538
boşaldı. Əlbəttə, Ərdəbilə, lap elə Təbrizə qayıtmaqdan söhbət
belə gedə bilməzdi, qismətimdə Tiflisi bir daha görmək yoxdusa,
elə yurduma yaxın bir yerdə – Şəkidəcə dünyayla vidalaşmaq
daha məntiqli olardı. Ağır günahların sahibi olmamışdım, yəqin,
məni Haqq evinə yola salmaq üçün bir-iki mərhəmətli Allah
bəndəsi tapılar, qəbrim üçün bir parça torpağı da əsirgəməzdilər.
529. Mirzə Hüseynin naməsisə daha çox məmləkətdə olub-
keçənlər barədəydi. Əvvəl yazırdı ki, Məhəmməd Kazımla Pərixan
xatunun ulduzları barışıb, Şahımızın kefinin kök vaxtında Mirzə
Mehdi məsələni açıb, Qibleyi-Aləm də bu izdivaca xeyir-dua
verib, sonra Məhəmməd Kazım Behbud xanın qoşunuyla Türküs-
tan səfərinə çıxıb; yazırdı, Şahımız Yegen Mehmet Paşanı sınıq
salandan sonra Xorasana gedəndə yolüstü Təbrizdə və Marağada
qalıb dincəldi, ətraf vilayətlərin hakimlərini hüzuruna çağırıb
haqq-hesab istədi, ardınca Həmədandan və Fərəhandan keçib İs-
fahana getdi, orda da hakimləri divana çəkdi, nəhayət, Məşhədə
yollanıb dövlət işlərilə məşğul oldu; yazırdı, Şahımız Xorasanın
vəziri Mirzə Məhəmmədəli İsfahanini, bir də öz adamı Baba
Kərimini yüz nəfər fırıldaqçıyla edam elətdirdi ki, bir də kimsə
xəzinəyə əl uzatmasın; yazırdı, Şahımız Novruzu Məşhəddə ke-
çirdi, sərdarlara, sərəskərlərə, minbaşılara, yüzbaşılara on iki
min dəst xələt, on iki min tümən əşrəfi payladı, sonra Kelat,
Əbivərd, Dərəggəzdə olub İraqa yola düşdü ki, Məhəmmədəli
xan Qırxlunun özbaşınalığına son qoysun; yazırdı ki, Şahımız
Məhəmmədəli xanın dəstəsini dağıdıb, özünüsə tutub gözlərini
çıxarandan sonra Sistanda Fətəli xan Sistaninin baş qaldırmasın-
dan xəbər tutdu, bu səbəbdən Osmanlılarla barışığa gedib yö-
nünü Sistana doğru çevirdi, Məhəmmədrza xan Qırxlunun əlilə
Fətəli xanı tutdurub dünya işığına həsrət qoydu; yazırdı, sistan-
lılar bununla təslim olmadılar, Şahımız da Xacə dağındakı qalanı
tutmağa bu dəfə Əliqulu xanı göndərdi; yazırdı ki, Şahımız hətta
doğmalarının üzərinə belə, ağlagəlməz məbləğdə vergi qoyub,
İbrahim xanın bütün əmlakını müsadirə elədi, üstəlik, Əliqulu
xanın Sistanda bir nəticəyə nail olmaması Şahımızda qardaşı
oğluna qarşı şübhə oyandırdı, İbrahim xanın başına gələnləri
eşidən Əliqulu xan da daha Şahımıza iradət eləməmək fikrinə
düşdü, bu tərəfdən də təzədən Sistana göndərilən Məhəmmədrza
539
xan Qırxlu itaətdən boyun qaçırdı; yazırdı, Şahımız Əliqulu xa-
nın üzərinə yüz min tümən vergi qoydu, həm də Əfqanıstan və
Hindistan Hakimi Təhmasib xan Cəlayiri Əliqulu xanın yanına
göndərdi ki, onu itaətsizlik fikrindən daşındırsın, yola gəlməsə,
boynunu vursun. Mirzə Hüseynin yazdığı bu sözləri eşidəndə
tüküm yenə ürpəşdi: bu qədər kənar düşmənləri olduğu bir
vaxtda Şahımızın doğmaca qardaşı oğlunu özünə qarşı qaldrması
yeni faciədən xəbər verirdi;
530. Mirzə Hüseyn özü barədə ancaq sağ-salamat olduğunu
yazmışdı, görünür, həyatında xüsusi bir dəyişiklik yoxdu, günləri
yenə buyrultular yazmaqla keçir. Amma onun Şahımız barədə yaz-
dıqları tüklərimi ürpətdi, hiss elədim ki, Əfşarlar xanədanını qu-
ran kəs qurdlar əhatəsinə düşmüş aslan kimi çarpışır, məmləkətin
bütövlüyünü saxlamaq, özünü qorumaq üçün bütün yollara əl
atır. Şahımız ta yeniyetməliyindən, türkmənlərin əsirliyindən qa-
çıb qurtarandan sonra dəfələrlə ölümlə üz-üzə gəlmişdi, amma,
elə bil, Allah onu saxlayır, ağlasığmaz təhlükələrdən çıxarır,
məğlubiyyətlərdən sındırmır, qələbələrə, taxt-taca doğru aparır-
dı. Bəs onun bu qədər satqınlıqlar, xəyanətlər, itaətsizliklərlə
üzləşməsinin səbəbi nəydi? Təkcə hökmündən çıxanlara qarşı
amansızlığıydımı? Əlbəttə yox, buna inanmırdım. Axı, doğmaca
qardaşı oğlunun itaətsizlik yolu tutması nədən qaynaqlanırdı?
Cavanca yaşında öz övladlarından ayırmamışdı, o boyda hökm
yiyəsi eləyib, ixtiyarına qoşun vermişdi. Şübhəsiz, iştah diş al-
tındadı. Xorasan boyda vilayətdə hökm-fərma olan Əliqulu xan
daha irəli gedib taxt-taca göz tikəcəkdi. Bəs Məhəmmədəli xan
Qırxlu, bəs Fətəli xan Sistani, Tağı xan Şirazi, neçə-neçə belələri
Şahımızın sayəsində məqama çatmamışdılarmı? Mirzə Hüseynin
naməsindən, azı, altı ay sonra könül dostunun şübhəsi, üstəlik,
əlli min tümən vergisilə üzləşən Təhmasib xan Cəlayirin Əliqulu
xanla birləşdiyi, Şahımızın onu da edam eləmək üçün fərman
verdiyi barədə şayiələr yayıldı. Karvansarada əylənən yolçular-
dan Kərbəlayı Mahmudun öyrənib mənə çatdırdığına görə, Şahı-
mızın qardaşı oğlunu itaətlə gətirmək cəhdləri boşa çıxıb, cəmi
Xorasanın Əliqulu xanın tərəfinə keçdiyini, həlqənin get-gedə
daraldığını hiss eləyən Şahımız törəmələrinin hamısını Kəlata
göndərib, sonra əvvəl Xəbuşan kürdlərini, sonra da nankor qar-
540
daşı oğlunu itaətə gətirmək üçün yola çıxıb. Yazırdı, Şahımız Ke-
lat qalasının girişindəki iri qaya üzərində öz doğma türkcəsində
Gülbun Əfşarın bir şerini yazdırıb, Şəh-i cəm hişmət-i Dara dərayət,
Nadir-i dövran, /Ki təxt-i dövlət-i Cəmşid’ə varisdir cahan üzrə...
beytilə başlayan şeir onun talenaməsinə oxşayır...
531. Hicri 1160-cı, miladi 1747-ci ilin yayını ölüm duyğusu
içində keçirdim, qəlbim qan ağlaya-ağlaya gözlədiyim xəbərsə o
ilin ilk payız günlərinin birində yetişdi. Hardansa Hacı Çələbi
xanın yanına çapar gəlib Şahımızın öldürülməsi barədə xəbər
gətirmişdi, şəhərdə bir şadyanalıq başlamışdı ki, gəl görəsən. Bir
neçə dəfə top atıldı, tüfəng səsləri gəldi, bağırtı-çığırtı karvansa-
ra həyətində də eşidildi; dedilər, onsuz da Novruz günlərindən
Məlik Cəfəri qovub özünü mahalın hakimi elan eləmiş Hacı
Çələbi xan artıq Şəki xanıdı, bundan sonra Əcəm şahlarına
tabe olmayacaq. Şahımızın qətlinin təfərrüatınısa bir ay sonra
Təbrizdən gələn bir dərvişdən eşitdik. Söylədiyinə görə, Şahımız
Fərəhabadda düşərgə salanda yuxusunda neçə illər əvvəl gördüyü
vaqeəni bir də görüb, bu dəfə bir nurani qoca onu on iki şəxsin
hüzuruna aparıb, belinə qılınc bağlayan pirani deyib, qılıncı bu
qabiliyyətsizin belindən açın, Şahımız nə qədər çalışsa da qılıncı
açırlar; deyirdi, Şah çox narahatmış, amma onu sakitləşdiriblər
ki, kimsə Allahın kölgəsinə əl qaldıra bilməz, amma hökm-
dar təhlükənin lap yaxında olduğunu duyurmuş, daha çox da
öz həmtayfası, keşikçilər dəstəsinin başçısı Məhəmmədqulu xan
Əfşardan şübhələnirmiş, sən demə, o da Musa bəy Əfşar, Qoca
bəy Qoyunlu, Məhəmməd xan Qacar Rəvani, Saleh xan Qırxluyla
dil tapıbmış, bu fikrə düşənlərin sayı yetmiş nəfərə yaxınmış;
Şahımız Cuki xanımın yanında olan gecə çadırına soxulublar,
hökmdar onları görəndə duyuq düşüb dəli nərə çəkib, toppu-
zunu axtarmağa başlayıb, amma Məhəmmədqulu xanla Saleh
xan özlərinə gəlib ona hücum eləyiblər, Saleh xan ayağı çadırın
kəndirinə ilişib yıxılan Şahımızın bir qolunu kəsib, Məhəmməd
xan Qacarsa hökmdarın başını bədənindən ayırıb; deyirdi, Şahın
başını Heratda xəbər gözləyən Əliqulu xana göndəriblər; deyir-
di, bütün bunlar baş verəndə Şahın xəbərçisi Mailin oğlu Lazar
Məlik Apoyla özlərini Kelatdakı xəzinəyə çatdırıblar, hərəsi bir
Dostları ilə paylaş: |