyə üzrə göstəricilər- nailiyyət səviyyəsini təsvir edən söz və ya rəqəm.
5.
Səviyyə deskriptor- nailiyyət səviyyəsini daha müfəssəl təsvir edən sözlü ifadə.
Rubrikdən istifadə zərurəti:
Rubriklər qiymətləndirmə zamanı şagirdlərdə hansı bacarıqların inkişaf
etdirilməsinin tələb edildiyini göstərir.
Rubriklərdən, əsasən, formativ qiymətləndirmə zamanı, həmçinin diaqnostik
və summativ qiymətləndirmədə də istifadə olunur.
Rubriklər nailiyyət səviyyələrini sözlə təsvir edir və iki əsas suala cavab verir:
Nə qiymətləndirilir? Nailiyyət səviyyələri necə ifadə olunur?
Rubriklərin üstün cəhətləri vardır:
Bunlar aşağıdakılardır:
1.
Rubriklər qiymətləndirmənin daha ədalətli, obyektiv, etibarlı və ardıcıl
olmasına imkan verir.
2.
Rubrikləri hazırlamaq üçün müəllimlər müvafiq şərtlər üzrə öz meyarlarını
müəyyənləşdirir və bununla təlim məqsədlərini daha yaxşı təsvir edir.
3.
Rubriklər müəllimlərin şagirdin işini qiymətləndirməyə sərf etdiyi vaxtı
azaldır.
4.
Rubriklər tədrisin səmərəliliyi ilə bağlı müəllimləri faydalı məlumatlarla təmin
edir.
5.
Rubriklər keyfiyyət səviyyələri intervalı vasitəsilə telerogen (müxtəlif
qabiliyyətə malik şagirdlərin olduğu) siniflərində qiymətləndirmə aparmağa
kömək edir.
Rubriklərin hazırlanması üçün addımlar:
Addım 1. Mən hansı bacarığı qiymətləndirməliyəm?
-
təlim məqsədini təyin etməklə rubrikin adını müəyyənləşdirmək.
Addım 2. Bacarığın hansı əsas tərkib hissələri (
aspektləri, meyarları) ola bilər?-
aspektləri (meyarları) təsvir etmək (Təsviri sxem formasında ifadə etmək).
Addım 3. Nailiyyətin müxtəlif səviyyələrini qiymətləndirmək üçün hansı
qiymətləndirmə şkalasından istifadə ediləcəkdir?-nailiyyət səviyyələrinin sayını
(4-6 səviyyə) və ifadəsini (göstəriciləri) dəqiqləşdirmək.
Addım 4. Bu aspektlər üzrə hansı nailiyyət səviyyələri ola bilər
?-bütün nailiyyət
səviyyələrinin deskriptorlarının sözlü təsvirini yazmaq, bunun üçün əvvəl
şkalanın ən yüksək və ən aşağı səviyyəsini, sonra isə onların arasında olan
şkalaları müəyyənləşdirmək.
Rubriklər iki növə ayrılır:
-
Holistik rubrik-şagirdin fəaliyyətinə verilən tələbləri meyar şəklində təsvir edir
və onların nailiyyət səviyyələrini göstərir.
-
Analitik rubrik-şagirdin fəaliyyətinə verilən tələblərdən irəli gələn meyarları
bir neçə aspektə ayıraraq nailiyyət səviyyələrini müəyyən edir.
Şagirdlərin bacarıqlarının qiymətləndirilməsi üzrə holistik rubrik
Göstəricilər
(səviyyə)
Meyarlar
Qeyd
4.
3.
2.
1.
Təqdimat
yaxşı
təşkil olunub. Məzmun
bütünlüklə əhatə olunub və həqiqətən şagirdlərin
birgə əməyinin məhsuludur.
Təqdimatın
təşkili qənaətbəxşdir. Məzmun
müəyyən qədər əhatə olunub və şagirdlərin onun
üzərində birgə çalışdığı məlum olur.
Təqdimatın təşkilatçılığı zəifdir. Məzmun bir
qədər əhatə olunub və qrupun kollektiv işlədiyi az
hiss olunur.
Təqdimat qoyulmuş məzmunu əhatə etmir.
Təqdimatın kollektiv işin nəticəsi olduğu hiss
olunmur.
Holistik və analitik rubriklərin müqayisəsi
1.
Holistik qiymətləndirmə şagird nailiyyətləri üzrə ümumi mənzərəni təsvir edir.
Analitik qiymətləndirmə isə şagirdin ayrı-ayrı fəaliyyət sahələri üzrə
qiymətlərini təyin edir, şagirdlərin fəaliyyəti ardıcıl qiymətləndirilməklə,
onların nailiyyətləri haqqında daha ətraflı informasiya verir.
2.
Holistik qiymətləndirmə sürətli, analitik qiymətləndirmə üçün daha çox vaxt
tələb olunur.